الموضوع: موسوعة صيانة الدراجات النارية

شكرا على الموضوع القيم

السلام عليكم
المشكلة في عدم تعبئة البطارية
يعني لما اشحنها خارج الدراجة واركبها الاقيها تمام جدا و سرعة الدراجة طبيعية , بس بمجرد انه الشحن يفضى الدراجة بتتراجع سرعتها إلى سرعة ال 60 مثلا ولو طفيت المحرك و جيت شغلت تاني متشتغلش
مع العلم انه في شحن شغال لاني وصلت لمبة ولما بزود الاضاءة بتزيد
و غيرت ال cdi
و غيرت البطارية
ونفس المشكلة
وقلت يمكن مروحة التبريد بتاخد كل الكهربا ففصلتها و جربت نفس المشكلة

فيا ترى اي الحل ؟!!!

حلو الموضوع ده افاده برضو

النور العالى شغال تمام وفجأه بيضعف ايه هيا الأسباب المحتمله ومشكور

معلش سؤالى على موتيسكل صينى على قدنا النور العالى شغال تمام وفجأه بيضعف ايه هيا الأسباب المحتمله ومشكور

المشاركة الأصلية كتبت بواسطة m3_dolphen

اولا : الله ينور عليك ويباركلك ...

ثانيا : بالنسبة للدينامو انا الدينامو عندى فى اليمين هوندا عادة 250 CBR 250 r



ثالثا : جزء 4 لو المكنة مش بتدور ... ( CBR 250 r )
فى حالة ان البطارية سليمة والمارش سليم والدينامو سليم يتبقى عندنا فى اعطال الكهرباء( بما انى كهربائى ) قواطع التيار ( الفيوز ) ودى وظيفتها ان هيا تفصل الكهرباء من البطارية الى اى جزء من الاجزاء اللى حصل فيها شورت او بالبلدى ( قـفـلة ) علشان ولا البطارية تبوظ ولا الجزء اللى واصله الكهرباء يبوظ .. طيب فين علبة الفيوز ؟
أ- فى فيوز رئيسى للمكنه كلها وده بيكون جانب البطارية من اليمين ..

ب- علبة فيوز اسفل الاشارة الامامية الشمال بيكون فيها الآتى ...

1- فيوز 10 امبير لمروحة التبريد
2- فيوز 15 امبير للكشافات الامامية
3- فيوز 10 امبير احتياطى)
4- فيوز 10 امبير لكل من ملفات الاشعال ( البوجيهات ) - المحرك بادئ الحركة ( المارش ) - طلمبة البنزين .... وده اهم فيوز لأنه لو ضارب يبقى المكنة عمرها ما تشتغل ...
طيب نعمل ايه لو الفيوز ضارب ... اما ان نغيره او لو فى مكان بعيد ممكن نشعره بسلك رفيع مؤقتا حتى يتم تغييره ويجب الحذر بأن يكون التشعير بسلك رفيع علشان لو حصل قفلة تانى مفيش حاجة تبوظ .

المشاركة الأصلية كتبت بواسطة KHALED2010

طب خد عندك بقى تغيير ورق الدبرياج وهو كالاتى
1 هتفك مسامير الوش كلهم وهتلقى الشكل ده

هتفكك كارونة الورق من الصمولة الرباعية وتخلع الكارونى ويبقى بالشكل التالى



تركب الورق بلتسلسل وتركب لكارونة مكانها تانى








وطبعا لازم تخلى بالك جدا من الجلب انها تبات فى مكانها الصح وورد المسافات لان الحاجات دى مهمة جدا جدا

المشاركة الأصلية كتبت بواسطة Ducati

ان شاء الله الموضوع ده يبقى دليل لاي عطل يحصل في البايك ونبتدي بحاجه كده كبدايه ولو حد عنده اي سؤال يقولوا لان كان عندي موتوسيكل زمان عدى عليا كل العيوب فيه حتى السبيكه اي حاجه بقيت عارفها في الموتوسيكلات من البايك ده

وطبعا الموضوع مش مخصص ليا انا بس لا الي عدى عليه عطل وعرف حله ايه يحطه يكتب العطل والحل ايضا


نبتدي باعطال الكهربا


الموتوسيكل مش بيدور ؟ يبقى العيب من البطاريه لو نايمه زقها وامشي لو مشيت بيها ولقيت البطاريه مش بتشحن يبقى العيب من 3 حجات

اولها البطاريه ممكن تكون محتاجه صيانة وحتى لو جافه بيتحطلها ميه على فكره لان اغلب الناس فاكره جافه يبقى خلاص مش محتاجه ميه ده حتى وانت بتشتريها لاول مره بيبقى معاها ميه تحطها فيها

فا تجرب تشحنها ولو ناقصه ميه تزودها وتركبها وامشي ببيها لو لقيت شحنها فضي ومتحنتش يبقى العيب هنا يا منها يا من الدينامو يا من الريكتيفير (اوكتيفير بلغت الميكانيكيه)

ازاي طيب نتاكد انهم مش بايظين اولا تروح لحد بتاع بطاريات يقيس الشحن بتاع الموتوسيكل طيب ازاي؟

حيجيب الجهاز الي بيقيس بيه سواء الانلوج او الديجيتال (فولتميتر) ويشوف الشحن لو بيدي 13 او 13 ونص او 14 يبقى تمام الشحن والعيب بطاريه لو اقل يبقى العيب من الباقيين

بعض انواع الريكتيفير لو محروق تلاقيه بارد لان لو سليم بيبقى سخن وفيه طريقه بلدي تقيس بيها الدينامو

عشان تشوف شغال ولا لا الا وهيا التشريز حتشيل فيشة الدينامو من مكانها وتحط سلكتين وتلمسهم في بعض بس م تسبهم فتره لا هيا تلميسه لو شرز زي ما بيقولوا يبقى سليم وطبعا لو عند ميكانيكي الكلام ده حياخد منه ثواني ويعملهولك بدل ما تتعب نفسك بس بقول عشان لو حابب تجرب بنفسك او يبقى عندك فكره هو بيعمل ايه وميشتغلكش

وطبعا لو عيب ريكتيفير ده مش بيتصلح بتجيب بداله

الدينامو لو في حجات فيه محروقه ممكن تجيب بداله بس منصحش يوزد او ممكن تلفه وفي واحد السمه العفريت في دير الملاك تقريبا كهربائي موتوسيكلات ده انصح بيه ولو حد عنده استفسار في ال 3 حجات ديه يقول

------------------------------------------------

جزء 2 لو البايك مش بيدور

ممكن من المارش يكون محروق او معتل وعايز يتصلح

تصليحه سهل خلي الميكانيكي يفكه وهو بيقبى موجود اسفل البايك وخده وروح بيه لكهربائي

الي بيتصلح جزئين ممكن يكون الشربون اتحرق او اتاكل وعايز يتغير وبتغيره ب 15 ل 20 جنيه على حسب

او البوبينه بتاعته محروقه وديه بردوا بتتلف او تجيب وحده جديده مفيش مشكله

------------------------------------------------

جزء 3 لو البايك مش بيدور

مره الموتوسيكل مرضاش يدور وكان العيب تافه جدا

كان سلك الارض مش متوصل في مكان

حتلاقيه قريب من البطاريه سلك واصل بمسمار في جسم الموتوسييكل


وان شاء الله كل يوم احط معلومه وممكن حد يسال واجاوبه عليها

واللون الازرق في الصفحه مخصص للسؤال والجواب الي ححطه d:

الصور الداله على بعض الكلمات

الريكتيفير وشكله قريب في اغلب الموديلات وبيبقى موجود في الكاستم في الجنب يمين او شمال وفي الريس بردوا ممكن يمين او شمال او في الشمال عند الفير الي عند المتور بيبقى متركب في الشاسيه وده شكله



الدينامو موجود على شمال البايك ناحية الغيارات هو ده الدينامو



شكل المارش



شكل الوصله الارضي
هنا موجوده عند البوبينه الي تحت التانك وفي بعض موديلات ببتبقى موجوده قريب من البطاريه بس الفكره وحده بتلاقي مسمار في جسم اللبايك ومتوصل بيه السلك



ياريت المشرف يحط الرد ده مع الرد الاولاني