الى خبراء المنتدى عربيتى بتخنق كأنى بدوس فرامل

**Maged_Samy** · 02-01-2011 09:22 PM

السيارة سكودا فيليشيا 1997 كاربرتير - اسبراتير - مشط الكترونى

النهارده وانا رايح الشغل كنت حاسس ان سحب العربيه بيقل وبعد 20 كم لقيت العربيه بتخنق كأنى بدوس فرامل وعشان تمشى تانى كنت بدوس واشيل بنزين ادوس واشيل ولو دوست متصل تخنق وتبقى مفيش سحب خالص .
وانا راجع من الشغل بعد ما وقفت طول النهار مشيت عادى بس السحب ضعيف وبعد 14 كم برده عملت نفس الموضوع ووصلتى بالعافية وبرده لازم اقعد اكارك بنزين طول ما انا ماشى .

1- كشفت على البوجيهات نظيفه جداً .
2- لاحظت خروج ماء من الشكمان على شكل قطرات مع تفتفه من حين لاخر .
3- كشفت على الاسبراتير الشاكوش والفحمه وكله تمام .
4- اخذت عينه من البنزين على ايدى مفيهاش مياه او جاز .
5- كشفت على فلاتر البنزين كويسه .
6- بشم ريحة بنزين مش مكتمل حرقه من الشكمان وانا ماشى .

شكوكى دلوقتى فى :
1- المشط الكترونى فيه مشكله .
2- الكاربراتير فيه مشكله او حاجة مسدودة .
3- طلمبه البنزين .
4-بوبينه التكرير فيها مشكله .
ارجوكم ساعدونى علشان العربيه دلوقتى واقفه وخايف امشى بيها تانى لانى اتعذبت علشان ارجع البيت تانى .
والف شكر واعتذر عن الاطالة .....

**ahmedezzat666** · 02-01-2011 09:58 PM

اعتقد كاربرتير

**zezmograby** · 02-01-2011 11:27 PM

1-ممكن بيك السرعة مسدود (الكربراتير)
2-الاسبراتير مطلع كهربا ضعيفة

**Maged_Samy** · 03-01-2011 10:32 PM

لسه المشكله متحلتش و النهارده عيب جديد ملهوش علاقة بالعيب الاول
المارش ما بيدورش غير لما ادق عليه - ده عيب اتوماتيك المارش ولا عيب ايه ؟
ارجوكم المساعدة فى المشكله الاولى والثانية .
وشكراً

**samirayad** · 03-01-2011 11:20 PM

حتحتاج تراجع على توصيلات المارش وخصوصا مايخص توصيلات أوتوماتيك المارش

وبالنسبه للمشكله الأولى

فهى بنسبه كبيره

الكربوراتير بحاجه للتفصيص من أجل النظافه والغسيل الجيد

وتغيير بيكات

**hema_hn** · 04-01-2011 02:10 AM

يريت توضحلى العربية بتعمل معاك كده حتى لو سخنة
انا عندى نفس مشكلتك بس الفرق لما العربية تسخن وتبقى ملهلبة ميبقاش فيها اى مشكلة وكله تمام
بس لو طلعت بيها برده ومدهاش حقها فى التسخين
ربنا ما يوريك
باخد كلام زى الفل من الى بيجى حظه ويمشى ورايا عشان العربية بتبقى مخنوقة وبتقطع فى المشى فبطر اكارك بنزين جامد عشان تجمع واول ما تجمع بنزين تجرى العربية

**mohamed777** · 04-01-2011 03:22 AM

اعتقد بك مسدود بالكربيراتير

**tamer_a7** · 04-01-2011 11:23 AM

اعتقد دا الرق بتاع الطلمبه

**hema_hn** · 04-01-2011 12:47 PM

المشاركة الأصلية كتبت بواسطة tamer_a7

اعتقد دا الرق بتاع الطلمبه

مش فاهم

**kete** · 04-01-2011 01:10 PM

أخى الفاضل \\ سخن العربيه جيدآ قبل الطلوع بها وراجع كل خراطيم الواصله للكربراتير عندك \\ عايز اعرف حضرتك غسلت الموتور بالمياه قريب ؟؟؟وراجع عضمات سلوك الاسبلتير أكيد فى عضمه مش شغاله اكيد\\ لاتهمل افكارى ؟؟؟ وبانتظارك للتوضيح أكثر ان شاء الله

الموضوع: الى خبراء المنتدى عربيتى بتخنق كأنى بدوس فرامل

LinkBack

أدوات الموضوع

عرض

الى خبراء المنتدى عربيتى بتخنق كأنى بدوس فرامل - انشر الموضوع فى :

-

-

-

-

المواضيع المتشابهه

بسمع صوت تزيق لما بدوس فرامل

رجة فى الطارة وأنا بدوس فرامل

صوت تاكه تحت لما بدوس فرامل

نور فرامل الكليو مش شغال لما بدوس فرامل..ساعدوني

العربية بتعوم لما بدوس فرامل

الكلمات الدلالية لهذا الموضوع

المفضلات

المفضلات

ضوابط المشاركة