| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 2 من 4 الأولىالأولى 1 2 3 4 الأخيرةالأخيرة
النتائج 11 إلى 20 من 36

الموضوع: تروح السودان

  1. #11

    الصورة الرمزية Sameh

    رقم العضوية : 542

    تاريخ التسجيل : 08May2007

    المشاركات : 1,600

    النوع : ذكر

    الاقامة : NA

    السيارة: NA

    السيارة[2]: NA

    الحالة : Sameh غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة mody_abou_halawa مشاهدة المشاركة
    شكرا استاذ سامح بس هوة ممكن الواحد بدل ميزرع ويبيع المحصول للسودان يصدرة لمصر وبالتالى حيكون الربح كويس وبالنسبة للاراضى الزراعية هو فى مشاكل عليها
    ده كان قصدى بضرورة التصدير لخارج السودان عشان تستفيد بفرق الأسعار ، مش ممكن تتغرب عشان تبيع بأسعار السودان المنخفضة

    تقصد مشاكل من أى نوع ؟؟ أنا كنت بحكى على نموذج واحد شوفته ، وهو إن ماحدش عايز يكلف خاطره ويشتغل شوية عشان يجيب تفريعة أو ماسورة من النيل نفسه على مسافة 2 كيلو متر فقط وبدل من كدة حفروا آبار رغم تكلفتها وكثرة صيانتها وقلة إنتاجها

    يعنى كنت أقصد إن اللى يشغل دماغه هناك يقدر يعمل فلوس ، هم طيبين وبيستسهلوا مش بيوجعوا دماغهم فى أفكار أو مجهود ، وده مناخ تقدر تعمل فيه أرباح كويسة ، عشان طبيعة المجتمع إستهلاكى مش إنتاجى


  2. #12

    الصورة الرمزية حماده عزو

    رقم العضوية : 3043

    تاريخ التسجيل : 06Nov2007

    المشاركات : 852

    النوع : ذكر

    الاقامة : طنطا

    السيارة: سوزوكى siaz

    السيارة[2]: لانسر بومه sam 2006

    دراجة بخارية: لا يوجد

    الحالة : حماده عزو غير متواجد حالياً

    افتراضي -

    طيب أنا نفسى أروح أشوف الحياه هناك وأيه هيا المشاريه المتاحه
    فى حد عندو النيه انو يروح ونرتب معا بعض
    يمكن ربنا كاتبلنا هناك خير

    @ إن الله لغنى عن العالمين @
    سأصبر حتى يعجز الصبر عن صبرى ،و أصبر حتى يأذن الله فى أمرى ، و أصبرحتى يعلم الصبر أننى صابر على شئ هو أمر من الصبر
    لشراء أستيكر المنتدى فى الغربيه 0111019565


  3. #13

    الصورة الرمزية elpasha009

    رقم العضوية : 1093

    تاريخ التسجيل : 21Jun2007

    المشاركات : 555

    النوع : ذكر

    الاقامة : Japan-Egypt

    السيارة: لا يوجد

    السيارة[2]: Toyota Prius

    دراجة بخارية: لا يوجد

    الحالة : elpasha009 غير متواجد حالياً

    افتراضي -

    اقتباس المشاركة الأصلية كتبت بواسطة Sameh مشاهدة المشاركة
    أنا شخصياً زرت السودان مرة واحدة ، وهى مش محتاجة تأشيرة للمصريين (زى سوريا والأردن وكدة) وببتراح بالباسبور على طول (مافيش حاجة إسمها بالبطاقة) ، وأحب أسجل رأيى فى الموضوع من منطلق اللى شوفته هناك

    الناس: ودودين جداً وبيحبوا المصريين ودمهم خفيف ومش بيزعلوا وروحهم خفيفة مش شايلين الهم ولا معقدين الدنيا

    المبانى والمعمار : بالظبط صعيد مصر خصوصاً مدن زى عطبرة وبور سودان ، أما الخرطوم فهى القاهرة فى الزمن الجميل اللى ماشوفناهوش مع شوية زحمة

    أماكن جميلة : أجمل حاجة عندهم النيل !! لسة بكر والشاطئ من غير سور الخرسانة بتاعنا والغتاتة بتاعت البياعين والمراكب وخلافه ، وأجمل جزء فيه نقطة إلتقاء النيل الأزرق بالنيل الأبيض فى الخرطوم وهو ما ينتج عنه النيل الذى نعرفه ويمتد حتى دمياط ورشيد

    الخروج والفسح : قليلة طبعاً ومعظمها عبارة عن قهاوى زى بتاعتنا شوية أو مناطق مطاعم ، وأكبر مول هناك (مش فاكر اسمه) هيكون صغير فى نظرنا ، يعنى مثلاً أصغر من جراند أو سيتى سنتر أو جنينة

    الأكل والشرب : اللحوم هناك سعرها نص سعر مصر وطعمها أحلى كتير جداً جداً جداً !! ، فى أكلات كتيرة مشتركة زى معظم الخضروات ، بس إوعى من الويكة !! (صنف بامية فى ناس بتعمله فى مصر)

    الإستثمار : البلد بشكل عام رخيصة ، وإنتاجها ضعيف جداً وبتعتمد على الإستيراد ، ده معناه إيه ؟ إنك ممكن تستورد (أى حاجة) وتعرف تسوقها هناك بسهولة ، مثلا: مشاريع الكمبيوتر كلها اللى خلاص إستهلكت هنا فى مصر لسة فى أوج نشاطها هناك فى الخرطوم ، مكتب تصليح وطباعة وكتابة وتصوير هيشتغل كويس جدا على سبيل المثال ، تستورد أدوات منزلية من مصر من بتاعت الهلال والنجمة هتبيعها هناك كويس أوى ، أى أدوات ديكور أباجورات فازات إكسسوار من بتاع المركز الثقافى الصينى اللى فى مصر هيبيع هناك كويس ، إكسسوارات عربيات من بتاعت التوفيقية خصوصاً لسيارات السوزوكى والتويوتا والدايو ... وهكذا أى صاحب فكرة ممكن يلاقى سوق بكر هناك لسة مش مزدحم بالمنافسة والتقليد

    الزراعة : طبعاً اللى قولتوه عن الأراضى مظبوط جداً ، بس المياه متوفرة بمحاذاة النيل بس ، لأنهم غير مصر مافيش شبكات ترع ومصارف كتيرة ، بيعتمدوا على الفيضان فى موسم الصيف زى مصر قبل السد العالى ، أنا شوفت أراضى على طريق الخرطوم - عطبرة تبعد عن النيل مسافة قليلة جدا (حوالى 2 كيلو متر) وتعتمد فى ريها على الآبار ! وذلك لإرتفاع منسوبها عن منسوب ضفة النيل فقط وهو ما يعتبر تبذير وسوء إستغلال للموارد المتاحة وتكلفة غير مبررة فى الحفر والسحب ، كان ممكن تتصرف مرة واحدة فى إستثمار يرفع المياه من النيل عبر مواسير أو ترعة بشكل مستديم وكميات كبيرة تروى مساحات كبيرة ، وهكذا ، مشكلتهم الأفكار وكيفية الإنتفاع بالموارد ، ممكن يكون عشان أعدادهم قليلة ولم يتعرضوا مثلنا لضرورة إستغلال المورد المتاح حتى آخر قطرة

    أسعار المنتجات الزراعية منخفضة هناك لأن تكلفة الزراعة منخفضة فى معظم الأراضى المتاخمة للنيل ، وأتصور إن أى مصرى يروح يزرع هناك لا مفر له من التصدير خارج السودان لعمل أرباح كافية

    الوضع الداخلى : طبعاً فى علامات إستفهام على الذهاب هناك بأسرتك ؟ الأمان كويس جداً والناس طيبة ، بس التعليم أخباره إيه ؟؟
    الوضع السياسى مستقر برغم مستوى المعيشة المنخفض ، إنما هل إستقراره مضمون ؟؟ وإيه تأثير إنفصال الجنوب (اللى غالباً هيحصل بعد إنتهاء المهلة) على الإستقرار فى الشمال ، وخصوصاً مع وجود المتشدد سيلفا كير ؟؟ وإيه أخبار مشكلة دارفور وهتتصعد لحد فين ؟؟

    الدين : الناس متمسكة بالدين إلى حد كبير ، ومافيش إغراء على الفساد زى مصر ! ، شوفت واحد فى صلاة الجمعة من أهل الجنوب حضر وأشهر إسلامه فى الجامع وكان مشهد مؤثر جداً لأنه كان جاى متخفى خايف من أهله الجنوبيين ، والناس أعطته الأمان وإستقبلته إستقبال الأبطال

    البترول : فى كلام عن ثروة بترولية واعدة فى السودان ، حالياً الصينيون فطنوا لهذه التوقعات وحصلوا على حقوق تنقيب وإستغلال كثيرة لأسباب معروفة ، الصين تانى أكبر مستهلك للنفط بعد أمريكا ، أمريكاً وضعت معظم إحتياطى النفط العالمى تحت يدها بعد دخول أراضى السعودية وقطر والكويت وبعد إحتلال العراق ، فكان من الضرورى على الصين أن تؤمن لنفسها موارد طاقة بعيداً عن مناطق سيطرة الأمريكان لضمان إمداد ثورتها الصناعية والإقتصادية بالطاقة ، فكانت السودان حل مثالى مستغلة العلاقات المتدهورة بين السودان والغرب وغياب الشركات الأوروبية والأمريكية ، هل ده ممكن يطرح وجود وظائف فى قطاع البترول السودانى نظراً لعدم وجود خبارت سودانية جاهزة بشكل كافى ؟؟ وهل المقابل مجزى مثل الشركات الأوروبية العاملة فى مصر ؟ أم أن للشركات الصينية أسلوب آخر كخفض التكلفة والإعتماد على عمالة صينية ومحلية ؟؟

    التلوث : آخر حاجة ممكن تفكر فيها هناك

    التصدير : للسودان منتجات مشهورة ، الأعشاب ، الكركديه ، المكسرات ، بعض العطور ، الأغنام والمواشى ، بعض أنواع الفاكهة ، قصب السكر ، ... ويمكن تصدير هذه المنتجات لمصر بمقابل أعلى بكثير من سعر تكلفتها أو شرائها من الأسواق السودانية

    النقل من وإلى مصر : يوجد 3 طرق :
    1- بحرى من أى ميناء مصرى على البحر الأحمر (السويس-سفاجا-مرسى علم) وحتى بور سودان والعكس
    2- برى ساحلى ، وهو إمتداد طريق البحر الأحمر (العين السخنة - الزعفرانة - راس غارب - الغردقة - سفاجا - القصير - مرسى علم - حلايب - الحدود - بور سودان) والمسافة من حلايب حتى بور سودان حوالى 400 كم فقط يعنى حوالى 6 - 8 ساعات بتريللا
    3- برى بمحازاة النيل وهو طريق وادى حلفا

    أعتذر عن الإطالة وأرجو يكون أفاد الموضوع
    أستاذ سامح ‘يه اللى انت كاتبه ده!!!!!!!!!!!!!!!!!!!!!!!!!!!!!!!!!!!!!!!!!
    بجد إنت فظيع:) حكيت كل حاجة بالتفصيل الممل وبجد حاسستني إني في السودان فعلا:)
    على فكرة أنا أصلا بقالي 6 شهور في السودان تقريبا وقلت قبل كده في موضوع تاني إني نقلت نشاط شركتي كله السودان وقفلت الشركة هنا في مصر:)ووالدي كمان بيعمل كده في الفترة اللي جاية ده.
    أنا بس ليا تعقيب صغير على كلام حضرتك.
    العيشة هناك غالية جدا يا أستاذ سامح.أبسط حاجة شوف إيجار أي شقو حتى لو كانت غرفة وصالة بكام؟؟؟؟؟؟؟؟؟مش أقل من 500 دولار في الشهر يعني 3000 جنيه تقريبا.
    شوف المواصلات هناك بكام؟؟لو فكرت تركب توكتوك اللي هو المواصلة الرئيسية بعد المايكروباصات مسافة كيلو واحد بتدفع كام؟؟؟تقريبا 3 دولار.ده غير الكهرباء والتلفونات والحجات التانية ده.(ده اللي أنا فاكرة من الأمثلة ده حاليا)بس طبعا الدخل هناك بيغطي الحاجات ده كلها لكن أنا بتكلم على مقارنتها بمصر.
    تاني حاجة موضوع الإنفصال عن الجنوب مش مؤكد وعلى فكرة سيلفاكير مش متشدد ولا حاجة ولو لاحظت في خطاب من خطاباته الأخيرة بدأ يتكلم عن مصلحتهم في البقاء دولة واحدة وكده.ده غير إن اللي نفسهم في الإنفصال هما الشماليين مش بتوع الجنوب والدليل على كده إن الجنوبيين بهربه من الجنوب ويتجه الى الشمال ويعيش هناك.وموضوع دارفور مجرد إنه بروباجاندا إعلامية ليس أكثر ولا أقل ومفيش أي تصفيات عرقية هناك(كلها حروب أهلية وتار زي بتوع الصعيد تماما)
    بس كل الي انت قولته غير كده أنا موافق عليه تمامااااااااااااااااااااا ااااااااااااااااااااااااا اا:)
    صحيح إنت سافرت قبل كده بالعربية أو بري عموما؟؟؟؟أصل أنا نفسي أسافر بالعربية مرة ومش لاقي حد يقولى على الطريق مظبوط


  4. #14

    الصورة الرمزية elpasha009

    رقم العضوية : 1093

    تاريخ التسجيل : 21Jun2007

    المشاركات : 555

    النوع : ذكر

    الاقامة : Japan-Egypt

    السيارة: لا يوجد

    السيارة[2]: Toyota Prius

    دراجة بخارية: لا يوجد

    الحالة : elpasha009 غير متواجد حالياً

    افتراضي -

    صحيح نسيت أقول شوف كيلو الموز هناك بكام؟؟؟؟؟تقريبا بدولار ونص أو دولار يعني 5 جنيه بالميت.هنا في مصر بكام؟.؟؟3 جنيه بالكتير.بس طبعا الموز هناك موز بجد مش زي اللي عندنا هنا تحس إنه صوابع شوكولاته :)


  5. #15

    الصورة الرمزية elpasha009

    رقم العضوية : 1093

    تاريخ التسجيل : 21Jun2007

    المشاركات : 555

    النوع : ذكر

    الاقامة : Japan-Egypt

    السيارة: لا يوجد

    السيارة[2]: Toyota Prius

    دراجة بخارية: لا يوجد

    الحالة : elpasha009 غير متواجد حالياً

    افتراضي -

    أستاذ حمادة أنا من طنطا أنا كمان على فكرة.أنا راجع قريب جدا في خلال شهر 4 لو كده ممكن نرتب مع بعض ونروح وخصوصا إني بفكر أروح بالعربية لو عرفت الطريق:)
    رقمي 0105240804


  6. #16

    الصورة الرمزية Sameh

    رقم العضوية : 542

    تاريخ التسجيل : 08May2007

    المشاركات : 1,600

    النوع : ذكر

    الاقامة : NA

    السيارة: NA

    السيارة[2]: NA

    الحالة : Sameh غير متواجد حالياً

    افتراضي -

    اقتباس المشاركة الأصلية كتبت بواسطة elpasha009 مشاهدة المشاركة
    أستاذ سامح ‘يه اللى انت كاتبه ده!!!!!!!!!!!!!!!!!!!!!!!!!!!!!!!!!!!!!!!!!
    بجد إنت فظيع:) حكيت كل حاجة بالتفصيل الممل وبجد حاسستني إني في السودان فعلا:)
    على فكرة أنا أصلا بقالي 6 شهور في السودان تقريبا وقلت قبل كده في موضوع تاني إني نقلت نشاط شركتي كله السودان وقفلت الشركة هنا في مصر:)ووالدي كمان بيعمل كده في الفترة اللي جاية ده.
    أنا بس ليا تعقيب صغير على كلام حضرتك.
    العيشة هناك غالية جدا يا أستاذ سامح.أبسط حاجة شوف إيجار أي شقو حتى لو كانت غرفة وصالة بكام؟؟؟؟؟؟؟؟؟مش أقل من 500 دولار في الشهر يعني 3000 جنيه تقريبا.
    شوف المواصلات هناك بكام؟؟لو فكرت تركب توكتوك اللي هو المواصلة الرئيسية بعد المايكروباصات مسافة كيلو واحد بتدفع كام؟؟؟تقريبا 3 دولار.ده غير الكهرباء والتلفونات والحجات التانية ده.(ده اللي أنا فاكرة من الأمثلة ده حاليا)بس طبعا الدخل هناك بيغطي الحاجات ده كلها لكن أنا بتكلم على مقارنتها بمصر.
    تاني حاجة موضوع الإنفصال عن الجنوب مش مؤكد وعلى فكرة سيلفاكير مش متشدد ولا حاجة ولو لاحظت في خطاب من خطاباته الأخيرة بدأ يتكلم عن مصلحتهم في البقاء دولة واحدة وكده.ده غير إن اللي نفسهم في الإنفصال هما الشماليين مش بتوع الجنوب والدليل على كده إن الجنوبيين بهربه من الجنوب ويتجه الى الشمال ويعيش هناك.وموضوع دارفور مجرد إنه بروباجاندا إعلامية ليس أكثر ولا أقل ومفيش أي تصفيات عرقية هناك(كلها حروب أهلية وتار زي بتوع الصعيد تماما)
    بس كل الي انت قولته غير كده أنا موافق عليه تمامااااااااااااااااااااا ااااااااااااااااااااااااا اا:)
    صحيح إنت سافرت قبل كده بالعربية أو بري عموما؟؟؟؟أصل أنا نفسي أسافر بالعربية مرة ومش لاقي حد يقولى على الطريق مظبوط

    يا استاذ elpasha009 أحرجتنى والله بذوقك

    كويس إن حضرتك إشتركت فى الموضوع عشان تفيد الناس اللى بتفكر تروح بما إن ليك نشاط فعلى هناك ، لأنى روحت مرة واحدة بس زى ما ذكرت فى الرسالة السابقة وماليش علاقات مهمة هناك

    بالنسبة لإرتفاع الأسعار ، كويس إنك أوضحت ، بس هل ده ليه علاقة بإرتفاع قيمة الجنيه السودانى مؤخراً ؟؟؟

    وبالنسبة لإنفصال السودان ، إحنا كلنا نتمنى وحدة السودان طبعاً بس مظهر سيلفا كير العسكرى وقرب إنتهاء المهلة قبل الإستفتاء وقلة الخدمات والتنمية من قَبل الحكومة تجاه أهل الجنوب ، كلها أمور لا تنذر بالخير ، بس برضه نتمنى وحدة السودان لأنها بعد إستراتيجى لمصر وبوابة أمان لجنوب مصر (الغير محروس جيداً مثل شرقها) وأمان السد العالى وأمان مياه النيل

    موضوع دارفور يبدو معقد أوى والواحد مش فاهم ده قايم على خلفية إقتصادية عشان بيتكلموا عن ثروات إكتشفت هناك سواء بترول أو خامات ، ولا الموضوع كله عشان إنتماء رئيس تشاد للقبائل فى دارفور والعلاقات المتشابكة !

    بالنسبة للطريق البرى ماجربتوش ، بس هو مافيش غير الطريقين اللى ذكرتهم + المينا + الجو ، أنصح حضرتك بعدم تجربة الذهاب بالطريق البرى بدون إستعدادات كافية لأنه يحتاج لمبيت فى الطريق ، فيجب إعداد ما يكفى من ماء ووقود وإطارات إحتياطى ورفقة مضمونة فى الطريق

    تمنياتى ليك بالتوفيق فى شغلك ، وأنا مبسوط جداً إن فى حد له تجربة فعلية وممكن يساعد إخواننا هنا بالمشورة والتوجيه وممكن الشراكة والتوظيف كمان


  7. #17

    الصورة الرمزية emadno1

    رقم العضوية : 1868

    تاريخ التسجيل : 22Aug2007

    المشاركات : 311

    النوع : انثى

    الاقامة : https://t.me/pump_upp

    السيارة: 85922695987

    السيارة[2]: Daewoo Lanos

    دراجة بخارية: ??

    الحالة : emadno1 غير متواجد حالياً

    افتراضي -

    انا معنديش فكره كويسه عن هناك بس ليه صديق من اسكندريه اسمه احمد بدوى هوا كان شغال معايا فى شرم و بعدين سافر الخرطوم شغال عناك هوا مبسوط من الشغل هناك بس مشكلته فى العيله سايبهم فى اسكندريه
    بقالى فتره كبيرة مش باشوفه بس كان بيقولى ان الحياه هناك ظريفه


  8. #18

    الصورة الرمزية mody_halawa

    رقم العضوية : 6850

    تاريخ التسجيل : 03Mar2008

    المشاركات : 1,135

    النوع : ذكر

    الاقامة : alex

    السيارة: nothing

    السيارة[2]: haima family

    دراجة بخارية: no

    الحالة : mody_halawa غير متواجد حالياً

    افتراضي -

    اقتباس المشاركة الأصلية كتبت بواسطة elpasha009 مشاهدة المشاركة
    صحيح نسيت أقول شوف كيلو الموز هناك بكام؟؟؟؟؟تقريبا بدولار ونص أو دولار يعني 5 جنيه بالميت.هنا في مصر بكام؟.؟؟3 جنيه بالكتير.بس طبعا الموز هناك موز بجد مش زي اللي عندنا هنا تحس إنه صوابع شوكولاته :)
    ياباشا هو انت شغال اية فى السودان وهوة فعلا الفدان الارض الزراعية ب100 دولار وياترى مصاريف السفر من مصر للسودان ومن السودان لمصر كام وشكرا لحضرتك لانك وضحتلنا كيفية الحياة فى السودان

    اللهم اكتب لي الخير اينما كان .. وارضينى به كيفما كان ..


  9. #19

    الصورة الرمزية mody_halawa

    رقم العضوية : 6850

    تاريخ التسجيل : 03Mar2008

    المشاركات : 1,135

    النوع : ذكر

    الاقامة : alex

    السيارة: nothing

    السيارة[2]: haima family

    دراجة بخارية: no

    الحالة : mody_halawa غير متواجد حالياً

    افتراضي -

    معلش سوال اخير هو انت مستريح هناك ولا لا يعنى حد بيضايقك ولا اكنك فى بلدك

    اللهم اكتب لي الخير اينما كان .. وارضينى به كيفما كان ..


  10. #20

    الصورة الرمزية حماده عزو

    رقم العضوية : 3043

    تاريخ التسجيل : 06Nov2007

    المشاركات : 852

    النوع : ذكر

    الاقامة : طنطا

    السيارة: سوزوكى siaz

    السيارة[2]: لانسر بومه sam 2006

    دراجة بخارية: لا يوجد

    الحالة : حماده عزو غير متواجد حالياً

    افتراضي -

    hasad">

    أستاذ حمادة أنا من طنطا أنا كمان على فكرة.أنا راجع قريب جدا في خلال شهر 4 لو كده ممكن نرتب مع بعض ونروح وخصوصا إني بفكر أروح بالعربية لو عرفت الطريق:)
    رقمي 0105240804
    معلش يا باشا أنا شوفت ردك متأخر لكن
    أنا يا باشا مستنيك تيجى بالسلامه أن شاء الله
    وعموما دا رقمى لو حبيت تكلمنى علشان نتقابل
    أن شاء الله ونفكر فى خطوات نعملها
    0122807139

    @ إن الله لغنى عن العالمين @
    سأصبر حتى يعجز الصبر عن صبرى ،و أصبر حتى يأذن الله فى أمرى ، و أصبرحتى يعلم الصبر أننى صابر على شئ هو أمر من الصبر
    لشراء أستيكر المنتدى فى الغربيه 0111019565



 
صفحة 2 من 4 الأولىالأولى 1 2 3 4 الأخيرةالأخيرة

المواضيع المتشابهه

  1. ❤❤ اوعه تروح على كــارفور ❤❤ ! !
    بواسطة me_medoo في المنتدى المنتــــــدى الاجتمــاعى
    مشاركات: 37
    آخر مشاركة: 10-07-2012, 08:50 AM
  2. كحة مش راضية تروح !
    بواسطة Anti_virus_abdo في المنتدى عيــادة نايـل مـوتـورز
    مشاركات: 7
    آخر مشاركة: 28-04-2011, 06:48 PM
  3. مشاركات: 4
    آخر مشاركة: 30-09-2010, 12:12 AM
  4. تروح فين في اسكندريه؟
    بواسطة solyahmed في المنتدى المنتــــــدى الاجتمــاعى
    مشاركات: 16
    آخر مشاركة: 09-01-2009, 10:05 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2