الموضوع: صوت خبطه ناحيه الكرونه فى اول الغيار

ايه هو الياباني باظ من تهاني ولا ايه ههههههههه انا بهزر معاك اوعك تزعل
ايه حوار مانع الونه دا ؟ زيت ولا شحم ولا ايه بالزبط ومنين وبكام ؟
بالنسبه للصليبه لو محتاج تغيرها انا ماعرفش بصراحة بس كان عندنا عربيه كرسيدا مو 86 وراكبلها موتور 1800 4 سلندر تسعينات وادوات جر بصراحه معرفش ايه بالزبط لو نفس نظامك انا عندي صليبه (ممكن تشوفها اذا حبيت ) ابويا كان جايبها معاه من السعودية ياباني جديده لم تستعمل لو تناسبك خدها ومش هانختلف (دلوقتي تقول بصطاد في المياه العكرة ههههههههههههه والله ماتفرق خدها حتى بلاش بدل ماتفضل مرميه عندي واكسب فيك ثواب )
بالنسبه للخبط حديد في حديد اعتقد ان دي مشكله في سوستة الماستر او بستم الفرامل اللي في الطنبورة او المسامير اللي بتثبت دراعات القبابيب مش متثبته كويس
روح لمكانيكي يفكهالك واكشف على الطنابير اللي ورا حالتهم محتاجه خرط او تغيير واكشف على اللي قدام بالمرة ورجلش فرامل اليد خليه يزبطهالك من 6 او 7 الى 9 تكات قبل كدا ممكن تفك العجلة وتخلي حد يدوس لك على بدال الفرامل وانت بتدور الطنبوره بايدك لو طلع الصوت يبقى عيب في الفرامل لو مافيش يبقى عيب في حاجة تانيه وماقدرش افتيلك

المشاركة الأصلية كتبت بواسطة mbx4e

ايه هو الياباني باظ من تهاني ولا ايه ههههههههه انا بهزر معاك اوعك تزعل
ايه حوار مانع الونه دا ؟ زيت ولا شحم ولا ايه بالزبط ومنين وبكام ؟
بالنسبه للصليبه لو محتاج تغيرها انا ماعرفش بصراحة بس كان عندنا عربيه كرسيدا مو 86 وراكبلها موتور 1800 4 سلندر تسعينات وادوات جر بصراحه معرفش ايه بالزبط لو نفس نظامك انا عندي صليبه (ممكن تشوفها اذا حبيت ) ابويا كان جايبها معاه من السعودية ياباني جديده لم تستعمل لو تناسبك خدها ومش هانختلف (دلوقتي تقول بصطاد في المياه العكرة ههههههههههههه والله ماتفرق خدها حتى بلاش بدل ماتفضل مرميه عندي واكسب فيك ثواب )
بالنسبه للخبط حديد في حديد اعتقد ان دي مشكله في سوستة الماستر او بستم الفرامل اللي في الطنبورة او المسامير اللي بتثبت دراعات القبابيب مش متثبته كويس
روح لمكانيكي يفكهالك واكشف على الطنابير اللي ورا حالتهم محتاجه خرط او تغيير واكشف على اللي قدام بالمرة ورجلش فرامل اليد خليه يزبطهالك من 6 او 7 الى 9 تكات قبل كدا ممكن تفك العجلة وتخلي حد يدوس لك على بدال الفرامل وانت بتدور الطنبوره بايدك لو طلع الصوت يبقى عيب في الفرامل لو مافيش يبقى عيب في حاجة تانيه وماقدرش افتيلك

لا ياعم اليابانى لسه بخيره و تهانى بتسلم عليك
و الله كويس فكرتنى ارجع اكتب السيجنتشر ده تانى لحسن اتمسح مع الريستور الاخير

موضوع مانع الونه ده عباره عن انبوبه زى معجون السنان بس الحجم الكبير اوى ب 25 او 30 مش فاكر فيها زيت تقيل زى العسل كده اشتريتها من بنزينه موبيل اللى فى شارع الطيران جنب رابعه العدويه - و خليت الميكانيكي يحطها على زيت الكرونه و بعد يوم او اتني حتتلاقى الونه راحت خالص

هو انا كشفت عند الميكانيكي على الصليبه قالى انها كويسه ... و ماعتقدشى انه حيستعبطنى لأنى كنت رايحله مخصوص علشانها
على العموم حبقى اجرب حكايه الفرامل دى ... ولو انها ماتفسرشى برضه الخبطه اللى بسمعها فى اول الغيار

المشاركة الأصلية كتبت بواسطة khaled_sabry

على العموم حبقى اجرب حكايه الفرامل دى ... ولو انها ماتفسرشى برضه الخبطه اللى بسمعها فى اول الغيار

طب والله كويس انا بحب الياباني بس مش عارف ايه نظام تهاني .................
هو انا مش فاهم قصدك بالنسبة للخبطه تقصد عضة للتروس لما تيجي تعشق الغيار الاول يبقى كدا خشونة في الجيربكس (غوايش ولافيهات مبوشه بيسموها هلالات)
ولا صوت حديد بيرزع كانك جايب ماسورتين وبتخبطهم في بعض كدا يافرامل ياما قواعد فتيس او قواعد موتور
برده بص كدا على تيشان او لافيهات الفتيس من تحت
هو الثوت دا وانت ماشي بس ؟ ولا وانت واقف بس ؟ ولا مع كله ؟ العفشة عندك سليمه في المنطقه الي بتسمع منها الصوت

عرفت سبب البوش اللى كنت بقول عليه لما بتاع الكاوتش فك الكاوتش
اتارى ده ده صوت خبطه الطنبوره نفسها بالمسامير اللى راكب عليها الكاوتش و هو اصلا بوش خفيف اوى
بس برضه مش عارفه ليه صوت الخبطه ده اللى بيظهر فى اول الغيار بس او لما اهدى و اكبس بنزين مره واحده
رغم انى خليت الميكانيكي يبص على الصلايب و لسه مغير قاعده الفتيس قريب

المشاركة الأصلية كتبت بواسطة khaled_sabry

عرفت سبب البوش اللى كنت بقول عليه لما بتاع الكاوتش فك الكاوتش
اتارى ده ده صوت خبطه الطنبوره نفسها بالمسامير اللى راكب عليها الكاوتش و هو اصلا بوش خفيف اوى
بس برضه مش عارفه ليه صوت الخبطه ده اللى بيظهر فى اول الغيار بس او لما اهدى و اكبس بنزين مره واحده
رغم انى خليت الميكانيكي يبص على الصلايب و لسه مغير قاعده الفتيس قريب

والله كنت هاقلك قرط على مسامير العجل او الجوايط اللي عندك بس اللي منعني انك قلت انك فكيت العجلة وركبتها عشان كدا استنتجت انك مقرط على العجلة كويس على الفكرة المشكلة دي حصلت بردك مع حد من العضوات اللي هنا وفي ناس قلولها على كذا حاجة وبردك ماتطلعتش زي ماقلولها وطلع نفس العيب بس هي كدا الظاهر ان المسامير كانت يدوبك مشبطه وماكتشفتش العيب غير لما بصت على العجل مش عارف الناس بتسلم رقبتها على طبق من فضة لبتوع الكاوتش او الميكانيكي ليه ؟ راجعوا على الشغل قبل ماتستلموه ياجدعان
وياريت تبص كمان العجل قبل ماتطلع بالعربية الصبح عشان لاقدر الله يكون حرامي (انت عارف بقينا في زمن منيل العربيات بتسرق من تحت البيوت ولا حد بينك وبينه مشكله يعمل فيك المغرز دا بالذات لو انت ساكن وبتركن عربيتك في منطقة شعبية ولا ضايقت الواد بتاع الجراش )قعد يحل الكوتش وماعرفش يكمل تروح انت في الرجلين عشان حرامي فاشل ولا صنايعي كسلان ؟؟؟؟؟؟
وياريت الناس ماتكتفيش بمجرد النظر عند الكشف على العجل اقل شي لازم تمسكه بايدك وتشوف زي ما انت عملت
على فكرة بما انك وصفت الصوت بيظهر امتى فدا صوت قواعد اغلب الظن ياعفشة وكمان ماجاوبتنيش اذا كان صوت عضة او بيسموه نوتش notch ولا لا ؟؟؟ ولا صوت تزيق وخبط؟؟؟
بس وصف انك لما تيجي طالع او لما تهدي وبعدين تطلع او تكبس مرة واحده صدقني دي حاجه مش راكبه صح عندك او محتاج يتقرط عليها شوف قاعدة الفتيس اللي انت مغير مناسبة وراكبة صح (مش القاعده بيبقى في منها جزء معدني وجزء كاوتش ناشف صحيح؟ ) ممكن طريقة تركيبها كانت سليمه بالنسبة للقاعده نفسها بس اثرت على حاجة تانيه لان الطريقة كانت غلط الصنايعية بيكسلوا يفكو و يشيلوا اجزاء قال ايه بيوفروا على نفسهم المجهود والوقت وممكن يبقى غشيم او يتعافي على الحاجة او الطريقة اللي اشتغل بيها عنيفة فيقطم لك حاجة تانيه او يبوظها بسبب غشمه او كسله
صحيح شيكت على الهاند بريك ؟؟؟؟
على فكرة بما انك بتفك وتركب بايدك ممكن انت ترجلشه بنفسك بالذات لو كان راكب بواير ودا اغلب نظام فرامل اليد وبيبقى على العجلتين اللي ورا بس عشان كدا انا قلت لك جرب خلي حد يدوس لك على بدال الفرامل عشان تشوف الفرامل الهيدرولك (الزيت)شغال بيبقى على الاربع عجلات ( اكيد دي معلومه قديمة بس انا مابتفحلسش والله حبيت اقلها عشان اللي يقرا يستفيد لو ماكانش يعرف) ولا لا ؟ لان برده قريت الصوت دا ممكن بينتج لما سوست الماستر بتاع الفرامل تبقى مكسوره او قافشه عشان كدا حبيت اقلك

ياباشا شكرا على الاهتمام
اولا هو موضوع العجله دى ماكنتشى هى سبب الصوت : لأنى اخت بالى من البوش ده و انا نازل الصبح لاقيت الفرده نايمه (اكتشفت و انا عند بتاع الكاوتش ان حد ابن حلال غزها سكينه من على جنب - الظاهر ركنت مكانه )
المهم انا حركت الطنبوره بايدي و سمعت صوت الخبطه و ماختش بالى ان الخبط ده نتيجه لخبطها بالمسامير رغم انها كانت قدامى
بس اصلى ساعتها كنت مستعجل علشان كنت متأخر على الشغل
فلما روحت لبتاع الكاوتش باليل كررت نفس الحركه و اخت بالى من الخبطه (كنت فاضيلها بقى ) ... حاجه تدحك
وكده كده انا عارف كل الصنايعيه مش بيربطو الكاوتش صح و بالتالى بعد اى تعامل انا اللى بقرط بعد ما الصنايعي يخلص و بعد كده بركب الطاسه
بس السؤال الخبطه الاولى اللى فى اول الغيار دى منين - هى صوت خبطه حديد مش عضه فى الفتيس و بتطلع فى اول الطلعه بس لكن لو كانت حاجه مش مربوطه كانت طلعت فى المطبات مثلا
هو بالنسبه لقاعده الفتيس متركبه صح و انا شوفتها بنفسى
و لو كانت قاعده الموتور - فانا بسمع الخبطه من ورا مش قدام
و بالتالى لما سألت الميكانيكي سألته على الصلايب بس هو اكدلى انها سليمه

http://www.nilemotors.net/Nile/181147-a.html
http://www.nilemotors.net/Nile/172146-a.html
http://www.nilemotors.net/Nile/186090-a.html
شوف ياباشا الناس دي جايبه حاجه ممكن تلاقيها عندك لاقدر الله ولا احتمالات بعيده

صليبة الكردان بتعمل صوت خبطة في الطلعه

كرسي النص بيعمل دبدبة و رجرجة لما تيجي تسحب بالعربية في الطلعه (تشد)

الكرونة تعمل "ونة"

الصوت عامه هو اللي حايحدد العيب منين
دي مشاركة لادهم باشا
ودا اللينك
http://www.nilemotors.net/Nile/164363-a.html