الموضوع: من شارع الهرم للمطار؟؟؟؟ ضروري

السلام عليكم و رحمة الله و بركاته

أنا مش من القاهرة بس اللى أنا أعرفه أنك هتركب الطريق الدائرى من أقرب مطلع ليك و تفضل ماشى عليه عالطول لحاااااااااااااااااد ما الطريق الدائرى هيعدى فوق الطريق الزراعى و تكمل عادى جدا عالطول , ماتنزلش من أى منزل خالص, لحاااااااااااااد ماتلاقى النفق ده اللى أنا مش فاكر اسمه بالظبط , بس هتلاقى كل العربيات بتخش من عاليمين من جمبه عشان تنزل لموقف العاشر , أنت هتدخل من النفق ده و تطلع منه و تكمل عالطول , هتلاقى مدخل على اليمين شكله شيك جدا و جديد بتاع مطار القاهرة .

أنا آسف جدا أنى شرحت الموضوع ببساطة كده لأنى مش عارف اسم النفق ده ايه بالظبط .

هتلاقي جوا المطار سهل تتوصل لرقم القاعة ..

----------

انا اعرف من شارع فيصل بس مش بالتفصيل .. انتا بتاخد شارع فيصل علطول واي حاجة تقابلك علطول لا يمين ولا شمال هتلاقي نفسك وصلت المطار ..


بس ما تاخد الدائري احسن ؟


تخش دخلة مينا بالاس الي قبل المريوطية وتطلع منها ع الدائري وتفضل ماشي لحد ما تلاقي نفق اول تنزلة بعد كدا نفق تاني تنزلة .. بعد كدا هتلاقي يافطة كبيرة مكتوب عليها دخلة المطار ونزلة مخرج السويس غالباً هاتنزلها وتفضل ماسك اليمين هتفضل ماشي حوالي نص كيلو وهتلاقي المطار علي يمينك .. ( بس غالبا في دخلة قبل المطار ماتدخلهاش ) وانتا هتعرف دخلة المطار ..