مشكله فى عربيه 128

**mohamed9999** · 10-10-2010 02:35 PM

السلام عليكم ورحمه الله
العربيه 128 موديل 1986 كنت رايح وسط البلد يوم الاربع وركنتالعربيه وبعد ساعه ركبتها يدوب مشيت 300م و العربيه بطلت ادور تدور مارش و الماتور بيلقطش
المهم جبت ميكانيكى قاللى الابيلاتين و الكوندنسر المهم غيرهم وقاللى ابقى ركب روجيهات عشان البوجيهات اللى فيها مرطبين
رحت عند البيت خليت الميكانيكى بتاعى ركب بوجيهات يابنى ngk وتتم على الابلاتين و الكوندنسر تمام
رحت بالعربيه الشغل يوم الخميس ووصلت تمام وبعدين و انا مروح العربيه فصلت فى الشارع استقربت ميكانيكى قاللى العربيه مش لاقطه كهرباء الكندنسر فصل قلتله انا لسه مغيره امبارح قاللى كان مرطب المهم غيره
وظبط العربيه تمام من سعتها و انا بحس ان العربيه بتنتش ع السرعات العاليه بعد 70كم هى تنتيشه على خفيف يا ترى يبقى عيب ايه انا بس كل خوفى لتقف بيا تانى فى الطريق كالعاده

**sary005** · 10-10-2010 02:43 PM

كوندنسر ياباشا

**mohamed9999** · 10-10-2010 03:18 PM

انا بقلك مغيره الاربعاء وضرب غيره تانى يوم الخميس ودلوقتى بتقللى كوندنسر باظ تانى يا ترى ليه .........هل عيب موبينه ولا ايه

**karimfahmy99** · 10-10-2010 03:34 PM

لا دا مش عيب كوندسر . لو الكوندسر معيوب تعمل مدافع معاك

التنتيشة دى اما سلك بوجيهات مش راكب كويس اما بوجيهات وحشة اما فلتر بنزين مخنوق

تمم على السلوك انها راكبة كويس و ان البوجيهات مربوطة كويس وشوف فلتر البنزين كويس و لا مسدود و جرب تانى

و غالبا الكوندسر اللى فكيتة يوم الاربع سليم و العيب كان ابلاتين قفل بس همة السياسة عندهم كدة هتغير ابلاتين يبقى تغير كوندسر كمان

**bassem.naguib** · 10-10-2010 03:40 PM

ما تشوف بالمرة سلك البوجيهات (بتفك كل سلك على حده من ناحية البوجيهات وبتشوف الشرارة اللي خارجة منه قوية ولا ضعيفة) أحتمال يكون منه .

بس موضوع الكوندنسر والابلاتين ده ممكن يكون من الموبينة (لأنها بتدي كهربا للاسبراتير ومنهم للابلاتين والكوندنسر) يا أما الاسبراتير نفسه فيه مشكلة .

**aYaBooY** · 10-10-2010 03:41 PM

محمد باشا معلش انا معرفتش ارد عليك و انشغلت شوية الصبح
بص كون الكوندنسر يقطع بعد يوم واحد شغل عادي انا بعت الـ 128 بسبب حركات زي ديه
قطع غيار مضروبة او مجهولة المصدر او بايزة من قبل ما تشتغل المهم
متجيبش كوندنسر ايطالى ( من غير ليه علشان معرفش ) هات الفرنساوي و عادتا بيكون لونه دهبي
طيب ايه الي يخلي الكوندسر يضرب او الاول ايه اعراض تلفة
1. تنتيش
2. مدافع
3.كهرباء زيادة و تنقص و العربية مش مظبوطة
4. صعوبة في الدوارة
طيب يضرب من ايه
1. عمرة انتهي
2. رزقك في واحد اصلا بايز
3. بيدخلة كهرباء عالية من الموبينة
طيب يبقي اول حاجة اتاكد من جودة الموبينة انها مش سبب الفصل
ازاي
الميكانيكي ( علشان يتكهرب هو مش انت ) يشيل السلك بتاعها و تدور و يشوف قوة و انتظام الشرارة
لما تفصل فوطة مبلولة و بردها و دور تاني لو دارت يبقي هيا لو مدرتش تبقي بريئة
طيب ممكن ايه كمان يعمل مشكلة زي ديه
الاسبراتير كل فترة يحتاج تنظف و يتغسل و يتشحم و يتزيت
و برده ظبط كهرباء العربية كل فترة علشان عمر الابلاتين بيفرق
سلوك البوجيهات لو مهربة العربية تنتش برده بص عليها
تفتح الكبوت و العربية دايرة في حتة ضلمة و تزود و شوف فيه شرز ولا لا
المفروض انه مفيش تسريب كهرباء يبقي مفيش شرز لكن لو فيه شرز يبقي سلوك بوجيهات محتاجة تغير

**mohamed9999** · 10-10-2010 03:42 PM

المشاركة الأصلية كتبت بواسطة ziabassem

ما تشوف بالمرة سلك البوجيهات (بتفك كل سلك على حده من ناحية البوجيهات وبتشوف الشرارة اللي خارجة منه قوية ولا ضعيفة) أحتمال يكون منه .

بس موضوع الكوندنسر والابلاتين ده ممكن يكون من الموبينة (لأنها بتدي كهربا للاسبراتير ومنهم للابلاتين والكوندنسر) يا أما الاسبراتير نفسه فيه مشكلة .

حبيب قلبى باسم طيب انا خاريف اسوق العربيه لتعطل منى و انا مروح ع العموم متقفلش تليفونك عشان ممكن اكلمك ..... برضو انا حسيت ان المكيانيكى اشتغلنى فى موضوع الكوندنسر دا وحاسس ان الابلاتين كان معلق بس

**mohamed9999** · 10-10-2010 03:46 PM

طيب هو مفيش مدافع بس بسمع صوت زى حرق كده او صوت زى هوه (اكنك طالع على 120 ع الزراعى وفاتح الشباك)نفس الصوت دا بسمعه من الماتور زى هوه مكتوم و بيقلب وبعدين نتش كل فتره طيب هل الميكانيكى يقدر يقول اذا كانت الموبينه كويسه ولا لا
انا جايب ابلاتين و كوندنسر فرنسااااااااااااوى علبه زرقه (الله يحرق كل الابلاتين اللى فى السوق ) هو فعلا ذهبى وربنا يرحمنا بقى من 128
هو انت يا جو مش قريب من شبرا النهارده

**bassem.naguib** · 10-10-2010 03:49 PM

المشاركة الأصلية كتبت بواسطة mohamed9999

حبيب قلبى باسم طيب انا خاريف اسوق العربيه لتعطل منى و انا مروح ع العموم متقفلش تليفونك عشان ممكن اكلمك ..... برضو انا حسيت ان المكيانيكى اشتغلنى فى موضوع الكوندنسر دا وحاسس ان الابلاتين كان معلق بس

المشكلة أن النهاردة الأحد بس متقلقش .. أول ما تعطل تقول بأعلى صوت "جزر" حتلاقيني قدامك على طول

الموضوع: مشكله فى عربيه 128

LinkBack

أدوات الموضوع

عرض

-

-

-

-

-

المواضيع المتشابهه

مشكله فى السنتر لوك عربيه فيرنا

عندى مشكله فى عربيه 128

مشكله في عربيه شيري qq

مشكله في عربيه ابيزا 94 1300 سي سي

مشكله فى عربيه لنشيا ديدره

الكلمات الدلالية لهذا الموضوع

المفضلات

المفضلات

ضوابط المشاركة