الموضوع: اشمعنا احنا معندناش فلتر تكييف

ابعت للاستاذ محمد ممدوح لان كان فيه مشاركه زمان وكان بيقول فيها انه بيتفك الكويل بتاع التكييف من غير ما تفرغ الشحنه ولو حصل كده يبقى سهل انك تنظف الكويل وحط فيه معطر هيظبط معاك الموضوع لو مش مدخن
لكن لو انت او واحد صاحبك ولع سيجاره فى العربيه والتكييف شغال مش هتتحل المشكله دى ابدا


تجربه شخصيه (انا مدخن سابق منذ 6سنوات والحمدلله اقلعت عن التدخين)

شكرا على المساعدة وبعدين لما أبقى اولع سيجارة هابقى اطفي التكيف

المشاركة الأصلية كتبت بواسطة tarek_2005

لايوجد فلتر للتكيف لضعف مروحة البلور ولزيادة كمية الهواء المضغوطه خلال المبخر
وبعدين ماتزعلش نفسك اوي كده ممكن تضيف الاوبشن دي بنفسك هات قطعة سفنج سمكها لا يتعدي 1.5 سم والزقها علي مدخل الهواء للبلاور من خارج السيارة وبلاش تحطها علي مدخل الهواء الي من داخل السيارة

ايه ده .. يعنى ايه .. مش فاهم
ممكن توضيح يا باشا بعد اذنك .. تتعمل ازاى دى

و هل ده مش هيأثر على كفأة التكييف او هيبقى حمل عليه لان الهوا فى الاول بيجيله بسهولة دلوقتى هيبقى بيسحب الهوا من خلال سفنجة يعنى هيبقى اصعب شوية و لو بنسبة بسيطة

سؤال تانى طيب لما يكون المفتاح اللى بيحدد انك عايز تكيف الهوا اللى جوا العربية بس و متاخدش هوا من بره .. كده يبقى ايه لزمة السفنجة اللى هنحطها من بره ؟؟؟؟؟

يا ريت لو مش فاهم تقولى ايه المقصود و لا انا فاهم غلط لانى بصراحة متعاملتش مع الجزء ده خالص قبل كده و معرفش الحكاية ماشية فيه ازاى

تحياتى
احمد ابراهيم

روح عند اي حد بتاع تكيفات واشتري فلتر اي تكف سبلت او شباك اشتري اصغر فلتر هتلاقي حجات حوالي 20 سم في 10 سم هات واحد بس وفك درج التابلوه وركبه في الشبكه اللي هاتكون في وشك قصه علي شكلها لو عاو تركب واحد تاني للهوا اللي جاي من بره ممكن برده لو عاوز تتعب شويه نزل البلور وركب ده فوقه اصلا تبقي حطته علي الاتنين وريحت دماخك بس كده كل ما هاتعوز تنظفه ها تفك البلور انا عن نفسي عامل كده

المشاركة الأصلية كتبت بواسطة tarek_2005

لايوجد فلتر للتكيف لضعف مروحة البلور ولزيادة كمية الهواء المضغوطه خلال المبخر
وبعدين ماتزعلش نفسك اوي كده ممكن تضيف الاوبشن دي بنفسك هات قطعة سفنج سمكها لا يتعدي 1.5 سم والزقها علي مدخل الهواء للبلاور من خارج السيارة وبلاش تحطها علي مدخل الهواء الي من داخل السيارة

المشاركة الأصلية كتبت بواسطة jojowork1

روح عند اي حد بتاع تكيفات واشتري فلتر اي تكف سبلت او شباك اشتري اصغر فلتر هتلاقي حجات حوالي 20 سم في 10 سم هات واحد بس وفك درج التابلوه وركبه في الشبكه اللي هاتكون في وشك قصه علي شكلها لو عاو تركب واحد تاني للهوا اللي جاي من بره ممكن برده لو عاوز تتعب شويه نزل البلور وركب ده فوقه اصلا تبقي حطته علي الاتنين وريحت دماخك بس كده كل ما هاتعوز تنظفه ها تفك البلور انا عن نفسي عامل كده

كلام جميل جداا بس هو فين البلاور ده ؟؟
وإيه الكويل ده ومايجود فين