الحمد لله ،، عملت الرينجات angel eyes لعربية شاهين :)))

**smsm_nabawy** · 24-12-2010 10:53 AM

بسم الله الرحمن الرحيم

السلام عليكم ورحمة الله وبركاته

اللهم صل على محمد وعلى آله وصحبه أجمعين

يا جماعة ،، انا الحمد لله بتوفيق من ربنا ،، و بمساعدة الأخوة الأعضاء اللي حطوا مواضيع فيها فيديوهات تعلمنا أزاي نعمل الرينجات ،،

و مساعدة العضو ميسو أليكس ،، اللي عرف المنتدى كله ، مش أنا لوحدي، مكان العيدان الأكريليك اللي بتتعمل منها الرينجات...........

عرفت طريقة عمل الرينجات ،،و عملت اول واحد ،، و أن شاء الله بعد معرف رأيكم ،، حعمل التاني ،،

و إن شائ الله حعمل الفانوس سموك ،، و أركب الرينجات ,,و أخد رأيكم برضه ....

أولاً . الخامات و الأدوات ...

1-متر عود أكريليك .. تخانة 8 مللم (8 جنيه)
2-بلاستر ،، كان موجود عندنا في البيت ،، التكلفة (0 جنيه )
3-ورق سوليفان ،، ~ ~ ~ ~ ~ ~ ،، ~~ ~~~~
4-منشار
5-سكينة مشرشرة

الخطوات ..

1-حددت الحاجة اللي حلف عليها اللأكريليك عشان عايز قطر الرينج يكون زيها ،، و لفيت عليها فتلة خيط ،، عرفت محيط الدايرو أيه ،، و بعد كده فردت الخيد على عمود الأكريليك "1 متر" و عرفت نهايتي فين ،، و قطعت بالمنشار

2-حطيت الأكريليك في الفرن ،، و صبرت كتير ،، حوالي ربع ساعة ،، على حرارة 100 ،،

و طلعته لفيته على الجسم المدور اللي عايز قطر الرينج يكون مساوي ليه ...

و نشف في النص ،، رحت حطيته على النار و أنا مساكه ،، عشان مكنش ليا مرارة أني أحطه تاني في الفرن ،، و طلعت النتيجة أحسن من الفرن .....لان بسرعة و أسهل ،،

"ملحوظة : مققربتوهوش من النار أوي ،، كان بعيد عنها ،، أسخنه بس ،، عشان لو قربته من النار العود حيبوظ"

3- بعد محددت الدايرة بتاعتي ،، و الأكريليك نشف على كده ،، جبت سكينة مشرشرة ،، و عملت بيها الشرط ...

و دي فايدتها أنها توزع الضوء اكتر في الرينج ...

4-جبت ورق سوليفان غلفت بيه ظهر الرينج ،، و هو الجانب اللي انا شرطت فيه بالسكينة ...و لزقته ببلاستر ،، و أليكم الصور

صورة 1 الرينج في النور

صورة 2 الرينج من الجنب

صورة 3 الرينج على طرابيزة اللاب

صورة 4 الرينج منور في النور

صورة 5 الرينج منور في الضلمة

أن شاء الله الرينج ده حسيب لونه تلجي ،، و الرينج التاني ان شاء الله حعمله أكبر في القطر .. و أخلي لونه أحمرررر.....عشان العربية يكون بيها منظر عدائي من قدام كده قولولي مقتراحاتكم ؟!!

**caboo_1** · 24-12-2010 11:53 AM

انا عملتها بردو ومركبها عندى فى الاوبل بس نصحتى ليك
اتكد قبل ما تركب الوش ((الباغة)) بتاع الفانوس من
1- فتحات الرنج متساوية ونفس المسافة فى الفانوسين وعدلة الفتحة
2- عدم ظهور اسلاك حول الربنج بعد التركيب يعنى على قد ماتقدر اخفيها
3- تشغيل الرنجات وهى راكبة ربع ساعة على الاقل عشان الليدات فى منها بيتغر اللون وبتكون بايظة وحصلت معايا بعد ربع ساعة تشغيل اتغير لون ليد واحد
4- تأكد من ان رجلاشات الفانوس شغالة ولو عندك ماتور فى الفانوس تأكد من شغلة لان الرنجات ممكن تزنق الرجلاشات وساعتها مش عتقدر تظبط النور
5- طبعا تستعمل مونوكير شفاف فى حفر اليددات لسببين (( بتوزع الاضائة داخل الرنج---- وعامل مساعد لثبات الليد داخل الرنج لوجود مادة لازقة))
6- ابعد الرنج عن لبمة النور الواطى والعالى عشان نتسيحش سواء الرنج او العاكس حولين الرنج او عازل السلك بسبب الحرارة العالية من اللمض
وان شاء الله هتطلع حلوة جدا احسن من الجاهزة وبدون مبالغة والله انا نفسى اصورها فى القريب وارفعهلكو

**smsm_nabawy** · 24-12-2010 01:39 PM

المشاركة الأصلية كتبت بواسطة kamalsalem

انت هتنوره ازاي؟ هتركبله ليدات وراه؟ ولا ايه؟

لا ،، حخرم بشنيور ،، و أحط الليدات في الأكريليك نفسه ...

المشاركة الأصلية كتبت بواسطة caboo_1

انا عملتها بردو ومركبها عندى فى الاوبل بس نصحتى ليك
اتكد قبل ما تركب الوش ((الباغة)) بتاع الفانوس من
1- فتحات الرنج متساوية ونفس المسافة فى الفانوسين وعدلة الفتحة
2- عدم ظهور اسلاك حول الربنج بعد التركيب يعنى على قد ماتقدر اخفيها
3- تشغيل الرنجات وهى راكبة ربع ساعة على الاقل عشان الليدات فى منها بيتغر اللون وبتكون بايظة وحصلت معايا بعد ربع ساعة تشغيل اتغير لون ليد واحد
4- تأكد من ان رجلاشات الفانوس شغالة ولو عندك ماتور فى الفانوس تأكد من شغلة لان الرنجات ممكن تزنق الرجلاشات وساعتها مش عتقدر تظبط النور
5- طبعا تستعمل مونوكير شفاف فى حفر اليددات لسببين (( بتوزع الاضائة داخل الرنج---- وعامل مساعد لثبات الليد داخل الرنج لوجود مادة لازقة))
6- ابعد الرنج عن لبمة النور الواطى والعالى عشان نتسيحش سواء الرنج او العاكس حولين الرنج او عازل السلك بسبب الحرارة العالية من اللمض
وان شاء الله هتطلع حلوة جدا احسن من الجاهزة وبدون مبالغة والله انا نفسى اصورها فى القريب وارفعهلكو

شكراً على النصايح أويييييي ،، أن شاء الله حاخد مقاساتي و أظبطها أن شاء الله .. و ألف شكر...

بس سمعت أن الفوانيس السموك عليها مخالفات هي و الرينجات ،، مش عارف بقى أعمل أيه ،، بعد مجبت العده و العتاد :)))

حد يرد عليا في دي بس ...

**smsm_nabawy** · 24-12-2010 02:50 PM

المشاركة الأصلية كتبت بواسطة tarekmomo

الف مبروك يا باشا انا جيبتهم جاهزين ورياحت دماغى

الله يباااااارك فييييييييك
هما فعلاً تريحت دماغ

بس شوف انت جايبهم بكام و أحجامهم و ألوانهم أيه ،، و انا عاملهم بكام و ألوانهم و احجامهم و أشكالهم أيه :)))

أصلي لسة مورتكمش أنا قصدي أعملها أزاي :))))

**smsm_nabawy** · 24-12-2010 03:12 PM

يا شباب ده شكل تقريبي للشكل اللي عايز أعمله ....أنا مش عايز اجيب فوانيس كرستاله ،، و ناوي ان شاء الله أعمل ده في فانوس الشاهين العادي..

أعذرومي على رسمي الوحش ،،

و ياااا رييييت أرآئكم و نصايحكم ... في كل حاجة الشكل،، و هل تقترحوا طريقة تانية ،، و كده يعني :))

**smsm_nabawy** · 24-12-2010 03:15 PM

ده فانوس شمال السواق /،يعني يمينك و أنت باصص على العربية من قدام...

**smsm_nabawy** · 24-12-2010 03:16 PM

متنسووش أن حيبقى فيه بااد بووي :))))))))))

غفريت أنا والله :))

-

-

-

الموضوع: الحمد لله ،، عملت الرينجات angel eyes لعربية شاهين :)))

LinkBack

أدوات الموضوع

عرض

الحمد لله ،، عملت الرينجات angel eyes لعربية شاهين :))) - انشر الموضوع فى :

-

-

-

-

-

-

المواضيع المتشابهه

Projector Lens Light With Angel Eyes

استفسار عن الـ Angel Eyes

رينجات angel eyes موديل 96 الفئه التالته bmw بس لون أصفر !!

Angel Eyes Head Lights

Honda Civic 92 Angel Eyes

الكلمات الدلالية لهذا الموضوع

المفضلات

المفضلات

ضوابط المشاركة