الموضوع: هو في عربية تبطل لما تدوس لها دبرياج !! في حالة عربيتي أآآه !!!!!!!

هو غالبا بتبطل من دواسة الفرامل مش الدبرياج
وعليه يبقى فيه مشكلة في الهوا ، سواء هوا الموتور ، وده هتشوف الحساسات المسؤولة عنه ده طالما العربية انجكشن زي مثلا تنضيف حساس الايدل

او يا اما سيرفو الفرامل فيه مشكلة او دورة الفرامل واخدة هوا

روح لميكانيكى يقولك الخبر اليقين

لأنك لما بتدوس دبرياج الموتور بيبقى ماشى سلانسيه
انما لما بتفرمل بس وانت ماشى عادى الموتور بيهدى بس مش لدرجة السلانسيه

والفرملة بتعمل مشكلة مع هوا السلانسيه ، فمع سرعة الموتور البطيئة ومشكلة الهوا يقوم مبطل

المشكلة دى بالظبط كانت عندى في البيجو 504 بس طبعا هى كربراتير فكان حلها مسمار الهوا من الكربراتير والميكانيكى فك خرطوم هوا السيرفو وركبه تانى
جرب دوس دبرياج بس من غير فرامل والمفروض ما تبطلش في الحالة دى ( عشان نتأكد الاول ان هو نفس العيب اللى كان عندى )

المشاركة الأصلية كتبت بواسطة amrelsaqqa

لأنك لما بتدوس دبرياج الموتور بيبقى ماشى سلانسيه
انما لما بتفرمل بس وانت ماشى عادى الموتور بيهدى بس مش لدرجة السلانسيه

والفرملة بتعمل مشكلة مع هوا السلانسيه ، فمع سرعة الموتور البطيئة ومشكلة الهوا يقوم مبطل

المشكلة دى بالظبط كانت عندى في البيجو 504 بس طبعا هى كربراتير فكان حلها مسمار الهوا من الكربراتير والميكانيكى فك خرطوم هوا السيرفو وركبه تانى
جرب دوس دبرياج بس من غير فرامل والمفروض ما تبطلش في الحالة دى ( عشان نتأكد الاول ان هو نفس العيب اللى كان عندى )

+1111111111111

كانت نفس المشكلة عندى والعربية كانت تبطل على سرعات عالية كمان حتى لو مش ممور بس دايس دبرياج عشان فى الحالة دى برضو بيبقى الموتور على ال سلانسية
وطلع المشكلة فى مسمار الهواء فعلا بس انا عربيتى كربيراتير

عفوا يا ياشباب
دي مشكله على السلانيسه ومع حسام (سمسم) مشكله ايدل لو مطلعش كدا تبقى بخاخات محتاجه تنتظف الترا سونيك يالشعة فوق الصوتيه عند حد عنده الجهاز (بالبلدي كدا ياسمسم عشان انا ماليش في الانجشكن قوي شوف الحساسات والاشياء اللي بتدخل وبتزبط كميه الهواء والبنزين اللي داخلين على الموتور )
بالنسبه للكربراتير دي مش مشكلة فرامل يا استاذ عمر انا فاهم قصدك تقصد انها مشكله سيرفو لانه بينقص الهوا هو كلامك مزبوط العربية بتتخنق على السلانسيه بسبب نقص الهوا بس مش بسبب الفرامل والسيرفو بتاعها
السبب في كدا انسداد مجاري الهوا في الكربراتير بالنسبه لدورة السلانسيه وممكن يكون دا ناتج عن سدد في مجاري الهواء داخل الكربراتير او تلف لاي من الجوانات داخله مخلي الهواء مش مزبط يابيهرب او مخنوق وممكن يكون في مسامير او بيكات الهوا او بيك السلانسيه وممكن يكون خراطيم الفاكيوم مسدوده او متنيه (اي خراطيم حتى ممكن يبقى خرطوم الفاكيوم بتاع السيرفو مسدود بشكل جزئي عشان كدا انت قلت حوار الفرامل بعد كدا قلت انه ليه علاقه بالكاربرتير )