اجعل الإنذار يتصل بك بدلا من صوت السرينة – شرح بالصور

**husseinsalah** · 08-10-2010 03:11 PM

المشاركة الأصلية كتبت بواسطة karimfahmy99

طبعا مش موصلها لانها لها سلبيات برضة . مثلا لو الريموت فضى منك فاجاة حصلت معايا و الريموت مات يبقى انت ركنت جنب العربية كمان الا لو انت خبير و هتعرف تلغى دايرة الريموت زى ما عملت عشان تعرف تروح

هو طبعا سبب منطقى وعموما لو اى حد مفعل الخاصية دى ممكن بسهولة يشيل الفيزة اللى راكبة على الطرف الاحمر الخارج من علبة الانذار وبكدة يكون فصل الانذار وسبب انى ما فعلتهاش انى مقتنع ان اللى بيحاول بيسرق العربية اول حاجة بيعملها بعد قطع سلك السربنة من الخارج وبعد ما بيفتح العربية هيعرف بسهولة ان الانذار معطل الكهرباء فيوصلها زى ما قلت

وانا كان غرضى من تركيب الانذار أنى افتح السنتر والشنطة بالريموت أما احتياطاتى الامنية فى تامين العربية هى اولا غطا العربية وقفل مسوجر للدركسيون (طبعا اللى عاوز يعمل حاجة هيعملها بس عى الاقل الحرامى بيدور على الحاجة السالكة) واخيرا موضوع الرنة على الموبايل

**Honda_lover** · 09-10-2010 03:54 AM

المشاركة الأصلية كتبت بواسطة karimfahmy99

طبعا دا حل زى ما قلت او زى ما قلت هات موبايل بشريحتين تفرق بين الوظيفتين . مع وضع فى الاعتبار انك هتزود ريلاى تانى و سلكين اتصال سريع تانيين و توصيلات جديدة . واحد للشوك زى منتا عامل و التانى هيعتمد على الارضى بتاع الابواب يعنى الريلاى الجديد لما ياخد ارضى يفتح على الاتصال السريع الجديد

بس اعتقد برضة مش هتنفع لانك متقدرش تشغل الشريحتين فى وقت واحد . يبقى لازم موبايلين يعنى لازم دايرتين . واحدة لكل وظيفة .

طب متريح دماغك وهات انت موبايل شخصي بشريحتين وخلي اللي فالعربية زي ماهو بس بدل مهيكون في رقم واحد للاتصال الثابت خلي فيه رقمين اتصال ثابت مثلا رقم 5 رقم ورقم 8 رقم الاول سجل عليه رقم الشريحة الاولي ولما يرن اعرف انه الشوك وسجل علي الرقم الثاني رقم الشريحة الثانية بحيث انه لما يجيلك اتصال عليه اعرف ان الباب اتفتح بس والتعديل ده سهل جدا

**karimfahmy99** · 09-10-2010 06:25 AM

المشاركة الأصلية كتبت بواسطة honda_lover

طب متريح دماغك وهات انت موبايل شخصي بشريحتين وخلي اللي فالعربية زي ماهو بس بدل مهيكون في رقم واحد للاتصال الثابت خلي فيه رقمين اتصال ثابت مثلا رقم 5 رقم ورقم 8 رقم الاول سجل عليه رقم الشريحة الاولي ولما يرن اعرف انه الشوك وسجل علي الرقم الثاني رقم الشريحة الثانية بحيث انه لما يجيلك اتصال عليه اعرف ان الباب اتفتح بس والتعديل ده سهل جدا

ماشى بس انا عرفت نقطة مهمة انك متقدرش تشغل الشريحتين فى وقت واحد و دى المشكلة شريحة واحدة بس هى اللى تشتغل

**husseinsalah** · 09-10-2010 11:10 AM

المشاركة الأصلية كتبت بواسطة karimfahmy99

ماشى بس انا عرفت نقطة مهمة انك متقدرش تشغل الشريحتين فى وقت واحد و دى المشكلة شريحة واحدة بس هى اللى تشتغل

المشكلة ان فى الموبايل أبو شريحتن هتحتاج وحدتين مفاتيح فى الموبايل ودة طبعا مش متوفر وعموما انا من رأى انة الشوك مش محتاج توصلى رنة على الموبايل

دا انا مش عارف حالتى هتكون عاملة ازاى لما اسمع تليفونى بيرن من العربية (بالمناسبة انا مخصص نغمة صوت الاسعاف لرقم العربية) ساعتها ممكن اجرى فى الشارع زى المجنون واقعد افكر ياترى لو لقيت واحد قاعد جوة العربية بيحاول يقلبها او يدورها هتصرف معاة ازاى لو انت مكانى هتعمل اية .........

1- هزعق قبل ماوصل للعربية (حرامىىىى) علشان يجرى ويسيبها

2- اقفشة واديله علقة محترمة وبعد كدة اسيبة

3- اضربة واسحبة على القسم (لاحظ ان فى الحالة دى هيحاول يهرب بأى شكل)

مستنى ردودكم لان بجد الموضوع دة محير ...

**karimfahmy99** · 09-10-2010 06:26 PM

اعتقد الصح تزعق من بعيد حراااااااامى . من خاف سلم و الامر ميسلمش يكون معاة مطوة و لا حاجة اكيد دول ناس صيع و مامنين نفسهم لاى مشكلة . و ممكن يكونوا اكتر من واحد . واحد فاتح و بيقلب و التانى نضورجى يبقى انت وقعت فى ملقف يا باشا .

لو انت معاك كام واحد مش لوحدك خش كبير ميهمكش . لوحدك لأ

**husseinsalah** · 09-10-2010 08:41 PM

انا بردة بقول كدة لكن بردة الواحد بيبقى عاوز يفش غلة خصوصا لو دمرلك حاجة فى العربية ياريت بقى لو حد اتعرض للموقف دة يقول لنا اتصرف ازاى..

**ayman97** · 09-10-2010 10:55 PM

انا بخمر القصة في دماغى وبإذن الله ناوى اعملها بنفسي

**husseinsalah** · 10-10-2010 06:14 AM

المشاركة الأصلية كتبت بواسطة ayman97

انا بخمر القصة في دماغى وبإذن الله ناوى اعملها بنفسي

ماشى ياباشا وانا تحت امرك فى اى مشورة لو فى أى حاجة مش واضحة

**tarekmomo** · 10-10-2010 01:29 PM

فكرة حلوة اووى

**doctor_iea** · 08-01-2011 12:06 AM

انا عندي فكرة جديدة لموضوع الشوك انت بدل ما توصل مفتاح الاتصال السريع علي رنة الشوك لجهاز الانذار اللي هوه بيرن شوية وبعد كده يسكت شغلة علاطول علي رنة فتح الباب اللي هيه ما بتسكتش ها ايه رايكم.

الموضوع: اجعل الإنذار يتصل بك بدلا من صوت السرينة – شرح بالصور

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

بالصور ايبود 4 تاتش + كفر بيخليه يتصل زي التلفون العادى

السرينة

فتح شنطة سبارك من ريموت الإنذار (بالصور)

الكلمات الدلالية لهذا الموضوع

المفضلات

المفضلات

ضوابط المشاركة