السلام عليكم
إن شاء تنور القاهرة وتوصل بالسلامه
بالنسبه للطريق من الفندق للأهرام
حضرتك هتطلع من شارع طلعت حرب طبعاً هو إتجاه واحد ناحية الميدان هتاخد يمين وهتلف عشلان تطلع كوبرى قصر النيل هتعدى الكوبرى وزى مانت على طول فى شارع التحرير هتعدى كوبرى صغير اسمه كوبرى الجلاء وميدان الجلاء(أمام قسم شرطة الدقى وشيراتون القاهره)هتكمل على طول وهتعدى من تحت كوبر الدقى بردو زى مانت على طول لغاية ماتخلص شارع التحرير انت كدا فى شارع السودان هتاخد شمال تخلصه لغاية ميدان الجيزة فى يمين هتطلع الكوبرى العلوى هتنزل شاره الهرم أخر شارع الهرم هتلاقى الأهرامات واضحه زى الشمش والطريق اللى وصفتهولك سهل جداً يعنى ماتقلقش مش هتوه ولاحاجه ياريت تخليك فى شاره الهرم وبلاش شارع فيصل لإن الهرم بيكون أخف شويه وكمان شارع سياحى يعنى اعتبر نفسك بتتفسح بردو
..................
بالنسبه لمركب مائى لم يسبق لى ولكنهم منتشرين على كورنيش النيل
....................
من الفندق لسيتى ستارز حضرتك هتلف يمين مع الميدان علشان تطلع كوبرى أكتوبر وهتنزل نزلة مدينة نصر وسيتى ستارز اول مكرم عبيد طريق النصر(مش هتوه ماتقلقش)
......................
بالنسبة لدريم بارك ممكن تاخد الطريق من نادى الرمايه اللى هوا أخر شارع الهرم يعنى هتاخد طريق الواحات
واستنى حد من الاعضاء يوصفلك بالظبط لإنى مليش فى أكتوبر جامد
......................
نتمنى لك وقت سعيد فى طاعة الله إن شاء الله
المفضلات