الموضوع: ايه هى العدة المطلوب توافرها فى السيارة لعمل الصيانة البسيطة

بسم الله الرحمن الرحيم

انا من الناس اللى بتحب تظبط عربيتها بنفسها و مع انى معنديش خبرة فى الميكانيكا لكن بحاول اظبط الحاجات البسيطة بنفسي عن طريق قراءة دليل الصيانة خصوصا ان عربيتى مفيهاش تقنية عالية
انا معايا أكسيل 93 اوتو و كنت عاوز اعرف ايه هى العدة اللى المفروض تكون معايا.

سؤوال تانى الصامولة اللى رابطة الطارة عندى بتلف على الفاضى و مش عاوزه تتحل لكن هى ماسكة الطارة كويس جدا انا كنت عاوز افكها عشان اعدل الطارة و اخليها عدلة بعد ما عملت شوية شغل فى العفشة. فيا ترى دى تتعمل فين او لو ينفع اعملها بنفسي اعملها ازاى خصوصا ان المكان بتاعها ضيق و الزرجينة اللى عندى اكبر منه.

المشاركة الأصلية كتبت بواسطة survival

سؤوال تانى الصامولة اللى رابطة الطارة عندى بتلف على الفاضى و مش عاوزه تتحل لكن هى ماسكة الطارة كويس جدا انا كنت عاوز افكها عشان اعدل الطارة و اخليها عدلة بعد ما عملت شوية شغل فى العفشة. فيا ترى دى تتعمل فين او لو ينفع اعملها بنفسي اعملها ازاى خصوصا ان المكان بتاعها ضيق و الزرجينة اللى عندى اكبر منه.

اى ميكانيكي يعملهالك عادى
ولو عاوز انتا تفكها لازم يبقى معاك لقمه على قد الصاموله ... شوف كده مفتاح العجل اللى عندك ممكن يبقى فيه ناحيه على قدها