الموضوع: العربية بتعوم............

اظبط الزوايا و اتاكد من تربيط العفشة كويس
و اتاكد من حالة الكاوتش و من حشو الاسكاترا و ظبط زوايا ورا

1- أظبط زوايا وتأكد من سلامة المقصات والميزان الاماميين والكواتشات الخاصة بهما وان مافيش عجلة مأخرة عن التانية ،وخد رأىالفنى فى الموضوع
2- اضبط زوايا ورا وتأكد من سلامة جلب المقصات الخلفية
3- تاكد ان مافيش لحامات فى علب العربية مطرقعة أو سايبة ولو العربية فيها بارومة لازم تتعمل
4- العربية متكونش مقنطرة من ورا، يعنى متبقاش مرفوعة من ورا ومكفية من قدام، الوضع المثالى للعربية هو ان العتب اللى تحت الباب يكون موازى لأسفلت الطريق، لو الوضع غير كدة تروح لعفشجى يفك السوستة الخلفية (عندك فى الريتمو ورق صلب) ويتأكد انها سليمة أولا ثم يقوم بطرقها علشنا يظبط العربية على الوضع الصح
5- لو حاطط علايات من قدام شيلها, اظبط السوستة الخلفية كما فى الخطوة السابقة علشان تكون موازية لوضع السوست الأمامية بدون علايات
6- تاكد ان علبة الديريكسيون مافيهاش بوش اكثر من المسموح به
7- لو كل ده محلش المشكلة ولو المساعدين اللى انت جايبها طرية لازم تتغير بنوع ناشف(رياضى)( مونرو أو كونى)