الموضوع: اللي معاه ياريس 1500 يقول لنا رأيه فيها

م/ سمير الشهاوي

حمداً لله على سلامة وصولك لأرض الوطن

الفرق فى السحب فقط مش اكثر
وممكن بعض الكماليات
والكماليات دى فى حالة لو الفئة الرياضية منها (جميلة اوى بالعتب والكساحات والفوج لايتس ومن جوه الكاسيت البيلت ان )

تسارع ال 1300 من صفر الى 100 1حوالى 11 ثانية ودا للمانوال
تسارع ال 1500 من صفر الى 100 9.5 ثانية ودا للمانوال برده

الاوتوا زود من ثانية الى ثانية ونص .

فا ال 1500 كتسارع وشد وسحب زى ما انتوا شايفين تقريبا اقوى من العربيات ال 1600 زى الاوبترا والالنترا والسيفيك والكورولا الخ الخ .

لكن ثبات وتقفيل وغيره مفيش فرق .

هى طلقة وخلاص عن ال 1300 صراحة .

105 حصان على عربية خفيفة بيطلعوا اداء رائع صراحة .


العربية اتضح ان سعرها برده غالى وان سبب سعرها الى كان معقول نوعا ما انها كانت 1300 وكانت كمالياتها محدودة .
ال 1500 فى التوكيل بدون جنط ولا سبويلر ب 120 الف

يعنى لو زودت جنط وسبويلر يبقى سعرها 130 الف تقريبا

ومفيش يعنى كماليات زى الى فى السيراتو او غيرها من العربيات الى سعرها قريب .

يعنى شوفوا لو فيها بصمة وبلوتوث وستارت ستوب باتون وفتحة سقف وزينون وكل دا هنلاقى العربية دخلت فى 150 الف !!!

فا الياريس مش عربية اى كلام وارتفاع سعرها مش من فراغ وحقيقى عربية راج ويعتمد عليها وحبيتها جدا

وعلى فكرة انا عارف كويس على اى اساس بحكم

انا بتعامل مع تويوتا من اول كامرى 94 والكورولا 95
والكورولا 2004 و 2006
دا غير الايكو

كل دول كانوا معايا فترة وعارفهم كويس

وبكل صراحة الياريس من افضل السيارات الى قدمتها تويوتا فى تاريخها .
وتعتبر عربية جمعت بين الحجم اصغير والخفة والاناقة والمساحة الداخلية الممتازة جدا بالنسبة للفئة دى والشكل الثورى بخطوطه الانسيابية
دا غير القيادة الممتعة والكرتونية ههههه حقيقى مثالية للزحمة جدا .

اتمنى تويوتا تنزل جينيريشن جديد ويكون برده بنفس فلسفة الياريس .

الكورولا الاخيرة محبتهاش اوى ولو انى مقدرش اقول عليها كلمة
الجنوب افريقى بالذات عربية روعة ثبات وسحب وعزل ونعومة وكماليات وصراحة روعة .

الخليجى بطيئة وعفشتها ناعمة زيادة عن اللزوم وثباتها اقل من الجنوب افريقى وسحبها اقل بس برده مقدرش اقول عليها حاجة دى مهما كان كورولا . يعنى على الاصل دور .

زى السيفيك كده
والجولف

حد يقدر يتكلم عليهم ويعيب فيهم .

هى كده العربيات الى ليها تاريخ واصل وفصل وبنت ذوات .