مين بيستعدل جنوط كويس (فى الحرفيين) ؟

**Moe86** · 12-01-2011 08:55 PM

أنا مركب كاوتش low profile و جنوط 16 تايلندى, لبست كذا مطب و حفر قبل كدة على سرعات و الجنوط لما خدت الصدمات دى اتعوجت بس شكلها من برة طبيعى.
على السرعات بيبقى فى غربلة و الترصيص ماحلش المشكلة طبعا
برة مصر فى أجهزة بترجع الجنط لأصله زى الصور دى

انا سمعت ان فى حد مشهور فى الحرفيين بيستعدل جنوط و تقريبا عنده جهاز زى دة, حد يعرف اسمه اية و مكانة ؟ و لو حد مجرب الموضوع دة قبل كدة يقولى اية الأخبار و التكلفة كام
شكرا

**A.Saad** · 13-01-2011 09:03 AM

فيه واحد مشهور عند نفق الملك الصالح - اخر صلاح سالم

**pro_samir** · 13-01-2011 01:18 PM

يا ريت والله يا محمد ..

عندي جنط بي ام كنت خابطه خبطه محترمه في الخرسانه علي الزراعي لدرجة ان الكاوتش اتقطع من عندها .. كانت بداية حادثه بس ربنا ستر ، علشان عارف ان عمره ما بيرجع زي الأول محاولتش فيه أصلا واشتريت غيره

لو وصلت لحد ابقي بلغنا

**A.Saad** · 13-01-2011 10:02 PM

المشاركة الأصلية كتبت بواسطة Moe86

شكرا, ممكن تفاصيل أكتر عن مكانه أو اسمه؟ تعرف حد جربه قبل كدة ؟

ان شاء الله, الموضوع مضايقنى فعلا

للاسف معرفش كل ده
بس الاعضاء فى المنتدى كتبوا عنه قبل كدة

http://www.nilemotors.net/Nile/8997-a.html

واسمه الحاج صالح
وفيه اشرفكو اللى عند مترو المطرية
الاتنين عندهم مكن حسب ما قريت
مين احسن من التانى
الله اعلم
والاصلاح حسب الحالة عندك طبعا

**Moe86** · 17-01-2011 05:55 PM

المشاركة الأصلية كتبت بواسطة piezo

الثلاثي في الحرفيين وهو مش عنده جهاز من دول بس عنده حاجه منوال و بلتسخين انا جربته انا و الاستاذ محمد ممدوح ممدوح كان جنط مكسور منه حته ولحمهالوا وبقي تمام وانا الجنط بتاعي كان بيضاويي زي البيضه استعدله تمام و طلعت جربت وكان 100 100 واسئل استاذ محمد ممدوح بردو علشان يئكد المعلومه ولكي يطمئن قلبك

أنا كنت بفضل الأجهزة علشان الجنوط عندى معووجة مش بيضاوية بس, و محتاجة تتظبط بالمللى
هما خدوا كام فى الجنط بتاع حضرتك ؟