الموضوع: كنانة او سنابل

ياترى محدش يعرف اى معلومات سواء مساحات او اسعار عن مشروع كنانة او سنابل فى 6 اكتوبر

معلوماتي قديمة شوية بس هاقولك اللي اعرفه

سنابل تبع المشروع القومي للإسكان، يعني له شروط السن من 20 ل50 تقريبا والدخل لا يزيد عن 1750 للاعزب و2500 للأسرة لو متزوج، ولم يسبق للأسرة الحصول على شقة او ارض من الحكومة
الموقع في حدائق أكتوبر
المساحة صافي 63 متر "كل الإسكان القومي كده والشركة اللي تقول كلام غير كده بتستهبل" الاجمالي المفروض 75 متر بس طبعا هتلاقي اللي يقول 80 و85
ما اعرفش الاسعار كام
المشروع تبع شركة مينا "يعني مينا جاردن سيتي ومشروعات قرى مينا بالساحل الشمالي وغيرها"
Mena For Touristic and Real Estate Development

===

كنانة مشروع اسكان حر "يعني مش تبع الاسكان القومي"
الموقع في حدائق اكتوبر برضه بس يعتبر في أولها من ناحية طريق الواحات، خلف مدينة الانتاج الاعلامي مباشرة
المساحات من 80 لــ 150 متر "إجمالي مش صافي"
الأسعار 2000 جنيه للمتر نص تشطيب و2500 بالتشطيب، بس دي أسعار بداية البيع بالمشروع من حوالي سنة تقريبا ما اعرفش دلوقتي كام
المشروع تبع شركة IGI "يارب اكون فاكر اسمها صح" ودي الشركة اللي عاملة حي الاشجار في اكتوبر
Kenanah