استفسار ومشكلة فى اكسيل ومش عارفلها حل

**beshomilan** · 22-12-2010 11:04 AM

ازيكم يا اخواتى...
معلش هتقل عليكم واسألكم على حاجات لانى منعدم الخبره
انهى افضل سير كاتينة الانجليزى ولا الايطالى ولا الالمانى وسعره كام وبيقعد كام كيلو؟
ولو حبيت اغير سيور وفلاتر مصنعيتهم تتكلف حوالى قد ايه؟
وانا بحط بنزين 80 ياترى ده ياثر على العربية؟؟ومحتاجة ظبط كهربا زى ما الناس بتقولى؟؟
كمان انا عندى امبارح وانا ماشى لقيت العربية طلعت دخان خفيف م الكبوت ولقيت المية الخضرا بتتسرب رغم انى مكملتش بيها مشى ساعة جوه البلد واول مره تعمل كده..المهم ركنت وسبتها تبرد والحمد لله مبقتش المية الخضرا بتتسرب تانى بس انا معرفش ايه اللى دلقها من مكانها اصلا؟؟
المهم خدت العربية ورحت لميكانيكى قاللى المية الخضرا اللى ب 25 جنية اللى حاططها دى عاملة زى مية النار ومتحطهاش تانى لانها بتعمل مشاكل للموتور وقاللى فى مية اغلى واحسن من كده تستعملها..وكمان قاللى فى مشكلة فى مروحة التبريد والترموستات لان المروحة بتعلق..
فقاللى الخلاصة ان العربية محتاجة يتفك الكربراتير ويتنضف وتتغير ترموستات
فانتوا ايه رايكوا فكلامه ده كله؟؟؟ياترى كده صح ولا انتوا شايفين ايه؟؟؟وتنصحونى بايه؟؟
اشكركم لتعبكم معايا

**aYaBooY** · 22-12-2010 12:29 PM

موضوع سير الكاتينة و موضوع المصنعية مش هاعرف افيدك فيه
موضوع المياه ممكن يكون الغطاء بتاع القربة مش راكب كويس و ده يخلي العربية تغلى و ممكن يكون المروحة مشتغلتش و ده برده يخليها تغلى بس الي يصلحها كهربائي مش ميكانيكي
موضوع الكهرباء ده بيكون حسب رجلك يعني لو حاسس ان سحب العربية منخفض يبقي تعليها لو العربية بتكرر كهرباء يبقي توطي طبعا مع بنزين 80 المفروض الكهرباء توطي و طبيعي ان سحبة قليل

**ramy_gamal** · 22-12-2010 09:31 PM

هو الميكانيكى قصدة الردياتير عايز يتنضف ولو المروحه بتعلق ممكن تكون بتعلق عشان مفيش ميه ( المروحه بتشتغل لما الميه تسخن طيب لو مفيش ميه مش هتشتغل ) اتاكد الاول ان مفيش تسريب وبعدين شوف موضوع الثرموستات ونصيحه بلاش موضع ال80

**beshomilan** · 22-12-2010 10:15 PM

اشكركم جدا لردكم
بس ايه مشكلة البنزين ال 80 ؟؟؟؟؟؟؟؟؟
اصله ارخص بكتييييييييير اوى من ال 90 وواحد قاللى انتا لما يكون بنزين 80 هتغير فلتر بنزين كل مده وبس وهتظبط الكهربا وخلصت على كده....فمش عارف بقى فى كلام غير كده ولا ايه؟؟؟؟؟

**aYaBooY** · 23-12-2010 07:41 AM

لا هو الكلام كدة و لو جنبك بنزينة وطنية مش هاتحتاج تغير فلتر البنزين كل فترة ولا حاجة و عموما فلتر البنزين عندك كله ب، 5 جنيه ابقي هات شوية و خليهم في العربية و مفك عادة وسط و شوف الصنيعي بيغيرة ازاي و ابقي غيرة لنفسك بعد كدة