الموضوع: شركة موباكو ...تحترم عملائها....وصنع في مصر

المشاركة الأصلية كتبت بواسطة karim_monir

موبياكو وكونكرين من انضف الشركات والخامات اللي تتعامل معاهم
كونكريت هايلة موبايكو تحسها قديمة او سمارت كاجوال قوي ويميل للكلاسيك اكتر

بس قولي يا واد يا محمد
دي انهي عمارة اللي بعتها تخليك تجيب تشيرتين مرة واحدة من موباكو :-)

دي مش عمارة والله ده واحد من الأخوة الأعضاء قلبته في كام الف جنيه بس...لما ابيع عمارة هتلاقيني كاتب مرسيدس تحترم عملائها وصنع في المانيا ههههههههههه

المشاركة الأصلية كتبت بواسطة a.saad

انا بعدت عنهم بسبب ان حسيت ان الوانهم بتجرب بعد شوية غير داليدرس مثلا
تجربتك ايه يا محمد معاهم
الموضوع ده موجود لسه ولا الالوان مش بتبهت

هو معظم الألوان بتجرب معايا ايا كانت الماركة وطالما قطن(يعني البوليستر مش بيظهر فيه كده) بيجرب معايا و لو بنطلون رخيص مش بيقعد معايا شهرين بالكتير ويبدأ يجرب بس ده يمكن علشان عندنا في البيت متعودين يستعملوا مسحوق ابيض فقط وطبعا المسحوق فيه مبيضات فلازم يخلي الغسيل يجرب ومؤخرا ابتديت استعمل مسحوق خاص للألوان علشان احافظ علي هدومي كمان اول ما بجيب لبس ملون بغسله بمياه مخلوطة بخل علشان ما يبهتش...وعلي فكرة موباكو دلوقتي وجميع الماركات بيكتبوا يغسل بمسحوق مخصص للألوان او بيكتبوا يغسل بمسحوق معتدل فقط.