استفسار مهم ؟! هل ده طبيعي؟

**grumby78** · 19-12-2010 05:24 AM

اولا السلام عليكم
العربيه عندي عملت حاجه غريبه شويه مش عارف ان كانت طبيعيه ولا ايه؟!
تاني يوم لما جيت اشيك على الميه في القربه صباحا وانا بافتح الغطا كان فيه اندفاع مياه بسيط مع خروج القليل من المياه من القربه ؟؟
انا بصراحه مستغرب الموضوع ده وحاسس انه دلالة شئ مش كويس مش عارف ليه عشان المفروض العربيه بارده تماما .. مع ملاحظة اننا في الشتاء وكمان فيه نقص مياه بس بسيط جدا يعني كل اسبوع مثلا .
شيكت على الزيت تمام ومش مطحن والحراره لاتزيد على 90
العربيه ابيزا 1994

**khaled_sabry** · 19-12-2010 08:25 AM

بص ياباشا
لما يكون فيه اندفاع ميه بسيط شد الاكسلاتير و شوف على الفقاقع دى حتزيد ولا لاء
- لو زادت مع زياده البنزين ... يبقى عندك جوان وش سلندر
- لو لاقيتها اختفت مع زياده البنزين يبقى ده كان هواء فى دوره التبريد عندك و عادى ده لأنك كمان قولت ان الميه بتنقص بشكل بسيط فختلاقى ممكن عندك خرم صغير فى وش الريداتير مثلا

**aYaBooY** · 19-12-2010 12:46 PM

لو عربيتك تبريدها كبس هواء و مياه يبقي عادي ان المياه تفور لو القربة مش مقفولة
لو عربيتك نظام تبريد مياه بس يبقي عندك مشكلة في جوان وش السلندر و الموتور بوينفخ في قربة المياه

**zezmograby** · 19-12-2010 01:27 PM

انت بتقول العربية باردة
ممكن تكون مالي القربة فوق المستوي المطلوب ماليها اوي
ودا شي غلط
خلي عربيتك تبرد براحتها وافتح القربة ومتزودش عن النص
خد بعربتك مشوار وخليها تسخن وبص علي القربة هتلاقيها فوق النص
ياعني فوق المعدل اللي انت حاطة ودا الطبيعي عشان ضغط المياة والتقليب والسخونة
ولما تبرد هترجع في مستواها تاني

**grumby78** · 19-12-2010 04:14 PM

شاكر لجميع الاعضاء الافاضل اللي قالوا خبراتهم في الموضوع بس احب اضيف حاجه يمكن اتفهمت غلط انا كمية الميه البسيطه اللي طلعت من القربه دي كانت لما فتحت القربه ازود الميه وده اصلا قبل تشغيل العربيه ..!!
والميه كانت ناقصه حاجه بسيطه.... علما بان الكلام ده عمره ماحصل يعني خروج مياه من القربه قبل الدواره والعربيه بارده تاني يوم
علما باني مافتحتش القربه اصلا الا لاني لاحظت ان الميه ناقصه شويه والكلام ده كله والعربيه بارده تماما قبل الدواره
ارجو ان اكون اوضحت ولكم جزيل الشكر

**aYaBooY** · 19-12-2010 05:28 PM

طيب تابع الموضوع لو متكرر يبقي عندك مشكلة في جوان وش السلندر بين دورة المياه للتبريد و بين البستم و حزء من الكبس بيروح في المياه لكن لو متكررش يبقي عرض عادي
موضوع ان المياه بتقل دور على سببة علشان هو لنفس السبب

**grumby78** · 19-12-2010 06:24 PM

اولا اشكرك جدا على االرد
ثانيا حبيت اسال بس على وش السلندر في الحاله دي يكلف حوالي كام ؟
ده في حالة كان لاقدر الله العيب منه

**A.Saad** · 19-12-2010 06:43 PM

المشاركة الأصلية كتبت بواسطة ayabooy

لو عربيتك تبريدها كبس هواء و مياه يبقي عادي ان المياه تفور لو القربة مش مقفولة
لو عربيتك نظام تبريد مياه بس يبقي عندك مشكلة في جوان وش السلندر و الموتور بوينفخ في قربة المياه

ممكن توضيح ايه الفرق واعرفه ازاى