الى ساكنى القاهرة فى الدقى عاوز اروح العنوان ده من فضلكم

**mmans** · 15-12-2010 03:01 PM

انا عاوز اروح العنوان ده يا جماعه 23 شارع ايران الدقى عند شركه بى ام ايجيبت ( د/ اسامه الباز ) الى انا اعرفو ان هوة عند شارع التحرير عند كوبرى قصر النيل كده انا جاى من المنصورة يا ريت سرعه الرد و شكرا ليكو

**Ahmed Mubarak** · 15-12-2010 03:16 PM

بص يا يا باشا
شارع ايران خلف مسرح نجم وبجوار سنترال الدقى يعنى لو انت جاى من شارع التحرير وفى اتجاة شارع السودان اول ما تقابل كوبرى خد يمن ثم شمال علشان تدخل مصدق ثم اول شمال هو دا شارع ايران حسب ذاكرتى والله اعلم وان شاء الله باقى الاعضاء هيردوا عليك

**M.Elgergawy** · 15-12-2010 04:19 PM

ياباشا تطلع كوبري اكتوبر لغاية اخره تنزل الدقي وتمشي شوية هتلاقي كوبري اوعه تطلعوا خليك من تحتيه هتلاقي سنترال الدقي على يمينك خش من جنبه دا شارع مصدق هتسيب اول يوترن وتدخل تاني يوترن شمال على طول هتلاقي شركة بي ام ايجيبت وتوصل بالسلامة إن شاء الله

**هيثم المنياوى** · 15-12-2010 04:43 PM

توضيح لكلام الأخوة السابق دون تعارض
طبعاً حضرتك هتكمل دائرى على طول
بمعنى اصح وانت جاى من اسكندريه الزراعى هتاخد مطلع الدائرى اللى هو إتجاه المطار وهتنزل مصر الجديده تاخد كوبرى أكتوبر تخليك معاه لغاية أخرة هينزلك الدقى وشارع إيران متفره من محى الدين أبو العز يعنى حضرتك وانت جاى فى شارع التحرير فى اتجاه شارع السودان فى تقاطع لمحى الدين مع التحرير حضرتك هتاخده يمين فى اول يمين ده شارع إيران ومعرفش بعد كدا

**mahmoud_magdy** · 15-12-2010 04:47 PM

اضافه بسيطه
دور على مكان للركن وبعد كدا دور على العنوان
هههههههههههه
الركن صعب في المكان ده
وانتبه ليفط عكس الاتجاه وامناء الشرطه والعساكر وعربية الكلبش وخلافه

**M.Elgergawy** · 15-12-2010 10:24 PM

المشاركة الأصلية كتبت بواسطة musiccairo

اضافه بسيطه
دور على مكان للركن وبعد كدا دور على العنوان
هههههههههههه
الركن صعب في المكان ده
وانتبه ليفط عكس الاتجاه وامناء الشرطه والعساكر وعربية الكلبش وخلافه

بجد إنت خلتني أموووووووووووت من الضحك

لأن دا مكان شغلي وفعلا بيطلع عيني كل يوم على ركنة بس ربنا بيكرم والحمدلله

**alladinad** · 16-12-2010 01:09 AM

الركنه اهم شئ لانك هتعد ساعات تركن وانت ونصيبك

وكل ما ذكره الاخزه صح اهم شئ ماتطلع كوبري الدقي وخليك من تحته وتوصل بسلامه الله

**mmans** · 16-12-2010 01:35 AM

شكرا يا رجاله بس انا كن عاوز اعرف مينفعش اروح من الكوؤنيش ولا هيبقى زحمه ولا ايه و لو خد الكورنيش امشى ازاى و اروح العنوان ازاى

**mmans** · 16-12-2010 01:39 AM

المشاركة الأصلية كتبت بواسطة puyol

ياباشا تطلع كوبري اكتوبر لغاية اخره تنزل الدقي وتمشي شوية هتلاقي كوبري اوعه تطلعوا خليك من تحتيه هتلاقي سنترال الدقي على يمينك خش من جنبه دا شارع مصدق هتسيب اول يوترن وتدخل تاني يوترن شمال على طول هتلاقي شركة بي ام ايجيبت وتوصل بالسلامة إن شاء الله

شكرا ليك يا باشا هوه المشوار ده ينفع اروحو من الكورنيش ولا ايه و من الكورنيش امشى ازاى بالظبط عشان متوهش بس و شكرا ليك يا باشا مقدما