الموضوع: يا ريت يا جماعه تقروا الموضوع للاخر هو طويل شويه بس استحملوني

بسم الله الرحمن الرحيم

موضوعي كبير ومشكلتي ملهاش حل لغايه دلوقتي

انا عندي عربيه لادا موديل 1980 روسي راكب عليها موتورلادا 2105 ابو كتينه كاوتش

العربيه كانت زي الفل وفي يوم لاقيتها لما بقرص في المشي الاقي ريحه عادم داخله الصالون

لما بقفل الشباك الريحه بتروح مش بتدخل يبقي ده دليل ان الريحه من بره ومش قادر اجدد منين

ولو زودت للعربيه وهي واقفعه مهما ازود ميبقاش في ريحه خالص لا عادم ولا غيره وبعد فتره لاقفيت الريحه زادت واختلط معاها زي ريحه زفاره تقلب المعده


رحت لمليوون ميكانيكي واحج بس فيهم قالي العربيه عايزه طقم شنبر لان الفايظ عندك هو اللي مطلع الريحه دي

علما باني قبل طقم الشتبر غيرت الشكمان كله بسبب الموضوع ده وغيرت الكاربراتير بواحد تاني استيراد وانا متاكد انهم مفيهمش حاجه وعملت طقم شنبر

وقلتله شوف وش السلندر معاك قالي الوش سليم مفهوش اي حاجه ومعملش في الوش شغل

بعد معمل طقم الشنبر ريحه الفايظ راحت لكن ريحه العادم او الزيت المحروق ريحه مش قادر احدد ايه هي بالظبط

هل هي عادم ا و بنزين ني تحس انه بسخونيه زي متكون شامم ريحه ميه سخنه وفي باجور جاز جمبيها مولع

ولا ريحه زيت مش عار ف احددها والريحه دي بتظهر مع المشي بس لدرجه اني شاكك دلوقتي ان الفتيس له علاقه بالريحه دي


لاني وانا ماشي بس بشمها لاني مغير الكرونه قريب عشان كانت بتعمل صوت هل ممكن يكون الفتيس ولا وش السلندر عايز يتفك تاني ويتكشف عليه

وهل ممكن وش السلندر لو فيه حاجه يسبب اي روائح علما بان قبل طقم الشنبر وبعده العربيه لا بتاكل زيت ولا بتدخن اي دخنه من اي نوع

ولا يوجد تعريق علي البوجيهات ولا هباب وبحس ان العربيه بتاكل بنزين ومع ذلك لو كشفت علي البوجيه تلاقيه مش مهبب

افيدوني والحقوني كل ما يخطر في بالك كشفت عليه انا الان بصدد اني افك تاني الموتور واكشف علي وش السلندر او اشوف الفتيس ان كان ممكن يكون منه ولا الاستوانه بتاعت الدبرياج علما بان السحب ممتاز وعالشعره

وهل الكبوت لو مش مظبوط في قفلته يسبب ريحه بتاعت عوادم الموتور مع اني مقفله بلباد ولافف كاوتش عالحوض بس هو مش مظبوط من الجنب الشمال وانا مقفله كويس زي ما قلت
ولا الريدياتير علما بان السخونه في اقصي درجاتها مش بتعدي النص في عز الصيف

علما باني دلوقتي مش قادر احدد نوع الريحه هي اقرب للعادم الني المختلط بالزيت مع ريحه سخونيه بتهب عليك وسعات بحس اكتر انها بتيجي من تجت العربيه مش من الكبوت مش قادر احدد مكانها بالظبط من اي اتجاه

رجاء الافاده يا رب تكون علي اديكو انا صارف جامد يا ريتني لو اعرف كده كنت اشستريت مكنه جديده من الاول مع ان المكنه حالتها كويسه


انا اشتريت طقم الشنبر مقاس 76.6

وركبت اتنين جوان وش سلندر وجوان كارتير

ولاقينها جوان واحد بتاع الكبس هو اللي طلع مكسر طبعا غيرنا الطقم كله

ارجزكم حد يفيدني لاني نفسبيا بقيت زي الزفت ومش عارف اخرج وصعبان عليا اركب معايا حد العربيه وهي كده وخصوصا اولادي وشكرا.......



اسف علي الاطاله ,,,,,,,[/



ده الموضوع اللي كنت منزله واكتشفت العيب منين لكن مش عارف اصلحه ازاي عايز خبراتكم اكتشفت ان الريحه بتاعت العوادم بتيجي من الشنطه من خلال الهوايات اللي في الجمب من رورا لما بفتح اي شباك بيحصل عمليه شفط للهواء ويدخل من خلال الهوايات والهواء بيدخل محمل بروائح البنزين والعوادم من خلال الشنطه والهوايات وللعلم الكفر اللي بيكون داخل الشنطه عندي غير موجود اللي هو الفرش بتاع الشنطه يا ريت حد يدلني علي اسهل حل للتخلص من حكايه روائح العادم اللي بتدخل من خلال الشنطه