عن الرجرجه في العربيات الكبالن

**pro_samir** · 07-12-2010 06:29 AM

سلام عليكم

دلوقتي لو انا ماشي مثلا علي التاني وسيبت بنزين وحصل رجرجه في العربيه ، او جيت دوست بنزين تاني بدون سند دبرياج برضو يحصل رجرجه

اللي انا مستغربله ان في عربيات جديده فيها نفس المشكله دي

مثلا واحد صاحبي معاه نوبيرا 2001 مكملتش 50 ألف كيلو متر يعني تعتبر زيرو انا عامل الكيلوات دي في سنه وشويه ، بس هو مش خبره في العربيات ونظام مش بيراعيها في المشي وكده ويهدي ويمشي عادي مش بيحس بالعربيه .. لما سوقت العربيه الرجرجه دي عنده بطريقه بشعه جدا جدا وعلشان اتلافاها بضطر لما اهدي واجي اتحرك اسند دبرياج وبتعامل معاها بحساسيه نتيجه للتعود .. لكن هو مش في دماغه اصلا ولا حاسس بحاجه

وكذلك اكتر من حد في اصحابي معاهم لانوس بيحصل نفس الموضوع يسيب بنزين تترجرج يدوس تترجرج .. برضو لما بسوقها لازم اسند دبرياج علشان محسش بالرجرجه دي

في العربيات الدفع الخلفي القديمه اعتقد المشكله دي بتكون بسبب الصليبه مبوشه وبالتالي بيحصل رجرجه لما تسيب بنزين وتيجي تدوس

لكن في العربيات الكبالن مين المسؤل عن الرجرجه دي هل هي الكبالن نفسها ولا في حاجه تانيه ؟

وهل مع تغيير الكبالن المشكله دي بتتحل نهائيا ولا في ألات جر أخري بتكون اتأثرت نتيجه لطريقه السواقه ؟

**sam_pon** · 14-12-2010 03:44 PM

أعتقد قواعد الموتور والجيربوكس مسئوله عن هذه الرجه التي تحدث عند رفع القدم من على الدواسة واعادة الضغط على الدواسه

والله أعلم

**احمد ابراهيم** · 15-12-2010 10:06 AM

يا ريت لو حد يفيدنا بالاسباب و طرق معالجة الموضوع ده بحيث ان الواحد ميبقاش بيصرف على الفاضى
و لكم جميعا التحية و التقدير

احمد ابراهيم

**pro_samir** · 15-12-2010 10:10 AM

شكرا لمروركم

مش عارف انا مستبعد موضوع القواعد لأن أكيد هتبقي باينه

بس السؤال هل هي كبالن فقط ولا في حاجه تانيه ممكن تعمل الموضوع ده

**mohmdomar** · 16-12-2010 12:51 PM

عندي نفس المشكلة وعلي التاني والاول .. ومحتار جدا لأن الموضوع دا بيضايق فعلا
انا كنت متوقع فعلا انها الكبالان الداخلية ..بس دي حلها ايه تتغير ولا تتظبط؟؟؟