الموضوع: عايز أراكم فى مشكلتين

الاولى

هو انى كنت بحط زيت فيسكو 2000 ولقيت فيه مشاكل زى ما الاخوه الاعضاء زكروا هنا فى القسم .....

وسألت الميكانيكى عن الزيت اللى احطه قالى حط اى زيت بيمشى 1000كم بس لان المواتير القديمة ( ريجاتا 85 )

يفضل انه يتغيير لها زيت كل 1000 او 1500 كم بالكتير مش زى المواتير الجديدة ...!!!!! فهل كلام الميكانيكى ده صح ولا لاء ؟؟؟ وانا دلوقتى لو حبيت احط زيت شل احط شل ايه ؟؟؟ اصفر ولا احمر ؟؟؟ وهيقعد كام كيلو ؟؟

الثانية
وهى فى مقصات العربية كنت شارى مقصين جداد تركى 110 ج و العفشجى و محل قطع الغيار قالوا لى ان التركى دلوقتى احسن من الايطالى والفرق مابينهم 10 ج وبعد 4 شهور المقص اليمين الراجل بتاع ظبط الزوايا بيقولى المقص ده جديد بس الجلبة بتاعته مبوشه وعايز يتغير و خلانى ادوس فرامل ومسك العجله هزها فراحت وجات معاه شويه ..... المهم قالى فيه حل تانى لو انت مش عايز تغرم تانى وتجيب جوز مقصات ويطلعوا مضروبين تانى ممكن المقص اليمين ده نجيب له جلبة بيجو ونفور القديمة و نركب الجديدة عند الخراط وهيبقى اقوى من الجديد .

فسؤالى حد يعرف موضوع جلبة البيجو دى او جربها قبل كده ؟؟؟ وهل هى فعلا كويسة ولا لاء ؟؟؟


وشكرا جزيلا للأخوة كلهم واسف للاطالة وفى انتظار ردودكم