رجاء من كل ملاك الصينى وخاصة اسبرانزا a113

**Rerii** · 31-12-2010 04:49 AM

السلام عليكم

انا كنت كتبت الموضوع ده فى العام بس لاحظت هجوم على الصينى لمجرد الهجوم دلوقت حبيت اسأل اهل الخبرة اللى جربوا العربيات الصينى وتعاملوا معاها لفترة

انا عارفة ان الصينى مش صناعة صينيه ده مجرد تجميع لاجزاء من عربيات تانيه زى ميتسوبيشى او تيوتا او كده وشايفه ان الصينى فيه امكانيات كتير وبسعر معقول

فبصراحه فكرت اجيب لاختى عربية وانطرحت عليا اسبرانزا a113 وهى شكلا عاجبانى بس مجربتهاش واتقالى انها كويسه جدا وسعرها معقول

فانا عاوزة ان كل مالك لعربية صينى يدخل يقول نوع عربيته وجابها بكام وعامل بيها كام كيلو وايه اخبارها معاه وملاحظاته عليها عشان كلنا نستفاد ومنهاجمش حاجة من غير خلفية كويسه

ياريت تساعدونى لانى الناس خوفونى جدا من الصينى

وميرسى ليكوا اوى

**amribrahim** · 31-12-2010 05:07 AM

هو لازم صيني ماتجيب لانوس أو فيرنا

**Rerii** · 31-12-2010 05:13 AM

مش لازم صينى بس انا بوازن مابين حدود مادية معينة يعنى انا عاوزة حاجة فى التلاتينات لو هجيب لانوس او دايو جولييت هتكون مستعملة

اما الفيرنا فانا غير مقتنعه بيها بالمرة

وفى نفس الفئة السعرية هجيب حاجة صينى زيرو زى اسبرانزا a113 وطبعا كمقارنة بين زيرو ومستعمل الزيرو يكسب خاصة ان اختى مبتعرفش تتصرف اوى

**amribrahim** · 31-12-2010 05:31 AM

معلش زويدي شوية و جيبي لانوس أو فيرنا علشان دول حيعيشو أكتر من الصيني العربية ب ٥٠٬٠٠٠ صح ؟؟؟ مش هتيجي على ١٣٬٠٠٠ زيادة و تجيبي اللانوس زيرو

**amribrahim** · 31-12-2010 05:34 AM

فيه بردو السوزوكي الالتو حوالي ٥٠٬٠٠٠

**Rerii** · 31-12-2010 05:41 AM

طيب ايه وجه الاعتراض القوى ده عالصينى ماهى تقفيل صينى بس انما قطعها قطع عربيات تانية وشايفة انها شغالة كويس اوى فى مصر وانتشرت بسرعة رهيبة

**shooter123** · 31-12-2010 05:55 AM

شكلك اصلا مقتنعه بالعربية
ورغم تحذير الاعضاء لك بس انتي مصممة وبردوا عرضوا عليكي بدائل وانتي مصممة علي الصيني

يبقي خلاص اشتريها

كلمة اخيرة
تقفيل اي عربية مهم جدا جدا
عندك النيسان الصني التقفيل المصري مش زي النيسان الصني التقفيل الياباني بمعني ان التقفيل مهم اوي في العربية ومش معني ان اجزائها صناعات يبانية ومجرد التقفيل الصيني هو المشكلة تبقي العربية حلوة

نصيحة لوجه الله بلاش تشتري اي حاجة صيني - ماعدا الولاعات طبعا :)

**Rerii** · 31-12-2010 06:02 AM

شكلك اصلا مقتنعه بالعربية
ورغم تحذير الاعضاء لك بس انتي مصممة وبردوا عرضوا عليكي بدائل وانتي مصممة علي الصيني

على فكرة انا لا مقتنعة ولا حاجة انا بسأل مش اكتر وعندى بدائل للعربية دى كتير انا بتناقش معاكوا وحابة اعرف العيوب اظن دى حاجة عادية وللا ايه!!!

**shooter123** · 31-12-2010 06:10 AM

طبعا طبعا عادية جدا كمان
بس بلاش تجيبي عربية صيني لمجرد انها زيرو
ممكن بنفس الفلوس تجيبي لانوس 2004 مثلا وتكون حالتها ممتازة صدقيني مش حتشتكي منها خالص
وربنا يوفقك لما فيه الخير

**amribrahim** · 31-12-2010 06:42 AM

المشاركة الأصلية كتبت بواسطة shooter123

طبعا طبعا عادية جدا كمان
بس بلاش تجيبي عربية صيني لمجرد انها زيرو
ممكن بنفس الفلوس تجيبي لانوس 2004 مثلا وتكون حالتها ممتازة صدقيني مش حتشتكي منها خالص
وربنا يوفقك لما فيه الخير

+١ هو ده الكلام و شوفي فيه كام لانوس موديل ٩٩ أو ٢٠٠٠ لسة ماشيين في الشارع > علشان ديه عربية معمرة و قطع غيارها بملاليم .. لو انتي عندك بدائل للصيني جبيهوم أحسن والله هتندمي

على فكرة الحاج أبو الفتوح لسه متغرم ٥٠٬٠٠٠ علشان عربية اسبرانزا كان فيها عيوب تصنيع و هو رفض يرجع أو يصلح العربية للراجل

الموضوع: رجاء من كل ملاك الصينى وخاصة اسبرانزا a113

LinkBack

أدوات الموضوع

عرض

رجاء من كل ملاك الصينى وخاصة اسبرانزا a113 - انشر الموضوع فى :

-

-

-

المواضيع المتشابهه

اية رايكم في اسبرانزا a113

اسبرانزا a113

مطلوب اسبرانزا a113

محتار فى اسبرانزا a113

مساعده في اسبرانزا a113

الكلمات الدلالية لهذا الموضوع

المفضلات

المفضلات

ضوابط المشاركة