| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 21

  1. #1

    الصورة الرمزية nicegypt

    رقم العضوية : 55613

    تاريخ التسجيل : 12Dec2009

    المشاركات : 1,974

    النوع : ذكر

    الاقامة : cairo

    السيارة: Regata

    السيارة[2]: :) Mitsubishi lancer boma

    دراجة بخارية: none

    الحالة : nicegypt غير متواجد حالياً

    افتراضي تعديلات واضافات لكهرباء وتقوية اضواء الريجاتا - Facebook Twitter whatsapp انشر الموضوع فى :

    hasad">

    السلام عليكم ورحمة الله
    انهاردة هنتكلم عن افكار جديدة خاصة بالانوار والكهرباء نبعد شوية بقا عن اي حاجة لها علاقة بالميكانيكا ودوشتها ومصاريفها
    هنبدء جزء جزء من مقدمة السيارة الى نهايتها بمشيئة الله .

    اولا : فوانيس السيارة الامامية

    سألت ف احد المرات عن فانوس الريجاتا لقيتة اغلي 45ج من بتاع الشاهين واستغربت لدة جدا غير انة مش عند اي حد .. اللى عملتة انى غيرت الفوانيس الامامية بفوانيس شاهين"دوجن" .. ايوة شاهين .. مميزاتة اية بقى ؟
    1 - فانوس اكبر من الامام وطبعا اضاءة اعلى واحسن
    2 - غير شكل العربية من الامام بقت شاهين دوجان
    3 - الزجاجة الامامية لما اتكسرت مرة من حبايبنا الحلوين اللى بيركنو جبتها بتسعة جنية من عند اي حد اي بقال
    4- لو لقدر الله احتاجت لوش زجاج فانوس امامى .. علشان متتعبش زيي تقولة عايز وش فانوس شاهين دوجان بدون شفة لانى تعبت ف القصة دى كنت بروح اقول "عايز وش فانوس شاهين " وطلع غلط ورجعت قطع اكتر من مرة لحد مواحد كتر خيرة فك لى الفانوس وجاب زية من عندة وورانى الفرق وقالى دة اسمة شاهين دوجن بدون شفة مش شاهين دوجان بشفة ومتوفر كتير جدا عند اي محل قطع غيار ومرمى عند يوسف فى الدقي والكيلانى طبعا

    الفانوس رغم انة اكبر لكنة هيركب عادى خالص بدون اي تعديلات بالنسبة للى معة S85
    النوفا مش عارف هبقى ابص فى عربية صديق واقولكم كدة مبروك عليك الفوانيس الجديدة واللى اصبح سهل انك تشتري حاجتها من اي بقال والاضاءة بقت اعلى كمان وش الاشارة جبتة بـ 3 ج .. الزجاجة الامامية : 9ج الفانوس 120ج تركي معرفش سعرة حالياَ كام بصراحة

    الاضاءة داخل الفوانيس الامامية :
    حضرتك هتجيب لمبتين فيليبس اعلى وات اسمهم فيليبس رالي . ولو ملقتش رالى هات اي فيليبس
    الوات مش فاكر والله بس هخرج افكها من العربية واقولكم فى المشاركة الجاية . كدة الاضاءة عندك عليت
    بصراحة انا ماشى على طول بالنور الصغير العالى دة مش بحتاجة الا لما برعش لحد بس والسبب
    ان الاضاءة عالية جداَ والرؤية واضحة جداَ .. " امبارح كنت ماشى على 140 والنور الصغير شغال بس بالليل"
    حتى لما دخلت لجنة والنور الصغير كان شغال اتفكرو انى مشغل العالى واضايقو قوي .. فخلي بـالك الاضاءة
    هتعلي وهتفرق جامد لما حد يعدى من جمبك قريب منك اطفية لحد ما يعدى .. خلصنا النور العالى والواطى

    النور الصغير اللى مع التابلوة فى الفوانيس الامامية :


    حضرتك هتجيب كارت تمنة 5 ج هو اسمة كدة كارت لكنة مش كارت كمبيوتر لاء .. هى ورقة فيها لمبتين
    حضرتك اختار اي لون يعجبك .. فية ثلجى .. فى ازرق .. فية بنفسجى .. ودى شكلها بالليل
    هقول لحضرتك فوائدها اية زى متعودنا :
    1 - شكل حلو
    2- لما بتطفى كل الانوار عالى وواطى علشان لجنة او حد معدى دول بيكونو منورين بيعرفو للقادم حـدود سيارتك فين
    3 - بلاش تجيب اللى فيها خمس الوان دى ولا ست الوان بيقعدو ينورو بالتتابع .. بيحطوها بتوع التاكس الشاهين كتير

    كدة مبروك عليك الفوانيس الجديدة والنور العالى والواطى اللى هيعمى الناس والنور الصغير . التكلفة الاجمالية لحد دلوقت :
    120 ج فانوس تركى
    5 ج كارت اضاءة
    80ج لمبتين فيليبس "صيني طبعا مش اصلي "
    25ج كــتاوت تركي ضروري جدا عشان تحس بشدة الاضاءة
    ---------------
    230ج للفانوس الواحد بحاجتة
    لو مش عايز تجيب التاني عادى براحتك امشى كوكتيل حتى الناس تحس انك مختلف باردو :)واستايل

    التركيب:
    اسهل ما يكون .. ومش محتاج تخريم او اي تعديل فى سيارتك هتبقى فبريكة زى مهية .. فية 3
    مسامير ولهم صواميل وورد .. ركب الفانوس فى مكانة ومن الناحية التانية جوة الكبوت ركب الورد والصواميل
    وبس كتر خيرك تعبناك معانا حبة انهاردة .. علماَ انى فكيتة بنفسى اكتر من مرة الموضوع سهل بمفتاح عشرة بلدي

    خلصنا الفوانيس الحمد لله ندخل على فوانيس شبورة :


    الفوانيس دى جبتها بـ 50ج وفائدتها هى بتخليك تشوف كويس ف الشبورة .. انا مركبها تحت ف الاكصدام
    مخبيها .. وانصحك تعمل زيي تخبيها علشان المرور واللجان .. وفية سبب افضل انها تنور لك الطريق من تحت
    تكشف لك المطبات بكل سهولة ويسر .. وانا مركبها اساسا للسبب دة لكشف المطبات والنقر القريبة منك وتعمل لها مفتاح جوة التكاليف :
    1 - فوانيس شبورة " ليزر " 50ج
    2 - 30 مفتاح داخلى وسلك وكتاوت ومصنعية
    الاجمالى 80ج معرفة بقى وكدة ;)
    اهم حاجة تركب لها كـتاوت .. وتكون تركي حصل موقف سيئ للاسف " من ضمن مواقف كتيييير صدفتها عيزة لها موضوع لوحدة للاخطاء الصنيعية " اول يوم تركيب حضراتهم اعترضو وقالو مش محتاجة كتاوت انت غاوي مصاريف ؟ احنا بنركبها على عربيات كتيرة بدون كتاوت . طبعا اي حد خبير فى الكهرباء هيبقى عارف ان الكتاوت عبارة عن دائرة بتفتح وتقفل لا هي بتعلي ولا بتوطى .. لكنها هامة جداَ لانها بتستحمل مرور امبير عالى للمبات وعلشان كدة لما حد بيغير كتاوت بيحس بشدة اضاءة ويفتكر ان الكتاوت بتعلي اضاءة لاء .. كل ما فى الامر انها سمحت بمرور كمية امبير اعلى
    وبالتالى بقت الاضاءة اعلى واحسن .. دة شكل شائع للكتاوت

    اخدت العربية منهم ومشيت بعد مركبت فوانيس الشبورة بدون كتاوت واللى حصل زي متوقعت والله وكان قلبي حاسس رغم ان مش مجال شغلي ف الكهرباء الا انى حافظ الكهرباء ظهراَ عن قلب فى حاجات كتير .. المهم اللى حصل بعد اضاءة لعشر دقائق السلك سخن واتحرق ولقيت دخان من الكبوت كثيف جدا , بطلت العربية وركنت على طول بفتح الكبوت لقيت دخان اسود كثيف مش عارف احدد مكانة طلع السلك وصلو دايركت بدون كتاوت والسلك عمل القصة دى وكان ملفوف حوالين الكتاوت بتاعة النور .. وطبعا الكتاوت من برة بلاستك وسيحتة.. فصلت كل اسلاك الفوانيس الجديدة
    حطيت المفتاح ف الكونتاكت لقيت النور ضعيف جدا ومفيش مارش ولا اي استجابة خرجت" لان كدة فية قفلة "
    قطعت الاسلاك بتاعة النور كلة وفصلت كتاوت النور اللى ساحت ورميتها ف الشارع .. دخلت دورت وتوكلت على الله
    رجعت البيت وانا علي اخري وماشى بالليل من غير اي نور ولا حتى اشارة تانى يوم الصبح جم لقونى قاعد على باب المحل عملت لهم فيلم وكانو مش مصدقين اللى حصل وشافو السلك اللى ساح .. طلبت منهم على مسؤليتى الشخصية تغيير
    كل الاسلاك اللى لها علاقة بالنور وفوانيس الشبورة بأتخن خلى بالك من دى .. بلاش السلك بتاعهم الضعيف دة
    بعدها قلت لهم ركبو كتاوت قالو لا يمكن السلك اللى عمل كدة قلت لاء كتاوت .. ومن ساعتها كل شيئ تمام الحمد لله



    نعمل بقا تعديل على فوانيس الشبورة " غير مهم "
    وهو شراء اي سي من اي حد بيصلح تلفزيونات او من باب اللوق رقمة :
    Z-05
    وتشتري نفس اللمبتين اللى فى الفوانيس بس بلون ابيض والسبب انها هتنور اصفر ولما تسخن هتفصل وتنور ابيض
    وبالتالى اصفر هتبقى شايف فى الشبورة صح ؟ النور الابيض هتبقى شايف بالليل بشكل افضل بكتير وهتحافظ على اللمبات لاطول مدة ممكنة وبدون اي تدخل منك ابداَ دى وظيفة الاي سى دة .. ودى خطوة غير هامة ولازم تفتح الفوانيس

    الصـالون :
    بالنسبة للصالون اول حاجة هتعملها انك تغير اضاءة التابلوة بشريط ليدات تمنة 20ج باللون اللى يعجبك
    ودى خلي اي كهربائى يعملها لك .. انا عندى معمولة جاهزة كدة اشتريت العربية بيها كدة ومش بتاخد وقت مع الصنيعي

    بعد كدة نـور الصالون :
    جبت ليدات تمنها
    35ج بس لونها ابيض ودى صورتها ولونها وهى شغالة ومطفية



    ركبت اتنين فى الامام واتنين فى الخلف .. اللى فى الامام شغلتهم بمفتاح نور الصالون
    وفصلت نور الصالون الاصفر .. للاضاءتة الضعيفة .. النور الخلفي شغلتهم مع النور الصغير بينورو معة
    شكلهم تحفة بالليل وبيخلو اي حد ماشى وراك ياخد بالة منك .. وغير مكلفين ..


    لو حضرتك مش عجبك شكلهم رغم ان شكلهم كويس ممكن تحطهم جوة نور صالون الفبريكة .. افتح غطا نور الصالون
    وألزقهم جوة واقفل الغطا .. هينورو ابيض باردو وهما جوة وكدة انت معدلتش اي حاجة فى الفبريكة . بس المشكلة
    ان الاضاءة هتبقى اقل لان الغطا دة اصفر من الشغل لدرجة انة بيعيق عملية الاضاءة ودة السبب اللى خلانى فضلت
    اركبهم برة . بعد كدة ركب فانوس استوب على الزجاج الخلفي .. وياسلام لو تركب سنتر لوك وانذار وازاز كهربا لو مفهاش انا ركبت كل حاجة الا الزجاج الكهربا .. سنتر وانتذار .. الزجاج بعد مشدها دوكو بأذن الله
    احنا خلصنا الجزء الاول .. ناخد استراحة لحد منجهز صور الجزء التانى اترككم فى رعاية الله .. وارحب دائما بأي استفسار

    اهم مواضيعى عن الريجاتا : بداخل عضويتى
    عدنا بكل قوة للرابطة .. م / Hussein
    مبرمج ومالك لشركة برمجيات وتصميم مواقع الانترنت


  2. #2

    الصورة الرمزية semsem_uno

    رقم العضوية : 14080

    تاريخ التسجيل : 03Jul2008

    المشاركات : 2,925

    النوع : ذكر

    الاقامة : Nasr city,cairo-egypt

    السيارة: Hyundai Excel Gls

    السيارة[2]: FIAT Uno 45

    دراجة بخارية: none

    الحالة : semsem_uno غير متواجد حالياً

    افتراضي -

    الله ينور يا باشا

    FIATIAN INSIDE...


  3. #3

    الصورة الرمزية ecybrarian

    رقم العضوية : 241

    تاريخ التسجيل : 26Apr2007

    المشاركات : 4,325

    النوع : ذكر

    الاقامة : المقطم

    السيارة: SPARK LITE

    السيارة[2]: Tiggo FL

    دراجة بخارية: NA

    الحالة : ecybrarian غير متواجد حالياً

    افتراضي -

    شغل 100 100 ...جبت الليدات دي من اين

    لا حول ولا قوة إلا بالله..متى سيموت الإهمال في مصر


  4. #4

    الصورة الرمزية nicegypt

    رقم العضوية : 55613

    تاريخ التسجيل : 12Dec2009

    المشاركات : 1,974

    النوع : ذكر

    الاقامة : cairo

    السيارة: Regata

    السيارة[2]: :) Mitsubishi lancer boma

    دراجة بخارية: none

    الحالة : nicegypt غير متواجد حالياً

    افتراضي -

    اقتباس المشاركة الأصلية كتبت بواسطة semsem_uno مشاهدة المشاركة
    الله ينور يا باشا
    وعليك يا سمسم منورنى دايماَ
    اقتباس المشاركة الأصلية كتبت بواسطة ecybrarian مشاهدة المشاركة
    شغل 100 100 ...جبت الليدات دي من اين
    جبتها من عند الكهربائى وهو اللى ركبها مش انا .. لو مش عجبة حضرتك نشيلها على طول انت بس تأمر :)
    هي موجودة فى التوفيقية باردو بأشكال متعددة والوان متعددة وفية بتغيير الوانها كل دقيقة
    بس دى هادية وافضل وشكلها واضاءتها فى الطبيعية افضل من الصورة . ومش محتاجة فك ولا تركيب
    نظام لزق زى الاستيكر وسهل تشيلها او تنقلها ف اي وقت . لو محتجها ممكن ادلك على المحل اللى جبت منة
    عند مترو جامعة القاهرة

    اهم مواضيعى عن الريجاتا : بداخل عضويتى
    عدنا بكل قوة للرابطة .. م / Hussein
    مبرمج ومالك لشركة برمجيات وتصميم مواقع الانترنت


  5. #5

    الصورة الرمزية mahmoodallam

    رقم العضوية : 50582

    تاريخ التسجيل : 21Oct2009

    المشاركات : 994

    النوع : ذكر

    الاقامة : شبين الكوم - منوفية

    السيارة: بروتون ويرا 2000

    السيارة[2]: نوفا ريجاتا

    دراجة بخارية: لا يوجد

    الحالة : mahmoodallam غير متواجد حالياً

    افتراضي -

    الله ينور عليك
    زي ما نورت على الرجاتا
    أجمل حاجة في الموضوع ان التعديلات مش هتكلف كتير
    اما بالنسبة للفوانيس انا عربيتي نوفا
    والفوانيس بتاعو النوفا بتختلف عن العادة في ان هي والاشارة حتة واحدة وعليهم اطار نيكل
    الفانوس الواحد للنوفا استيراد بحوالي 200 جنيه ، و جديد تايواني باين او تركي مش فاكر كان تقريبا ب 170 ج ؟؟؟؟؟؟؟
    وبتاع الشاهين او الدوجان ينفع يركب عادي بس الاطار النيكل بيدي شكل حلو ولكن برضو ما يستاهلش الفرق ده كلو .
    بالنسبة لفوانيس الشبورة هل فيه مخالفة قانونية للي مركبهم ؟





  6. #6

    الصورة الرمزية nicegypt

    رقم العضوية : 55613

    تاريخ التسجيل : 12Dec2009

    المشاركات : 1,974

    النوع : ذكر

    الاقامة : cairo

    السيارة: Regata

    السيارة[2]: :) Mitsubishi lancer boma

    دراجة بخارية: none

    الحالة : nicegypt غير متواجد حالياً

    افتراضي -

    اقتباس المشاركة الأصلية كتبت بواسطة mahmoodallam مشاهدة المشاركة
    الله ينور عليك
    زي ما نورت على الرجاتا
    أجمل حاجة في الموضوع ان التعديلات مش هتكلف كتير
    اما بالنسبة للفوانيس انا عربيتي نوفا
    والفوانيس بتاعو النوفا بتختلف عن العادة في ان هي والاشارة حتة واحدة وعليهم اطار نيكل
    الفانوس الواحد للنوفا استيراد بحوالي 200 جنيه ، و جديد تايواني باين او تركي مش فاكر كان تقريبا ب 170 ج ؟؟؟؟؟؟؟
    وبتاع الشاهين او الدوجان ينفع يركب عادي بس الاطار النيكل بيدي شكل حلو ولكن برضو ما يستاهلش الفرق ده كلو .
    بالنسبة لفوانيس الشبورة هل فيه مخالفة قانونية للي مركبهم ؟
    الله ينور عليك زى ما منورنى دايما فى كل موضوع
    انا جبت الفوانيس رخيصة بدون نيكل .. علما ان النيكل سهل تشتريها وتركبها بس لازم الفانوس كلة وسعرة عالى كدة
    انا لاحظت مكان النيكل حوالين الفوانيس عندى .. يعنى واضح انة هو هو بس حضرتة شال النيكل لان مكانها موجود
    ولسة فية مطرح شمع .. طب شالو لية المؤذى دة . لكن هو فية اطار نيكل زى النوفا بالظبط
    الفوانيس دى المفروض انها ممنوعة .. لان اضاءتها عالية جدا وبتستخدم نظام زى ليزر .. حتى اسمها فوانيس ليزر شبورة
    وبالتالى يجب توخى الحذر حين تشغلها .. المخالفة بس لو حد شافها شغالة .. قبل متدخل لجنة اطفيها وبس انتهى الامر ومريت بيها من لجان كتيرة جداَ
    وعادى خالص محصلش حاجة .. وطبعا قبل الفحص الفنى لو فية فحص فنى لازم يتشالو اساسى . بس
    فية ناس مركبة فوانيس شبورة صغيرة جداَ اغلب اللى مركبنها مالكى 27 هى حلوة بس صغننة خالص وضوءها ضعيف ومش ممنوعة
    الا لو واحد غلس وبايخ اللى واقف حتى لو نورت لة شـمعة مش هترضية .. من الناحية دى اطمن .
    العربية فرقت بقت حاجة تانية خالص بصراحة بيهم .. خصوصا ان العربية كنت واخدها من صاحبها مضلمة
    نور الصالون مكنش شغال والفوانيس الامامية اغلب حاجتها محروقة .. الغمزات كانت محروقة باردو دة كلة غيرتة للاحسن
    نفسى اعمل دوكو وسمكرة محترمة دة اللى ناقصها ولسة مش عارف النظام هبقى اعمل موضوع استفسر فية عن تفاصيل
    القصة دى .. خصوصا ان عندى بارومة ف الشنطة بمساحة 3 سم تقريبا .. وعايز اغير فرش الصالون كلة ارضية وسقف
    وكلة واعمل عوازل جديدة محترمة .. واغير الكراسى الامامية لان الكرسى بيتعبنى فى السفر جدا متهيألي دة العادى
    بتاع العربيات دى .. سفر 4 ساعات تلاقى ايدك ورجلك وضهرك بالذات تعبانين .. القصة دى بس اللى ناقصة لى
    لو حد عندة نصيحة ليا ف الموضوع دة يقولي .. او الاحسن اعملها موضوع خاص صح ؟

    اهم مواضيعى عن الريجاتا : بداخل عضويتى
    عدنا بكل قوة للرابطة .. م / Hussein
    مبرمج ومالك لشركة برمجيات وتصميم مواقع الانترنت


  7. #7

    الصورة الرمزية mahmoodallam

    رقم العضوية : 50582

    تاريخ التسجيل : 21Oct2009

    المشاركات : 994

    النوع : ذكر

    الاقامة : شبين الكوم - منوفية

    السيارة: بروتون ويرا 2000

    السيارة[2]: نوفا ريجاتا

    دراجة بخارية: لا يوجد

    الحالة : mahmoodallam غير متواجد حالياً

    افتراضي -

    دي صورة للفانوس بتاع النوفا
    http://88.191.108.165/images/JPG095/ILF_94_WR.JPG
    بالنسبة للعزل والفرش انا كمان عايز اعمل الموضوع ده
    وبصراحة مش مقتنع بأي شغل ممكن يتعمل لان شغل السروجي سهل لكن بيستعبطو اوي في المصنعيات
    انا السنة اللي فاتت فكيت الفرش كله وغسلته بايدي ووديته للخياط ضبط الحتت اللي الخياطة فكة فيها وزودت سفنج وبقت تمام وزي الفل .
    بس المشكلة ان انا ما ركزتش على العزل كويس حطيت عازل حراري بس اللي لونه فضي وعلشان كدا صوت الماتور عندي واضح جوا الصالون .
    عايز افك الفرش اغسل الارضية غسلة بنت ناس واحط لباد عازل للصوت كمان
    المشكلة ان انا عايز اعمل الشغل ده بايدي مش عايز اديها لحد لانهم هيخدو فلوس كتير وهيطلعو شغل مش بنفس الضمير والاتقان اللي اي واحد فينه هيعملو لنفسه .





  8. #8

    الصورة الرمزية nicegypt

    رقم العضوية : 55613

    تاريخ التسجيل : 12Dec2009

    المشاركات : 1,974

    النوع : ذكر

    الاقامة : cairo

    السيارة: Regata

    السيارة[2]: :) Mitsubishi lancer boma

    دراجة بخارية: none

    الحالة : nicegypt غير متواجد حالياً

    افتراضي -

    اقتباس المشاركة الأصلية كتبت بواسطة mahmoodallam مشاهدة المشاركة
    دي صورة للفانوس بتاع النوفا
    http://88.191.108.165/images/jpg095/ilf_94_wr.jpg
    بالنسبة للعزل والفرش انا كمان عايز اعمل الموضوع ده
    وبصراحة مش مقتنع بأي شغل ممكن يتعمل لان شغل السروجي سهل لكن بيستعبطو اوي في المصنعيات
    انا السنة اللي فاتت فكيت الفرش كله وغسلته بايدي ووديته للخياط ضبط الحتت اللي الخياطة فكة فيها وزودت سفنج وبقت تمام وزي الفل .
    بس المشكلة ان انا ما ركزتش على العزل كويس حطيت عازل حراري بس اللي لونه فضي وعلشان كدا صوت الماتور عندي واضح جوا الصالون .
    عايز افك الفرش اغسل الارضية غسلة بنت ناس واحط لباد عازل للصوت كمان
    المشكلة ان انا عايز اعمل الشغل ده بايدي مش عايز اديها لحد لانهم هيخدو فلوس كتير وهيطلعو شغل مش بنفس الضمير والاتقان اللي اي واحد فينه هيعملو لنفسه .
    كلام حضرتك مظبوط 100 %
    بس باردو فية حاجات محتاجة تطرز وتتخيط يعنى باردو هتحتاج لسروجى .
    انا لو الاقى حد يشجعنى يكون محتاج يعمل شغل سروجى ف عربيتة نعملها سوى انا وهو وننزل نشتري حجتها سوى ونستفيد بالخصم او الفصال عموما :)
    انا فكيت الكنبة قبل كدة .. فك الصالون سهل وحتى فرش الابواب فكة سهل باردو . فكيتة علشان اغير مدفع السنتر لوك وبعدت عن فخ بتاع الابواب الحمد لله . الفك والتركيب سهل عموما

    اهم مواضيعى عن الريجاتا : بداخل عضويتى
    عدنا بكل قوة للرابطة .. م / Hussein
    مبرمج ومالك لشركة برمجيات وتصميم مواقع الانترنت


  9. #9

    الصورة الرمزية mahmoodallam

    رقم العضوية : 50582

    تاريخ التسجيل : 21Oct2009

    المشاركات : 994

    النوع : ذكر

    الاقامة : شبين الكوم - منوفية

    السيارة: بروتون ويرا 2000

    السيارة[2]: نوفا ريجاتا

    دراجة بخارية: لا يوجد

    الحالة : mahmoodallam غير متواجد حالياً

    افتراضي -

    اقتباس المشاركة الأصلية كتبت بواسطة nicegypt مشاهدة المشاركة
    كلام حضرتك مظبوط 100 %
    بس باردو فية حاجات محتاجة تطرز وتتخيط يعنى باردو هتحتاج لسروجى .
    انا لو الاقى حد يشجعنى يكون محتاج يعمل شغل سروجى ف عربيتة نعملها سوى انا وهو وننزل نشتري حجتها سوى ونستفيد بالخصم او الفصال عموما :)
    انا فكيت الكنبة قبل كدة .. فك الصالون سهل وحتى فرش الابواب فكة سهل باردو . فكيتة علشان اغير مدفع السنتر لوك وبعدت عن فخ بتاع الابواب الحمد لله . الفك والتركيب سهل عموما
    بص في فرق ما بين انك تروح للصنايعي وتقولو غير دي او صلح دي وما بين انك تقوله اضبط العربية لاني مش عارف العيب فين ؟
    لما تقولو اعمل كذا هو كده عرف انك فاهم اللي هو هيعمله ومش هيستعبط في اسعار المصنعيات ومش هيعرف يوهمك انه عمل اللي ما يتعملش لانك فاهم .
    اما انك تقول اضبط العربية :
    هيعملك اي حركة هبلة ما تكلفهوش حاجة ويفهمك انه تعب وعمل اللي ما يتعملش وهيحكيلك عن فلان اللي لف عالصنايعية كلهم علشان يصلحو البتاعة اياها وما عرفش يضبطها له غير العبد لله وساعتها هيرزعك مبلغ وقدره .
    انا رحت لسروجي مرة وقلت عايز اعمل الارضية والشنطة جلد لقيته بيقولي 400 جنيه ؟؟؟؟؟؟؟؟؟؟؟؟؟
    يا عم انت مش هتحتاج اكتر من 3 متر جلد ؟!
    ودول انضف نوع مش هيزيد عن 150 جنيه للتلاتة متر ده لو انا هشتريهم قطاعي ؟
    علشان ايه بقا تقولي 400 جنيه ؟
    يعني عايز مصنعيته في لا تقل عن 250 جنيه !!!!
    ليه عمرة هيا ؟





  10. #10

    الصورة الرمزية mahmoodallam

    رقم العضوية : 50582

    تاريخ التسجيل : 21Oct2009

    المشاركات : 994

    النوع : ذكر

    الاقامة : شبين الكوم - منوفية

    السيارة: بروتون ويرا 2000

    السيارة[2]: نوفا ريجاتا

    دراجة بخارية: لا يوجد

    الحالة : mahmoodallam غير متواجد حالياً

    افتراضي -

    hasad">

    كان نفسي نكون قريبين من بعض علشان نصبط الشغل ده مع بعض
    لكن للاسف مش هينفع






 
صفحة 1 من 3 1 2 3 الأخيرةالأخيرة

المواضيع المتشابهه

  1. اضواء الضباب لاتعمل مع اضواء الواطية
    بواسطة ammarhameda في المنتدى كـــــيا
    مشاركات: 9
    آخر مشاركة: 04-10-2011, 05:52 PM
  2. تعديلات واضافات لكهرباء وتقوية اضواء الريجاتا
    بواسطة nicegypt في المنتدى أخبار السيارات في مصر والعالم
    مشاركات: 6
    آخر مشاركة: 27-12-2010, 11:16 PM
  3. النترا بتعديلات واضافات جديده من غبور
    بواسطة Hosam_Optrawy في المنتدى هيــونــداى
    مشاركات: 23
    آخر مشاركة: 23-01-2010, 01:26 AM
  4. تعديلات واضافات فى كيا بيكانتو
    بواسطة YaSSerwIN في المنتدى كـــــيا
    مشاركات: 10
    آخر مشاركة: 30-12-2009, 04:22 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2