دليل خدمات نايل موتورز

**د.أحمد السعيد** · 26-12-2010 11:04 AM

بسم الله الرحمن الرحيم
السلام عليكم ورحمة الله وبركاته

كيف حالكم جميعا!!

الموضوع للنقاش و الطرح على الادارة ..

و هو من اجل خدمة الاعضاء و تبادل النفع بينهم
لو كل واحد بمشاركة واحدة قال فيها ايه وجه النفع للاعضاء كخدمات عامه (فى مصلحة حكوميه مثلا ) او كخدمات خاصة كمحل او مكات تصليح او بشركة خاصة بيه او عيادة او مكتب محاماه او صيدليه مع ذكر عنوانه و طبيعة نشاطه و ارقام تليفوناته للتواصل معه

و تم تجميع هذه البيانات بمعرفة الادارة بحسب وجودها فى المحافظات!!

فبالتالى انا لو رايح دمياط مثلا هكون عارف الاماكن و الخدمات المتاحة من الاعضاء هناك و بالتالى هيكون فيه الى حد ما ثقه و احساس بالود لانى مش هروح لحد غريب و يكون عندى خلفيه مثلا العضو فلان عنده ورشه موبيليا او العضو فلان طبيب لو احتجت حاجه او العضو فلان محامى ..............

ايه رأيكم!!!!!!! و يا ريت حد يوصل الموضوع للادارة لانى مش عارف ازاى و نرى جدوى الموضوع.

**tarekzein** · 26-12-2010 11:17 AM

ممكن فى قسم الإقتراحات يادكتور أحمد

الفكره جيده

بس التطبيق صعب

**د.أحمد السعيد** · 26-12-2010 03:34 PM

عايز رأيكم قبل قسم الاقتراحات!

**ahmed4000** · 26-12-2010 03:47 PM

الفكرة ممتازة وبنحتاجها فى حاجات كتير وفعلا تبقى بتفعل دور المنتدى فى خدمة اعضائه
على فكرة فى مدرسة ابنى عملوا الفكرة دى بين اولياء الامور بحيث كل واحد يعرض خدماته وبكده ممكن يلاقى عملاء بين اولياء الامور الاخرين
لكن كالمعتاد حقول ان الادارة تخلى مسئوليتها تماما عن اى تعامل يتم بين الاعضاء تحسبا لاى مشاكل

**د.أحمد السعيد** · 26-12-2010 06:02 PM

المشاركة الأصلية كتبت بواسطة ahmed4000

لكن كالمعتاد حقول ان الادارة تخلى مسئوليتها تماما عن اى تعامل يتم بين الاعضاء تحسبا لاى مشاكل

و ايه المشكله ما انت بتشترى و تتعامل مع الغريب دون مسؤليه من احد

و لكن يكفى كون اللى بتتعامل معاه من المنتدى اكيد هيبقى شخص محترم و راقى الفكر و دا فى حد ذاته جميل و يكفى انك تكون عارف انت بتطلب الخدمه من مين مسبقا علشان متقعش فى ايد نصاب!!!

**MISS_MONA** · 26-12-2010 06:08 PM

فكرة هايلة فعلا ويا ريت تتنفذ

**د.أحمد السعيد** · 26-12-2010 09:08 PM

110 مشاهدة يا جدعان محدش قدر يقول آه او لأ !!!

هى دى الايجابيه و دا مستقبل مبهر ...ربنا يستر علينا

دا موضوع مصلحة ليكم امال لو كان حاجة هتتاخد منكم!!

**د.أحمد السعيد** · 27-12-2010 11:53 AM

هم ال 133 مشاهدة اعضاء مكسوفين و لا ايه يا جماعة
انا اول مرة اشوف كلمة عضو مكسوف

**Donzi** · 27-12-2010 12:08 PM

حلوة الفكرة بس هاتحتاج مجهود لتجميع البيانات و تحديثها كل فترة من الادارة

بس مفيدة جدا طبعا بالذات موضوع المحافظات دا عشان اللي مسافر لأي مكان يدخل ياخد اهم الخدمات اللي ممكن يحتاجها هناك و يوصلها ازاي

-

الموضوع: دليل خدمات نايل موتورز

LinkBack

أدوات الموضوع

عرض

دليل خدمات نايل موتورز - انشر الموضوع فى :

-

-

-

-

-

-

-

المواضيع المتشابهه

دليل نايل موتورز السياحى

منتدى خدمات وتبادل خبرات اعضاء نايل موتورز

الكلمات الدلالية لهذا الموضوع

المفضلات

المفضلات

ضوابط المشاركة