الموضوع: موسوعة صيانة الدراجات النارية

المشاركة الأصلية كتبت بواسطة mimomimomimo

شباب انا عندى مشكله مجننانى واتمنى اى حد يقولى ده ممكن يكون من ايه انا لما بجى ادور المتوسكل ما بيدورش مع العلم انو هوندا cbr 250 ولما بوديه للمكنيكى بيقعد يفك حاجات زى البوجيهات ويركبها تانى ويشحن البطاريه ويدور المتوسكل عده مرات وبعدين يدور وبجيبو من عنده داير وتمام ولو بطل منى 100 مره باليوم اجى ادور يدور بس المشكله بتظهر لما يبات المتوسكل بالليل وتانى يوم الصبح يعنى زى حوالى 10 ساعات لما اجى ادور ما يدرش قولت يمكن البطاريه نامت خدها ورحت شحنتها وجربت تانى ما درش وديته للمكنيكى تانى عمل نفس الكلام ودار وتانى يوم الصبح عمل نفس الكلام المكنيكى بيقولى ان هو ما فهوش حاجه بس لما ما فهوش حاجه امل ايه اللى بيحصل ده يعنى طول ما هو سخن يدور ولما يبرد او يتركن كام ساعه ما يدرش اتمنى اى حد يقولى ده ممكن يكون من ايه وشكرا

يابشا مشكلتك الريكتيفير عايز يتغير وشيك على ملف الدينامو وشيك على اسلاك البطاريه

المشاركة الأصلية كتبت بواسطة احمد قطب ابراه

السلام عليكم انا عندي مشكله في الموتوسيكل بيدور مارش وهو واخد غيار ارجو الافاده بالحل من الاخوه الاعضاء وجزاكم الله خيرا واسف علي الاطاله

شيك على ورق لدبرياج

المشاركة الأصلية كتبت بواسطة mezo201012

ممكن تعرف تكلفة عمرة موتور الريس ال250 عادة عامرة كاملة و تكون الحاجة اللى هتركب استندر هتكون التكلفة اد اية و مين احسن مكانيكى يعمر الريسات انا من ارض اللواء

2500 - 4500 جنيه على حسب الي حيشتغل فيه وعمره ما حيرجع زي الاول

الوحيد في مصر الي ممكن يرجعه زي الاول شامبو في الحلميه بضمان 85 في الميه

او تفك بنفسك وتطلع عند اي خراط محترم تثق فيه او بالاخص المعروف في القاهره عن

بولاق ابو العلى فيه محلات خراطه مخصوص للموتوسيكلات --- وممكن تريح راسك وسقط ماتور استيراد

المشاركة الأصلية كتبت بواسطة midoelnzawy

نا عندى تروسيكل سوبر جامبو كان بيشتغل معاى طوالى مرش مرة واحدة بقى مش بيشتغل غير منافيلة
انا قست البطارية والتروسيكل شغال كانت جايبة 12وهو مش شغال بتجيب 8انا غيرتله مية نار من 5شهور تقريبا واشتغل شوية كويس بعد كدة عمل نفس الحركة دى بشغلة وامشى بيه حوالى 8كيلو وبعدكدة اجى ادور مرش بيدى صوت كأن البطارية فاضية

الحاجة التانية التروسيكل بيشتغل من غير ما احط مفتاح فية شاشة التشغيل منورة على طول حطيت مفتاح اوماحطيتش يدور منافيلا بيشتغل طوالىومش عارف اية السبب
ارجو الرد من فضلكم

صباح الفل ياباشا التروسيكل يا معلم عايزله تغير بلاطة شحن ودينامو في الصيني سعرهم رخيص

غيرهم على طول وعشان تعرف ان العيب منهم ولا لا قيس البطاريه و شغل البايك كده عشان تتاكد

وشغل النور على العالي ودوس بنزين حتلاقي النور مبيعلاش بالشكل المطلوب

يبقى تغير بلاطة شحن و دينامو او لف ملف الدينامو تاني

واخير فك المارش وغير الشاربون بتاعه ولو عايز يتلف لفه

السلام عليكم
انا عندي مشكلة في تدوير البايك .. البايك من ساعة ما اشتريته كل لما يبات لتاني يوم ميرضاش يدور على طول .. لازم اديله مارش كتييير و في الحالة دي طبعا البطارية ممكن تنام .. أو ان أنا أديلقه زقه و طبعا يتهد حيلي و أضيع وقت ...
ممكن حد يقولي المشكلة دي ممكن تبقى أيه ؟؟؟
انا غلبت و رحت لكذا ميكانيكي و مفيش فايدة ... أرجو المساعدة من فضلكم و جازاكم الله كل خير
و على فكرة هو ولا أكتوفاير ولا بطارية ولا بوجيهات ..!!!

و تاني حاجة انا بدور على كربيراتير لهوندا 250 عادة .. بس يكون حاجة نضيفة
و شكرااااااا