المشاركة الأصلية كتبت بواسطة amgad29
السودان فعلا منجم دهب و مش بس مؤمن اللي فاتح هنا لكن معظم المطاعم الكبيرة اصحابها مصريين وفيه قليل لبناني على سوري على صيني و العبد كمان فاتح هنا و احمد بهجت شغال علي مدينة سكنية اسمها برضه دريم لاند موجودة على اطراف الخرطوم..
الحقيقة الأستثمار هنا في الطالع و البلد في حالة نمو شديد و الحكومة السودانية مشجعة جيدة للإستثمار
و مافيش فيزا بتحتاجها و انت داخل السودان بالجواز المصري
اعتقد ان اكبر استثمار هو في العقارات و المأكولات لكن نصيحة فكروا كويس قبل ما تقدموا في موضوع الأرض الزراعية عشان هنا(حسب ماباسمع) إن البلد كلها فيها وضع يد قبلي مش مع شخص واحد يعني ممكن حتى تراضيه لأه ده بيبقى معروف ان المربع اللي كام الف فدان دول تبع قبيلة معينة و محدش يقدر ياخدهم الا بالحرررررررب. و ديه أول مرة اسمع عن الأراضي الرخيصة ديه فخلوا بالكم لتكون محاولة نصب جديدة
غير كده أي استثمار هنا هو ممتاز و مربح جدا جدا جدا مع ملاحظة ان الحياه هنا غالية جدا جدا جدا
ولو فيه أي استفسار هحاول أردلكم عليه على قد ماقدر إن شاء الله
كان معكم من دارفور
أمجد الخولي
نايل موتورز