الموضوع: اى المحركين اقوى و لماذا؟؟

متهيالي الكلام واضح اهو وبيفسر نفسه. الموتور اللي فيه عدد صبابات اكبر هو الاعلي فالقوة حتي ولو كان اقل فالسعة اللترية. لان ببساطة الصباب هو المسئول عن دخول الوقود والهواء غرفة الاحترق فكلما زاد عدد الصبابات زادت كمية الوقود والهواء المحترقة فيزيه القوة الناتجة من حرقهم وبالتالي قوة موتور اعلي وعزم اشد. والله اعلي واعلم

معلش مخدش بالي من باقي الاسئلة انا هجاوب علي اللي اعرفه والباقي اجتهاد يحتمل الصواب او الخطا:

الحصان وحدة قياس زي الوات والفولت يعني لما تجيب جينيريتور او مولد ديزل وتقوله ده قدرته 1000 وات يبقي بيطلع او خرجه 1000 وات فالحصان وحدة قياس ولمعرفة مقدارها ببساطة كدة
l horse power= 3/4 kilo watt= 725 watt
يبقي الموتور اللي قوته 100 حصان بضربية بسيطة بيطلع72500 وات او 72.5 كيلو وات.

السي سي بتسمي السعة اللترية 1300=1.3لتر معناها ايه او بتدل علي ايه الله اعلم.

الكامة شوفتها قبل كدة في موضوع هي اللي بيركب عليها التيكيهات بتاعة الموتور وبيبقي ليها شكل معين بحيب التيكيهات تتحرك عليها حركة ميكانيكية معينة تخلي صباب يفتح وقت ماصباب تاني يقفل وهكذا.

والله اعلي واعلم

في موضوع فالقسم التعليمي اسمه عشان نعدل لازم نفهم فيه فيديو حلو اووووووووووووووي عن كيفية عملة المحرك وهيفهم ببساطة الصبابات و التيكيهات والكامة والليلة ده كلها.

الهورس باور الأعلي .. هو الأقوي
لأن اتجاه الشركات العالميه دلوقتي الي تخفيــــض ال سي سي أقصي ما يمكن .. مقابل الحصول علي أعلي هورس باور .. زي مواتير فيات و فولكس فاجن الجديده

عامه 2 كامه بتزود قوه الحصان بس لاز تعرف القوه دى عند كام لفه فى الماتور rpm
يعنى ممكن يكون 86 حصان عند 5000 لفه فى الدقبقه
95 حصان عند 6000 لفه فى الدقيقه
وفى حجات بتفرق مثل كربراتير ولا انجكشن
وكمان ممكن نفس cc ماتور بيدى قوه اكثر حسب تصميم طول وقطر البستم
بس ده حاجه عاديه وماتستغربشى

المشاركة الأصلية كتبت بواسطة smase

طيب كدة واضح ان الهورس باور هو اللى بيحدد قوة المحرك و ان المحرك التانى هو الاقوى بس برضو ناقص حد يفهمنا السعة اللترية معناها ايه و ليه الناس بتربط بينها مثلا و بين تشغيل التكييف يعنى دايما يقولوا العربيه لما السى سى يبقى اعلى التكييف ما يأثرش على السحب اوى و العكس

ال cc دي اختصار سنتيمتر مكعب ودي وحدة قياس حجوم بتعبر عن حجم غرفة الاحتراق ال في المتور
وكل ما زادت بيزيد الاستهلاك لان الموتور بياخد كمية بنزين اكبر ويحرقها وبتزود برضو القدرة بتاعة الموتور