رجه فى الماكينه

**m_mekkawy** · 06-10-2010 03:54 PM

رجاء من خبراء المنتدى
انا عندى النترا 2008 وعندى ر جه فى الماكينه لما العربيه بتكون دايره وواقفه مكانها
هى رجه بسيطه بس محسوسه ومنتظمه
من خلال سؤالى لصحابى تفتكر دى ايه الرجه دى
فيه اللى قالى ده طقم كهربا (اسلاك بواجى يعنى)
وفيه اللى قالى دى عايزه ظبت تاكيهات او حساس cvvt فيه حاجه غلط
وفيه اللى قالى دى بلية سير الكاتينه
وفيه اللى قالى كراسى مكينه
فانا مش عايز اروح للميكانيكى لانه هيحط كل الأختمالات دى وهيغير واللى متنفعش يقولى ع التانيه لحد ما تظبط مع العلم ان فلتر البنزين والبواجى وفلتر الهوا مركبهم جديد وكشفت على كراسى الماكينه برضه مفهاش حاجه مع العلم انى لما بدور سعات قليله بسمع صوت خبطه صغيره.
ارجوا المساعده وهنيالك يافاعل الخير والثواب

**mr_vampire** · 06-10-2010 04:46 PM

اول واسط حاجة خلي ميانيكي يظبطلك السلانسيه او يعلي الار بي ام شوية وشوف النظام ايه وعرفنا؟؟؟؟؟؟؟؟

**mr_sameh** · 06-10-2010 05:21 PM

ظبط الار بي ام

**أبو إياد** · 07-10-2010 01:44 PM

ياريت تكتب عداد الكيلو متر كام ؟ ونوع الفتيس ؟
والاغلب فى الحاله دى بتكون قواعد الموتور
وباردو لازم تقول العداد عامل كام علشان الناس تقدر تفيدك

**أبو إياد** · 07-10-2010 04:35 PM

145000 يبقا الاحتمال الاكبر هى قوتعد الموتور

**karimfahmy99** · 09-10-2010 08:15 AM

المشاركة الأصلية كتبت بواسطة m_mekkawy

رجاء من خبراء المنتدى
انا عندى النترا 2008 وعندى ر جه فى الماكينه لما العربيه بتكون دايره وواقفه مكانها
هى رجه بسيطه بس محسوسه ومنتظمه

دا بيتسمى ترتيلة او تفتفة و غالبا بيكون عيب فى الخليط او الكهربا

حاجه مع العلم انى لما بدور سعات قليله بسمع صوت خبطه صغيره.

صوت الخبطة دا احتمال انة يكون من الشكمان من جوة العلبة نفسها

**m_mekkawy** · 10-10-2010 02:31 PM

شكرا يا كريم انت كلامك صح وكانت محتاجه تغير اسلاك بواجى وحصلت فعلا وماشيه زى الفل بس للأسف العربيه هتتباع كمان اسبوع بأذن الله وهجيب بدالها متسوبيشى باجيرو 2005 اتفقت فيها خلاص واسأل الله انه يدينا خيرها ويكفينا شرها ويستر طريقنا ووشها يطلع حلو عليا زى الألنترا كده.

**F170** · 10-10-2010 02:54 PM

بسم الله الرحمن الرحيم
يا باشا والله اعلم دي قواعد موتور

الإلانترا بتاعتك مفهاش ضبط هوا وبنزين كله بيتم عن طريق الكومبيوتر بتاع العربيه هو اللي بيظبط الهوا بتاعها على السلانسيه
و يعلي ويوطي الار بي ام على حسب ظروف التشغيل يعني الصبح تلاقيه في اول تشغيله بيعلي صوت العربيه شويه غالبا فوق واحد على العداد لغايه ما تسخن وبعد كده بتلاقيه في حدود ال700 اربي ام
لو في مشكله هوا لاقدر الله بتكون في حاجه اسمها (ISA) (Idel Speed Acutator) ده اللي بيتحكم في مقدار فتح البوابه بس معتقدش ان عندك فيه مشكله لأنه كان حيخلي السرعه بتاعه الموتور بتعلي وتوطى بدون انتظام
والله اعلى واعلم

-

-

الموضوع: رجه فى الماكينه

LinkBack

أدوات الموضوع

عرض

رجه فى الماكينه - انشر الموضوع فى :

-

-

-

-

المواضيع المتشابهه

الماكينه Si .... فيها حاجات كتير للبيع

عايز اعرف افرقبين الماكينه ال si ال 130 حصان من الماكينه ال sir ال 175 حصان

صوت الماكينه

صوت الماكينه عالى قوى

هوندا ريبيل ايه اخباارها الماكينه ديه

الكلمات الدلالية لهذا الموضوع

المفضلات

المفضلات

ضوابط المشاركة