صيانه الالف للجميله كارينز وتصرف يحرق الدم

**khaled_salaly** · 27-12-2010 04:27 PM

تقيمي للعربيه من كل حاجه تحفه انا الموديل اللي معايا 2011 لونها موكا جايه ب الكونسول الي

في النص وكاسيت كينود سي دي ام بي ثري واوكس ويو اس بي وفيه بتاع 12 لون تقعد تقلب

فيهم والعربيه اوتوماتيك وفيه في فتحات التكييف من جوه حلي كروم كده وحاولين الفتيس كمان

المهم سحب العربيه ب النسبه لحجمها واني دايما كنت بحموله 5 اشخاص يعني العربيه مفيش

في كراسيها كرسي فاضي يعتبر تحفه سحب وشقاوه ع الطريق العربيه بتقول مش بتقصر جربتها

لحد 180 فله بس مكملتش عشان تيرات الهوا اللي كانت بتدلعني انا والعربيه فاقلت اهدى كده لا

تسافر المهم الصيانه في التوكيل كويسه جدا جدا وهيا كان في فرع ابو رواش بس حصل موقف

حرق دمي الصراحه وانا رايح كنت واخد وحده رفع اربعه باب وانذار بقولهم عليه َمع الصيانه انه

يركب يقولك لا احنا مش بنركب اي كماليات عاوز تركب ركب بره وده اسمه كلام يعني امال ضمان

ايه وتوكيل ايه يعني مكنت اشتريتها خليجي بقى اكرملي ومكنتش هفضل شايل هم الضمان

ياريت اللي يعرف حل للمأزق ده يكلمني لاني المره الجايه ممكن اروح معايا قنبله عشانهم وشكرا

ليكم واه كنت عاوز اجيب الاستيكر بتاعكم بس انا في طنطا وحماده عزو موبيلو مقفول :( ياريت لو

في حد تاني في طنطا او لو تحبو اوزعلكم انا انا عندي محل اكسسوار عربيات في دوران نادي

المعلمين اسمه السلالي وشكرا ليكم جدا

**dreamgold** · 28-12-2010 03:42 PM

ممكن صور للعربيه من الداخل لو تسمح

**mememsaid** · 30-12-2010 02:36 PM

ربنا يباركلك فيها

**aaet1** · 30-12-2010 04:13 PM

يا باشا انسى موضوع تركيب وحدة الرفع فى الوكيل، أنا صادفتنى نفس المشكلة مع الانذار لأنى ما كانش عاجبنى الانذار بتاعهم ووصلت الموضوع للشركة الأم وبرضه كل اللى وصلتله انهم قالولى اركبه بره عند حد كويس علشان لو سبب مشكلة فى الكهرباء هفقد الضمان وحصل وركبته بره فعلا

أما بالنسبة لوحدة الرفع فكان كلامهم فى الوكيل ان الشركة الأم رافضة فكرة وحدة الرفع وانها مش مناسبة للسيراتو والكارينز

وقدامى فى الوكيل حصل موقف مع واحد كان مركبها برضه بره وكان فيه تقل فى الازاز واتقالوا قدامى انهم مش هيبصوا عليه إلا لو راح فك وحدة الرفع