مشكلة في عربية 128 بتبطل وانا ماشي

**kimotop** · 13-12-2010 01:06 PM

السلام عليكم

عندي عربية 128 والنهاردا وانا ماشي بيها عملت حاجة غريبة وهي تبطل لما اهدي او ادوس فرامل بس لما ادورها سواء وقفت او لسه ماشية بتدور بسرعة وتمشي تاني وهكذا

الاعراض بالتفصيل قبل ما يحصل كدا
اولا
لقيت البوجيهات بتعرق زيت خفيف اوي فنصحوني اني اغيرها لسن قصير واشتريت بوجيهات سن قصير بس بعد ما ركبتها لقيت السلانسية بتاع العربية مش مظبوط وكمان الموتور بيرتل بس المشي بتاعها عادي جدا والسحب بتاعها مظبوط ومفيش مشاكل

ثانيا
بعد ما فولت بنزين بعد تغيير البوجيهات فضلت شامم ريحته فترة طويلة لمدة 4 او 5 ايام والريحة بتكون ظاهرة
من برة العربية وجوة وبعد كدا الريحة راحت

ثالثا ودا الجديد
المشكلة دي فضلت حاصلة وانا بوصل واحد صاحبي بس مليان شوية كان قاعد جنبي ولما نزل العربية اتظبطت ومبطلتش فهل الوزن ليه علاقة ؟

ارجو ان تكون مشكلتي واضحة للخبراء والمشكلة دي اروح لميكانيكي ولا كهربائي ولا الموضوع بسيط ؟

وشكرا

**karimfahmy99** · 14-12-2010 05:52 AM

اول حاجة انا مش بنصح بتركيب سن قصير انما يستحسن تركب كرسى سن طويل للحفاظ على سن وش السلندر و نركب علية بوجيهات سن قصير ماشى

اكيد لما انت غيرت البوجيهات لازم العربية تبرجل و تتظبط تانى لية ؟ لانك وسعت غرفة الحريق

موضوع تبطيل العربية ملوش علاقة بالوزن طبعا . الموضوع عاوز تنضيف لبك السلانسية

**ahmedesmat1987** · 14-12-2010 05:57 AM

لما بتدوس فرامل بتبطل والعربيه لما بتبقى واقف بتدوس بنزين تحس ان فيها خنقه بسيطه....... دا سيرفو الفرامل اكشف عليه لو بايظ بيتغير السبب فى التبطيل انو بيعتمد على الهواه اللى داخل الموتور ولما بيبوظ بيخنق الموتور فابتبطل العربيه .

**kimotop** · 14-12-2010 11:19 AM

السلام عليكم
الف شكر يا رجالة منتحرمش

الا مفيش اخبار عن الاحلال ؟ اقصد احلال الملاكي يعني

**mbx4e** · 14-12-2010 12:11 PM

المشاركة الأصلية كتبت بواسطة karimfahmy99

اول حاجة انا مش بنصح بتركيب سن قصير انما يستحسن تركب كرسى سن طويل للحفاظ على سن وش السلندر و نركب علية بوجيهات سن قصير ماشى

اكيد لما انت غيرت البوجيهات لازم العربية تبرجل و تتظبط تانى لية ؟ لانك وسعت غرفة الحريق

موضوع تبطيل العربية ملوش علاقة بالوزن طبعا . الموضوع عاوز تنضيف لبك السلانسية

كلام سليم ومنطقي
تنيظف السلانسيه حل سهل ومش مشكلف حتى 5 او 10 جنيه بالكتير بس ياريت بلاش الصنايعي ينظف بسلك ويعد يسلك ياريت يبقى بسرنجه فيها بنزين و يتنشف بهوا مضعوط عشان مايبوظش البيك

وبرده كلام السيرفو بتاع الفرامل منطقي بس لو السيرفو بايز ولا مش مزبوط العربيه تتبرجل وهي واقفة على السلانسيه ؟
اعتقد انك محتاج تعلى السلانسيه سنه عشان يتلائم مع البوجيهات الجديده
بس انت كدا ممكن تبقى مركب مقاس سن بوجيهات غلط مايتناسبش مع موتورك اتاكد من الموضوع دا ؟
في موضوع عن البوجيهات ميه ميه

http://www.nilemotors.net/Nile/168201-a.html