عندي مشكلة في الفرامل نوبيرا 2007

**gassarian** · 20-01-2011 01:08 AM

الحقوني يا جماعة الخير

الفرامل عندي لو ماشي بسرعة عالية شوية يعني مثلاً 90 و بعدين أشيل رجلي من البنزين و أدوس دبرياش و بعدين أبدأ أهدي واحدة واحدة بالفرامل بحس إن الفرامل بتتهز تحت رجلي لحد ما السرعة تقل شوية لحد 40 مثلاً فتبقى بعدها كويسة
حاجة تانية ساعات و الرعبية واقفة في زحمة بكون دايس فرامل و دبرياش و فرامل يعني بكسل أشيل رجلي و أحطها على البنزين لو حركة خفيفة غير إن العربية مش بترضى تتحرك حركة خفيفة أوي (غير البيجو 504 اللي كانت معايا) .. فبرفع رجلي خفيف من الدبرياش و بخفف فرامل ... برضو بحس بهزة منتظمة في الفرامل كأن الفرامل واصلة بالموتور!!!!

أفيدوني أفادكم الله
و هل كدة في مشكلة جامدة في الفرامل و خطر و لا عادي...عشان أنا مش بيقلقني في العربية غير الفرامل.... لازم أكون واثق منها

و بارك الله فيكم

**nehad_h** · 20-01-2011 09:27 AM

غالبا عندك مشكلة في الطنابير

**MOMODENGER** · 20-01-2011 09:50 AM

الطنابير غالبا عاوز تتخرط لانها فيها تعريجة

**omar4_all** · 20-01-2011 12:08 PM

ديه غالبا الطنابير اكشف عليها وضروري تكشف علي تيل الفرامل كمان هو انت اخر مرة غيرته امتي ؟

**MOMODENGER** · 20-01-2011 02:10 PM

المشاركة الأصلية كتبت بواسطة omar4_all

ديه غالبا الطنابير اكشف عليها وضروري تكشف علي تيل الفرامل كمان هو انت اخر مرة غيرته امتي ؟

+1
+11

**alaa_tawfik** · 20-01-2011 02:13 PM

الطنابير يا باشا
ونصيحة غيرهم متخرطهمش
و الجوز الجداد الكورى ب 200 جنية وانسى

**MMamdouh** · 20-01-2011 02:18 PM

المشاركة الأصلية كتبت بواسطة gassarian

الفرامل عندي لو ماشي بسرعة عالية شوية يعني مثلاً 90 و بعدين أشيل رجلي من البنزين و أدوس دبرياش و بعدين أبدأ أهدي واحدة واحدة بالفرامل بحس إن الفرامل بتتهز تحت رجلي لحد ما السرعة تقل شوية لحد 40 مثلاً فتبقى بعدها كويسة

الطنابير فيها عالى وواطى

حاجة تانية ساعات و الرعبية واقفة في زحمة بكون دايس فرامل و دبرياش و فرامل يعني بكسل أشيل رجلي و أحطها على البنزين لو حركة خفيفة غير إن العربية مش بترضى تتحرك حركة خفيفة أوي (غير البيجو 504 اللي كانت معايا) .. فبرفع رجلي خفيف من الدبرياش و بخفف فرامل ... برضو بحس بهزة منتظمة في الفرامل كأن الفرامل واصلة بالموتور!!!!

كدة انت بتحمل على اسطوانة الدبرياج و بتعجل بتلفها...و طبيعى تشعر بالرجرجة فى الحالة دى

MMamdouh

**gassarian** · 21-01-2011 08:29 PM

تيل الفرامل لسة مغيره من شهر و نص تقريباً يعني من 2000 كم
أنا من كم أسبوع كدة وديت العربية أبدل الكاوتش قبل ما أعرف إنه بايظ و الرجل فك العجل و شوفت الطنابير و فعلاً شكلهم كأن التيل حافر حفرة غويطة فيهم...
بس كان في حاجة غريبة شوية أنا معرفهاش: كانت الطنابير متأكلة من النص يعني من وسطها و طرفها الخارجي عالي كأنه سور... يعني التيل مطبع و ماسك مش في حرف الطنابير بالضبط لكن مترحل تجاه مركز الطنابير سنة .... هل ده طبيعي؟؟؟؟

**pesso** · 23-01-2011 12:38 AM

عندى شعور كده ان المنتدى أدائه مريح شويه والاعضاء اللى أتعودنا منهم المشاركات السريعه والتدخل الفورى للرد على الاعضاء بقوا برده مريحيين وبقى الواحد بيشحت الكلمه او الاجابه عن سؤاله ..كان الاول لو الواحد سأل اى سؤال تلاقى كل الاعضاء بيتسابقوا على الردود لكن دلوقتى وكأن هذا الموضوع متفق عليه أتمنى ان يكون شعورى هذا خاطىء او ان انشغال الاعضاء بالامتحانات هو السبب
تحياتى لجميع الاعضاء وأعذرونى على كلامى ده حبى الشديد للمنتدى وأعضائه هم اللى دفعونى علشان اقول الكلام ده