الموضوع: تقرير بالصور عن إستخراج رخصة القيادة الدولية

المشاركة الأصلية كتبت بواسطة maserati

السلام عليكم و رحمة الله و بركاته

ألف شكر و جزاك الله كل خير و ربنا يجعله فى ميزان حسناتك .

رغم أنى ماعرفش بلد فى العالم بتعترف بالرخصة دى , الا أنها نفعتنى لما كنت فى كندا لأنها كانت بتعتبر ترجمة موثقة للرخصة المصرى بتاعتى اللى بالعربى, لكن ماكانشى ينفع أسوق بيها لوحدها كده.

بص يا باشا و لكل الأخوة الأفاضل هنا فى المنتدى, اللى بيروح يطلع رخصة دولية من دول , لازم يخليهم هناك فى المكتب, يكتبولك بالانجليزى تاريخ اصدار الرخصة و رقمها -اللى هو رقم الرخصة المصرى بتاعتك- و تاريخ انتهائها فى المكان المخصص ليها فى التلت الفاضى الناصع البياض اللى فى النص فى الصورة دى, لأن أكيد التلت ده اتعمل عشان يتكتب فيه حاجة , مش عشان يتساب فاضى يعنى !!!!! :

لأن الأجانب بره , مابيعرفوش عربى و لما هيبصوا على الرخصة الدولى اللى كلها بالانجليزى , هيلاقوا أن كل البيانات سليمة , بس مش مكتوب هى صدرت امتى و لا هتنتهى امتى و لا رقم الرخصة الأصلى بتاعتك كام و أنا لاحظت الموضوع ده و أنا فى كندا قبل ماقدم على امتحان السواقة هناك و اضطريت أنى ألبس الوش المصرى بتاعى و أجيب قلم بنفس لون القلم اللى اتكتبت بيه الرخصة و أكتب أنا البيانات دى على الظهر و طبعا ماكنش الضهر مختوم ولا حاجة و الحمد لله عدت, فمن باب أولى, أنكم تخلوا المكتب يكتب البيانات دى فى الخانات المخصصة ليها و يختم هنا كمان, لأن البيانات دى مكتوبة بالعربى فى الرخصة الأصلى المصرى و هناك فى بلاد بره, للأسف مابيعرفوش عربى .

شكرا و آسف للاطالة

ههههههههه فكرتني بفيلم شهير وبهير وسمير :)

موضوع شيق ومفيد..
واضح ان الرسوم زادت الى 210 جنيه حسب كلام الاخوة..!!!

بصراحة أنا كنت فاهم الموضوع غير كده خاااالص.. دي طلعت تقريباً مش رخصة.. دي مجرد تصريح مؤقت ومحدود الفعالية.!!

المشاركة الأصلية كتبت بواسطة meeg

السلام عليكم ورحمة الله وبركاته
شكرا لصاحب الموضوع جدا لانه فادنى عند استخراجى رخصه قياده دوليه
انا ذهبت النهارده الصبح الساعه 12 لنادى السيارات فى 10 شارع قصر النيل
مكان استخراج الرخصه الدوليه فى عماره مدخلها فى الجنب بتطلع اول دور وبتدخل الاستعلامات بيتاكد من ان الرخصه المصريه لسه باقى اكتر من سنه على تجديدها وبيديك رقم اما بيجى دورك بتدخل شباك 1 قطاع البحث الجنائى بيتاكد من بيانات الرخصه والبطاقه وبتدفع 10 جنيه وكل ده مخدش 5 دقايق بالضبط والمعامله فى منته الادب والاحترام بعد كدا بتطلع تاخد رقم للخزنه بتدفع 250 جنيه وبيديك استمراه تملاها املا البيانات من الباسبور معلومه بيحتاجوا صوره الجواز وصورة الرخصه المصريه ومتصوروش بره لان هما عندهم تصوير ومجانا بدل ما تقعد تدور على مكان تصور هما عندهم تصوير
هياخد الاستماره اللى انت مليتها وصوره الجواز وصورة الرخصه المصريه وصورتين شخصيتين ونص ساعه وتيجى تستلم رخصتك
الرخصه الدوليه كل البيانات بالانجليزى وبتتنقل من الباسبور سواء اسمك او غيره راجع على تطابق البيانات مع الباسبور عند الاستلام وبيتكتب رقم الرخصه المصريه وتاريخ اصدارها فى الرخصه الدوليه وكل البيانات المكتوبه فى الرخصه الدوليه بالكمبيوتر ليست باليد
الموضوع كله مش هياخد 10 دقايق فى النادى وهتمشى وفقكم الله الى كل خير

شكرا ع المعلومات القيمه

موضوع أكثر من رااااااااااااااااااااااائ ع