الموضوع: الفلوانس بــ 167 والا الاسكودا بـــ 200

المشاركة الأصلية كتبت بواسطة zego

لا برده هو بيقول ان قطع الغيار فيها حاجات اقل من التيوتا نفسها وبعدبن هل الرينو في الشد مثلا والقرص والحاجات دى احسن من الاوكتافيا وهل يعتمد عليها 5 سنين او اكتر

السلام عليكم و رحمة الله و بركاتة
اولا حابب ارحب بيك وسط اخواتك فى قسم رينو
نصيحتى ليك انك الاول لازم تحدد متطلباتك و اولوياتك من العربية اللى عايز تشتريها يعنى يهمك اكتر الشكل ولا العمر الافتراضى الطويل ولا الاوبشنز ولا الوسع ولا السرعة و الشد كل دة بجانب الحد الاقصى للفلوس اللى ممكن تدفعها
بالنسبة للاوكتافيا طبعا لاغبار عليها بس زى ما هية فيها مميزات عن الفلوينس كمان الفلوينس فيها مميزات عن الاوكتافيا المهم انت عايز اية من العربية و كمان لازم تحط فى اعتبارك ان الكمال لله وحدة يعنى لازم حتتنازل عن حاجة قصاد حاجة تانية و دة بيختلف من واحد للتانى
اما للاجابة عن سؤالك فالفلوينس من العربيات اللى بيفترض فيها الاعتمادية لعمر طويل مش 5 سنين بس و كلامى دة مبنى على اساس انها من انتاج شركة كبيرة و عريقة فى مجال العربيات زى رينو بس الكلام دة بينطبق بردة على الاوكتافيا
اما الشد و القرص فمن المعروف عن الاوكتافيا انها مش بتاعة لا شد ولا قرص لكن الفلوينس ما شاء الله انا مجربها بتديك زى ما انت عايز يعنى نفسك تشد و تجرى بتحس ان فية وحش عايز ينطلق و ياكل الطريق و كل اللى قدامة و لو نفسك تستمتع بالسواقة بهدوء بتحس انها حمل وديع بينقل بسلاسة و نعومة لدرجة انك حتبقى مش عايز الطريق يخلص
ربنا يوفقك للى فية الخير ليك ان شاء الله

المشاركة الأصلية كتبت بواسطة zego

اشكرك وكويس يا باشا ان انت منيت علينا ورديت
اما المتطلبات اول حاجة عربية ما تحكش في الطبات وتكون عالية عن الارض وطبعا انا ملاحظ ده في الساحرة والا كنت نويت علي الهوندا
والشكل هى كويسة وبرده انا مش بتاع شد وتخميس علي طول وكدا يعني مثلا ممكن اشد مع اوكتافيا اوريه الصناعة الفرنسية بس انا ممكن اسافر واروح واجى وكدا فعايز حاجة تنجزنى بس لاقيت ان هنا بيقولوا ان العربية بتبطل او ما بتطلعش علي طول مش متذكر بس هى حاجة لثوانى باين او كدا طبعا انت ادرى وطبعا الاوبشن والثبات وشوية الهجص بقي بتاع الزينون وفتحة السقف وكدا
وشدنى ليها بقي اكتر حاجة خلاتنى متحيز ليها ان في تكييف للمقاعد الخلفية اللى بيتهيأ لى مش موجود في اليابانى ولكن موجود في الاوكتافيا ومسئلة اعادة البيع مش مشكلة لو هبيعها ب 67 الف يعني هخسر 100 الف مش مشكلة بس مش عايز اجيبها والناس زي ما انت عارف بيقي الشعب المصري يقعد يعيب وكدا او يطلع فيها عيب والا حاجة ومش هاودى عربية زي دي لاى ميكانيكى او كهربائي خالص فخايف التوكيل يعمل معاى حركة غدر والا حاجة
ويا سلام لو اعرف اعمل تيست درايف والا حاجة يبقي كدا يطمئن قلبي وماعليش طولت عليك يا كبير

الشكر لله ولا منيت ولا حاجة هيا مشاغل بس
كل اللى انت بتقولة موجود فى الفلوينس و الحمد الله فعلا حتستمتع بالاوبشنز اللى فى الفئة اللى 167 و كمان ماعتقدش ان سعر اعادة البيع حينزل بالشكل البشع اللى انت بتقولة دة اما بخصوص موضوع الصيانة لازم تحط فى اعتبارك ان الرينو بالذات عربية تحترمها تحترمك تهينها حتقرفك علشان كدة لابد تكون منتظم فى صيانتها فى التوكيل و احب اطمنك ان توكيل رينو ممتاز و سمعتة طيبة و يعتمد علية اما لو على التيست درايف عندك حلين الاول فى التوكيل اتصل بيهم على 16202 و احجز او تأجر العربية يوم ولا اتنين و جرب فيها براحتك
بالتوفيق ان شاء الله