ركبت phillips extreme power.

**slim_shika** · 09-12-2010 07:48 PM

اخيرا وبعد طول بحث استقريت على ال phillips extreme power و الحمد لله عجبني قوي.

الفك و التركيب مخدش وقت ولا مجهود, هي الفكرة إن من ناحية الفانوس الشمال مزنوق شوية.

ملاحظتي:

اللمبة طبعا H4.

مش محتاجة كاتاوت.

النور الواطي أقوى مثلا ب 20-30% وفارش سنة زيادة عن الفبريكة.

النور العالي أقوى بـ 30-40% ومش فارش زيادة.

كان قدامي ال osram night breaker بس مردتش اجيبها, مع إنها أقوى من ال Phillips, بس الراجل قالي إن في ناس جاتله بعد 3 و 4 شهور, فأنا فضلت العمر الافتراضي عن القوة.

اشتريت من محل في شارع دمشق (مصر الجديدة) ب 110 و التركيب جبت كهربائي جنب المحل ركبهم ب10 جنيه. (مش فاكر اسم المحل بالضبط بس هو قدام بنزينة التعاون).

سألت على الفوجأت بالمرة لقيتها ب 700 الأصلي بتاعها عند واحد اسمه محمد جابر. هو عنده قطع غيار دايهاتسو.

بس كده, ولو فيه أي استفسار أنا في الخدمة.

**الغزالى** · 09-12-2010 08:11 PM

مبروك يا ماترن ,, والصور يا ريس

**bmya** · 10-12-2010 03:08 AM

ابشركم انها حصلت معايا مرتين
وفي نفس الناحيه وهي اليمين

اول مره حصلت قلت عادي
رحت مركب اللمبه التانيه الاصليه مفيش اسبوعين تلاته ولقيتها امبارح بس فصلت وبرده شغاله عالي بس بصراحه حاجه تقلق
انا اللانسر قعدت معايا 9 سنين واالمبات الاصله لسه شغاله ومعايا لحد دلقوتي
بس انا عديت على الكهربائي بتاعي قالي انه عادي وقالي العيب من اللمبه
عايزين حد يعرف لنا ده من ايه بقه

**slim_shika** · 10-12-2010 02:32 PM

المشاركة الأصلية كتبت بواسطة rzeiny

مبروك ياعم بس انا ليا راي ان دي عيب في العربية لانها حصلت معاي في اللمبة الشمال في الواطي ولقيت كام عربية كده وسالتهم وبردو معدوش ال35000 كم ومنهم واحد قالي ان التوكيل قال له ان في مقاومة او حاجة كدة بتتغير ب 700 ج وكانت موديل 2009 وانا كمان 2009 فايه رايكم .

الله يبارك فيك يا باشا.
مش مقتنع إن في مقاومة عايزة تتغير وال كلام ده. اللي مقتنع بيه إن عمر اللمض الافتراضي قليل, ده أحسن ميزة في الياباني قلة عيوب الكهربة.
بس برده على افتراض إن الكلام ده صح. هيبقى عيب تصنيع ومن حقي اغير المقاومة ديه في التوكيل على حسابهم.

المشاركة الأصلية كتبت بواسطة bmya

ابشركم انها حصلت معايا مرتين
وفي نفس الناحيه وهي اليمين

اول مره حصلت قلت عادي
رحت مركب اللمبه التانيه الاصليه مفيش اسبوعين تلاته ولقيتها امبارح بس فصلت وبرده شغاله عالي بس بصراحه حاجه تقلق
انا اللانسر قعدت معايا 9 سنين واالمبات الاصله لسه شغاله ومعايا لحد دلقوتي
بس انا عديت على الكهربائي بتاعي قالي انه عادي وقالي العيب من اللمبه
عايزين حد يعرف لنا ده من ايه بقه

هو أنا كده قلقت, بس زي ماقلت, لو حصل حاجة في الجداد قبل 6 شهور أنا رايح للتوكيل.

**rzeiny** · 10-12-2010 09:40 PM

انا كان معايا التويوتا لغاية 150000 كم لما اتحرقت وغيرت وكانوا فيها لغاية مابعت وعاملة 360000 كم

**MoToRiZeR** · 11-12-2010 06:38 PM

أنا في الصيف اللي فات اللمبة اليمين إتحرقت وغيرت الإتنين بأوسرام نايت بريكر
وإتحرقوا من أسبوع بس شغالين عالي

شكلي هغير لفيلبس

**beetleMOSH** · 11-12-2010 07:05 PM

المحل اسمه المدينه و عنده جميع اوناع اللمبات الفيليبس
و انا مركب عندى فى الفوجات اوسرام بس صفرا عادى ( الفوجات عندى عالى و واطى h4 )
و عيز اقولك انى مبحتجش اشغل الزينون الا كل فين و فين
او فى الظلام الحالك ( لمزيد من الاضاءه )
و الاتنين مع بعش بيعملوا نهار قدام العربيه