الاسكندرية

**koko24505** · 12-01-2011 09:48 PM

انا اشتريت بولو 99 بس عاوز اعرف عنها كل حاجه علشان مأولش ياريت الى جرا ما كان
هى عربية سليمه وعمله 100000 كم بس ( أرجو معرفت السعر الحالى لها علشان اشوف انا اتخميت ولا لا )
هى فيها خربشه فى الاكصدام الخلفى عايز ارشها
وكمان القماش بتاع السقف من جوا نازل ( اللزق فاكك )
دلونى على سروجى كويس واسم ميكانيكى اتعامل معاه بعد كدة ومكان لقطع الغيار
وشكراً لكم .

**keko** · 13-01-2011 08:12 AM

اولا بالنسبة للخربشة فى الاكصدام سيبها شوية تاخد العين نصيحة بجد والله اما السروجى شوف انت ساكن فين
قطع الغيار حسب مكان سكنك ممكن صلاح الدين والفراهدة فى وسط البلد او الساعة والسيوف برضه حسب سكنك وتلف كتير وتسال ع الاسعار وتفاصل والميكانيكى اعرف واحد كويس والعفشة برضه واحد فى المندرة وواحد فى سيدى بشر

**koko24505** · 13-01-2011 05:35 PM

انا ساكن فى سيدى بشر ترام
وعاوز اعرف بالضبط اسم ميكانيكى وعفشجى وسروجى
وعاوز اعرف سعر العربيه وعلى فكره هى فاضيه بدون تكييف او باور

**keko** · 14-01-2011 08:45 AM

قشطة انا فى سيدى بشر قبلى
العفشجى فى سيدى بشر 2 جنب بعض والاتنين ممتازين بين الامن المركزى وبين شارع القاهرة واحد عنده ظبط زوايا وترصيص وعفشة وكله واسعاه عادية والتانى عفشجى بس انما اسعاره ممتازه (انا شغال مع الاولانى علشان يبقى كله مع بعض بس انت خليك فى التانى )والميكانيكى فى المندرة واعرفه كويس امين ونظييييف بس مصنعيته عالية شوية عموما لو عايز كلمنى ع الخاص اى وقت اوريك العفشجى لانه كده كده قريب من البيت عندى اما الميكانيكى فانا شغلى فى المندرة ممكن توح معايا اى يوم اعرفك عليه

**A.Saad** · 14-01-2011 08:58 AM

السقف هيتفك ويتلزق تانى
بس عايزة سروجى نظيف وبتاخد شغل يوم تقريبا

**Islam_galal** · 14-01-2011 09:47 AM

ميكانيكا و عفشة ، أنا شخصيا بتعامل مع هريسة في محطة الرمل و تقييمي ليه جيد جدا

الفولكس بتحتاج ميكانيكي متخصص فولكس و مينفعش عند أي ميكانيكي

أي سروجي حيعملك السقف و في واحد مشهور عند محطة ترام الجامعه (صينية شارع بورسعيد الموازية لكوبري الجامعه)

**koko24505** · 14-01-2011 09:47 PM

انا متشكر منكم كتير جداً على النصايح الغاليه دى
وانا اشتيرت العربية 31000 جم ده يعتبر سعر كويس

**keko** · 15-01-2011 02:35 AM

المشاركة الأصلية كتبت بواسطة mohamed2002

يا ريت توصف لي العفشجي

بص يا باشا هاتمشى فى شارع سيف لحد ما تلاقى الامن المركزى ادخل الشارع اللى قدام بوابة الامن المركزى بالظبط واسال اى حد على محمد بتاع الزوايا او على العفشجى الاثنين شغلهم كويس وعندهم قطع غيار انا بتعامل مع محمد بس الناس كلها بتقول ان على المصنعية ارخص ونفس الشغل انما انا بشترى دماغى وكل شهرين اروح لمحمد اقوله اظبط زوايا لو قاللى العربية محتاجة كذا اخليه يعمله بالمرة بدل ما اروح واجى وعنده ترصيص كمان بس نصيحة بالنسبة للعفشة خليك فى قطع الغيار الجديدة واشترى من بره ارخص منهم حوالى 15% ماعدا المساعدين ممكن تلاقى عندهم حاجة استعمال رخيصة ونضيفة

انت منين فى اسكندرية لو كده انا ممكن اظبطك فى محلات قطع الغيار كمان اعرف ناس كويسة قوى

**smsm061274** · 15-01-2011 08:10 AM

المشاركة الأصلية كتبت بواسطة koko24505

انا متشكر منكم كتير جداً على النصايح الغاليه دى
وانا اشتيرت العربية 31000 جم ده يعتبر سعر كويس

مبروك يا مان على العربيه وطالما اشتريت متفكرش فى السعر اللى انت اشتريت به

الموضوع: الاسكندرية

LinkBack

أدوات الموضوع

عرض

-

المواضيع المتشابهه

الاسكندرية

الاسكندرية

الاسكندرية

طلب من اهل الاسكندرية

يا اهل الاسكندرية

الكلمات الدلالية لهذا الموضوع

المفضلات

المفضلات

ضوابط المشاركة