عاجل دار الدفاع الجوى من الهرم

**knightmido** · 22-12-2010 07:08 PM

اولا احب اشكر القائمين على الخدمه دى ... عقبال حضراتكم انا معزوم على فرح قيب لى .. فى دار الدفاع الجوى الخميس 23/12 وفى الحقيقة انا مرحتوش قبل كده ... انا ساكن فى الهرم فلو سمحتم ايه افضل الطرق للوصول هناك بالتفصيل ولكم جزيل الشكر

**kamalsalem** · 22-12-2010 07:10 PM

تفضل تمشي من كوبري أكتوبر ولا الدائري؟

**heshamzaky** · 22-12-2010 07:19 PM

لو حا تستعمل كوبرى اكتوبر انزل نزلة صلاح سالم و تفضل ماشى لغاية ما تلاقى نفق أنزل عادى دة نفق العروبة بعد ما تطلع من النفق خليك يمين شوية حا تلاقى قصر البارون قصر قديم و اثرى كبير أدخل يمين علشان تبقى متأكد على ايدك الشمال بيبقى فية نفق بس أنت ماشى زى ما انت اول ما تدخل يمين من جنب قصر البارون افضل ماشى طوالى حا يقابلك كوبرى بعرض الشارع كمل و بعدية ب 400 متر كوبرى علوى أخر انزل يمين دة أسمة شارع النزهة بعد 600 متر مثلا تلاقى دار الدفاع الجوى على أيدك اليمين و لو عاوز تركن فى الشارع حا تدور شوية لو لقيت مكان فى الشارع العمومى الركن شمال ممكن يمين ممنوع و الدار فيها جراج بس بصراحة بيهرجو غالى شويتين

**هيثم المنياوى** · 22-12-2010 08:12 PM

السلام عليكم ورحمة الله وبركاته...تكماة لكلام الأخوة الأفاضل
إن شاء لوحضرتك هتمشى دائرى هيكون كالأتى
هتاخد الدائرى لغاية نزلة موقف العاشر هتكمل على طول لغاية كوبرى المطار هتطلع الكوبرى وتنزل انت كدا فى شارع جوزيف تيتو هتعدى قدام السندباد زى مانت على طول لغاية الكليه الحربيه هتخليها على يمينك وتاخد أول يوتيرن بعد الكليه وبعدين تاخد الأوتوستراد فى نصه فى كوبرى بتاع الكيلو4.5 حضرتك هتمشى من تخته فى يمين انت كدا فى شارع الثورة زى مانت على طول لغاية ماتلاقى سنترال ألماظه هيكون على شمالك هتاخد اليوتيرن اللى بعد السنترال(اللى هو فوق النفق)علشان ترجع تانى وكدا السنترال هيكون على يمينك بعد السنترال هتلاقى شارع النزهه متقاطع مع الثورة هتاخده يمين طبعاً حوالى 150 متر هتكون دار الدفاع على يمينك بعد الرقابه الإداريه
أتمنى إن أكون أفدتك ونتمنى لكم وقت سعيد فى طاعة الله

**knightmido** · 22-12-2010 09:40 PM

انا متشكر جدا لمجهود حضراتكم معايا .. واحد وصافلللى التالى هل اسها ولا راى حضراتكم :
اخد صلاح سالم من الدراسة واعدى كوبرى الفردوس وبعدين العباسية وفيه كوبرى مش فاكر اسمه ايه فى الحقيقة مش هطلعه لكن همشى تحته لحد فندق الجلاء وبعدين الف يوتيرن واكون فى مصر الجديدة وهناك اسال على كوبرى الثورة ...رايه رايكم ده قرب ؟

**elbeheri** · 22-12-2010 09:55 PM

امشى كوبر اكتوبر لاخره لغاية نزلة الاتوستراد ( طريق النصر ) على يمينك المنصة عتهدى على رابعة العدوية وبعديها عباس العقاد ثم مكرم عبيد كل دول على يمينك ثم اول ملف شمال هتلاقى بعد كده شارع النزهة على يمينك ادخل فيه وهتلاقى دار الدفاع على ايدك الشمال ودى اسهل طريقة فى رايي الشخصى

**knightmido** · 22-12-2010 10:24 PM

متشكر جدا ده يمكن اسهل بالنسبة لى اكتر رغم انى اعرف بس لغاية رابعة العدوية لكن ممكن اسال هناك على الباقى

**هيثم المنياوى** · 23-12-2010 01:03 AM

المشاركة الأصلية كتبت بواسطة elbeheri

امشى كوبر اكتوبر لاخره لغاية نزلة الاتوستراد ( طريق النصر ) على يمينك المنصة عتهدى على رابعة العدوية وبعديها عباس العقاد ثم مكرم عبيد كل دول على يمينك ثم اول ملف شمال هتلاقى بعد كده شارع النزهة على يمينك ادخل فيه وهتلاقى دار الدفاع على ايدك الشمال ودى اسهل طريقة فى رايي الشخصى

طبعاً وصفة حضرتك جميله وهى الأسهل وبعدها العروبه من أكتوبر
ولكن طبعاً إحنا مش عارفين الأخ من هواة أكتوبر ولا الدائرى ولما لقيت حد واصف وصفة أكتوبر قولت أوصف أنا الدائرى
جزاكم اله خيراً