الموضوع: مصل الإنفلونزا العاديه

المشاركة الأصلية كتبت بواسطة د.أحمد السعيد

انا اخدته من سنتين

بس نصيحة بلاش منه الا لو المناعة فى الضياع و كل اسبوع دور برد

الف شكر يا دكتور لإهتمامك
بس ليه بلاش منه
ممكن اعرف اضراره
المناعه ساعات بتكون في الضياع بس مش طول الوقت
دور البرد ممكن يقعد معايا اسبوعين

لأ عندي بتطول
يبقى بلاش منه
شكرا يا دكتور ... الف شكر

انا من سنة 2005 و انا باخده كل سنة للوقاية من الانفلونزا الموسمية

د. أحمد السعيد : ايه المشكلة في التطعيمات ؟؟؟

المشاركة الأصلية كتبت بواسطة د.أحمد السعيد

الموضوع و يا ريت بلاش تفاصيل اكتر كابوس مروع - أسرار منظمة الصحة العالمية .. أكذوبة انفلونزا الخنازير - منتديات الموصل منبر اهل الموصل والعراق
قيل ان هوجة انفلونزا الخنازير أكذوبة .....لتصنيع المصل و بيعة والتكسب لصالح ..........انتوا عارفين

و قيل ان المصل بتاع انفلونزا الخنازير فيه حاجات مضرة للجسم على المدى الطويل .......لمحاربة العالم العربى و اضعاف الاجسام


و اللى مصنع مصل الانفلونزا العادية هو اللى مصنع مصل الخنازير!!! فنضمن منين الضمير .....

بصراحة انا أخذت التطعيم 2009 و فرق معايا فى تكرار الادوار بس بعد ما قرأت عن الموضوع قلت انصح بيه للضرورة القصوى

اعتقد ان مصدر المعلومات الطبية ما ينفعش يبقى منتدى و بالذات المنتديات الخليجية !! و بالذات لو الموضوع منطوي على نظرية المؤامرة !!

ثانيا بالمنظر ده كمان بلاش بقى نطعم اطفالنا من الشلل و الثلاثي و الالتهاب الكبدي الوبائي و غيره و نسيب الاوبئة دي ترجع تنتشر تاني ... و افتكر الاسهل لو عايزين يضربوا العرب (جتنا خيبة اصلا هو احنا عندنا حاجة تتضرب !!! ) يلعب في تطعيمات حديثي الولادة احسن ......

ثالثا موضوع السكوالين ده طلع كلام فاضي ..... مع طبعا تحفظي على هوجة انفلونزا الخنازير اللي طلعت كلام فارغ ..... بس برضه ارجع و اقول انفلونزا الخنازير معدية بشدة و غير مميتة (الا في حالات ضعف المناعة الشديد او الامراض الاخرى زي السكر و القلب) ..... عكس انفلونزا الطيور اللي غير معدية بسهولة (لازم طائر لانسان ... ما ينفعش انسان لانسان) و مميتة في اغلب الاحوال ..... الذعر كان ان الاتنين يضربوا ورقة عرفي و يخلفوا لنا حيوان جديد وارث من ابوه الخنزير سهولة العدوى و وارث من امه الفرخة قوة الفيرس المميتة ..... كانت بقت مصيبة سودة و متلتلة علينا كلنا

رابعا تطعيم الانفلونزا الموسمية مهم جدا ..... لوقف نشر الوباء كل سنة ..... و اصلا الانفلونزا كل سنة بتتحور يعني تطعيم السنة اللي فاتت - زي ما قال د. زيزو فوق هنا - مالوش اي لازمة .... غير ان الناس بقالها سنين و عقود بتتطعم منه ..... اشمعنى بعد هوجة الخنازير هنخاف منه؟ ... و اقتبس هنا المقال للكاتب - و الدكتور - الشهير أحمد خالد توفيق, أستاذ طب امراض المناطق الحارة:

‫ط§ظ…ط±ط. ظ…ط¹ ط¥ظ†ظپظ„ظˆظ†ط²ط§ ط§ظ„ط®ظ†ط§ط²ظٹط± - 2 | Facebook‬

عن نفسي سوف آخذ اللقاح لو عُرض علي، وأعطيه لأولادي، وأشكر الله علي أنني لست من البؤساء الذين أصيبوا بالإنفلونزا عام 1918 قبل أن يبلغ العلم هذه الدرجة من التقدم، وأحمده علي نعمة العقل البشري التي لولاها لهلك نصفنا مع أول التهاب لوزتين أو إصابة بالجديري في طفولتنا. فإذا مت خلال عام فلأن عمري كده وليس لأن كل قوى الشر ومنظمة الصحة العالمية تحالفوا لخداعي