تغيير مشترك الشكمان

**enayat** · 31-12-2010 10:45 PM

من اسبوع وانا سامعه صوت غريب في العربية (128) قلت اعدي علي الميكانيكي لان معرفش عن العربية اكتر من ان لها اربع عجلات ودريكسيون المهم الميكانيكي قالي ده خرم في الشكمان رحت بتاع الشكمان قالي انه في حاجه اسمها مشترك هتتغير بكام ياعم الحاج قال ب80 جنية غير المصنعية طيب السعر ده كتير ولا عادي كده ياريت تعرفوني

**zastaffa** · 01-01-2011 11:47 AM

أنا كمان سألت عليه قبل كده و كذا واحد قالي 80 جنيه.....بس هي المشكلة مش في السعر المشكلة في الخامة اللي عنده....عشان كده حاول تروح لواحد تعرفه ويكون الي حد ما ثقه.....ولو أن بتوع الشكمانات دول عالم ........

**zastaffa** · 01-01-2011 11:49 AM

سوري يا باشا ماخدتش باللي....أقصد يعني حاولي تروحي لواحد تعرفيه....أو أتعاملتي معاه أبل كده

**enayat** · 01-01-2011 01:01 PM

ميرسي جدا علي ردك انا معرفش في موضوع الخامات ده والي انا رايحه له بلدياتي ويعتبر جارنا وكمان بيجيلي الصيدلية يصرف ادوية يعني لو مظبطش شغله هاعمله تركيبة تمام ههههههههههههه