ليه ابواب العربية مش عايزة تسكت

**amrzedan** · 30-12-2010 11:16 AM

نفسي اعرف ليه كل اما اظبط الابواب بتاعة العربية عند الراجل بتاع ظبط الابواب الاقي صوت التزييق والتكتكة والخبط والرزع يحصل تاني بعد حوالي اسبوعين
وليه كل اما اعالج صوت غريب من الاصوات اللي بتظهر فجأه في العربية يطلعلي واحد غيرة ويجنني علشان اعرف هو ايه.
بصراحة انا ذهقت وتعبت خالص
وملقتش حل غير اني اعلي صوت الكاسيت علشان مسمعش حاجه
مع العلم ان انا بحاول احافظ علي العربية جداً ومابهنهاش خالص وبوديها التوكيل
نفسي اعرف العيب من العربيه ولا العيب في البلد وشوارعها وهل كل العربيات من الموديلات التانية عندهم نفس الاصوات والمشاكل اللي عندنا في الانوس ولا ايه.

( والله العربية الانوس جميله بس لو الاصوات دي تختفي )

**tarek_2005** · 30-12-2010 11:40 AM

حضرتك بتغسل العربية ازاي وفين وكام مرة في الشهر

**tarek_2005** · 30-12-2010 02:00 PM

طبعاً لو بتغسل العربية كتير وخاصة في محطة بنزين ويكونوا معرفة بيتوصوا بيك في الغسيل بينزل الزيت والشحم الي علي مفصلات وشداد الابواب وده الي بيسمعك الاصوات دي في حالة افتراض ان الابواب الاصلية بتاعة العربية ولم تتعرض لحوادث لاقدر الله تكون اثرت علي عظم الابواب