استفسار بخصوص سخونية الطنابير

**drmomoking** · 20-01-2011 08:51 AM

السلام عليكم

دلوقت العربية بقالها كام يوم من ساعة المطر و الكلام دة وانا حاسس انها متكتفة شوية واستهلاك البنزين عندى على اوى خدت 30 لتر فى 300 كم منهم 80 كم على الاوتوستراد والباقى جوة البلد

النهاردة الصبح وانا رايح الشغل والمسافة من بيتى لشغلى 7.5 كم بالضبط والكلام دة كانت الساعة 7 الصبح يعنى الطريق فاضى وكنت واخد كوبرى اكتوبر

بعد ما وصلت جيت اجس الطنابير اتلسعت جامد بس الجنط مكنش مولع الطنابير نفسها هيا اللى كانت مولعة الجنط كان سخن بس مش زى الطنابير

السؤال دلوقت هل دة طبيعى ولا كدة فى حاجة قفشة فى منظومة الفرامل وهيا اللى سخنت الطنابير كدة وخصوصا ان الجو برد جدا وانا كنت ماشى معظم الريق مستخدمتش الفرامل يمكن الا 3 او 4 مرات منهم مرة وانا بركن

السؤال التانى هل استهلاك البنزين العالى دة ممكن يكون مرتبط بكدة ولا فى حاجة تانية اراجع عليها

وشكرا

**MMamdouh** · 20-01-2011 02:16 PM

هل حاسس ان اداء العربية قل عن الاول؟؟؟ يعنى حاسس انها مبتسحبش زى الاول و متكتفة؟

لو الاجابة نعم يبقى ممكن عندك مشكلة فى الفرامل مخلية التيل قافش على الطنابير طول الوقت و دة بيسبب سخونة شديدة و استهلاك بنزين زيادة و ضعف فى الاداء

MMamdouh

**MMamdouh** · 20-01-2011 03:36 PM

احتمال... الافضل انك تكشف عشان تقطع الشك باليقين

راجع على وضعية التيل و سهولة حركتة و اتاكد ان مفيش اى رواسب او اوساخ بتعوق حركة التيل و مسببة ضغط على الطنابير بشكل دائم

MMamdouh

**mahmoudbadr** · 23-01-2011 08:31 PM

المشاركة الأصلية كتبت بواسطة drmomoking

هيا العربية اتكتفت شوية واستهلاك البنزين زاد بس دة بعد الكام يوم بتوع المطر بس فهل ممكن المطر يسبب تلف فى منظومة الفرامل ويؤدى الى الكلام اللى حصل دة

واية الحاجات اللى اكشف عليها

هل عجلة واحدة ولا اتنين؟

كان عندى مشكلة زى كدة و اتضح ان جهاز من بتوع الفرامل ( Piston) قافش

تم فكه و تغيير أساتك ( مش عارف يعنى إيه)

و لإتحلت المشكلة

لو العجلتين يبقى ممكن تكون فيه مشكلة فى الماستر ( حسب كلام الميكانيكى بتاع الفرامل)

إن شاء الله تكون بسيطة

**drmomoking** · 24-01-2011 05:24 PM

المشاركة الأصلية كتبت بواسطة mahmoudbadr

هل عجلة واحدة ولا اتنين؟

كان عندى مشكلة زى كدة و اتضح ان جهاز من بتوع الفرامل ( piston) قافش

تم فكه و تغيير أساتك ( مش عارف يعنى إيه)

و لإتحلت المشكلة

لو العجلتين يبقى ممكن تكون فيه مشكلة فى الماستر ( حسب كلام الميكانيكى بتاع الفرامل)

إن شاء الله تكون بسيطة

دكتور محمود واحشنى والله . حضرتك هوا موضوع التكتيفة فك بنسبة كبيرة انما لسة السخونية شوية مدايقانى بس انا سالت الميكانيكى بتاعى قاللى عادى عشان العربية اوتو بس انا مش عارف لية مش مقتنع

**drmomoking** · 24-01-2011 05:36 PM

والسخونة فى الناحيتين وفى حد قاللى ان دة عادى عشان تحميلى كتير على الفرامل فى الاوتو اكتر من المانيوال فدة سبب من الاسباب
وهيا كانت بتسخن برضة قبل كدة بس كان فى الصيف فقلت دة طبيعى بس لما البرد الجامد دة جة ولسة بتسخن بدات اشك

**mahmoudbadr** · 24-01-2011 08:55 PM

المشاركة الأصلية كتبت بواسطة drmomoking

والسخونة فى الناحيتين وفى حد قاللى ان دة عادى عشان تحميلى كتير على الفرامل فى الاوتو اكتر من المانيوال فدة سبب من الاسباب
وهيا كانت بتسخن برضة قبل كدة بس كان فى الصيف فقلت دة طبيعى بس لما البرد الجامد دة جة ولسة بتسخن بدات اشك

ممكن حضرتك ترفع العربية و تلف العجلة بايدك

لو لفت كويس و محستش إنها تقيلة يبقى تمام

لو بتلف بالعافية ممكن يكون التيل قافش على الطنابير

و على فكرة طبيعى إن التيل يكون محمل سنة بسيطة على الطنابير

بس مش لدرجة كلبشة

و على العموم طالما الكلبشة فكت خليك ماشى عليها

و بعد شوية شوف إستهلاك التيل

لو بيستهلك بسرعة يبقى أكيد فيه قفشة بسيطة

**drmomoking** · 25-01-2011 12:09 PM

خلاص اجرب واشوف والف شكر لحضرتك على المتابعة والاهتمام

الموضوع: استفسار بخصوص سخونية الطنابير

LinkBack

أدوات الموضوع

عرض

-

-

-

-

المواضيع المتشابهه

استفسار بخصوص الطنابير

استفسار عن لون الطنابير

استفسار فى الطنابير

استفسار عن الطنابير الصينى

استفسار عن سخونية اللادا

الكلمات الدلالية لهذا الموضوع

المفضلات

المفضلات

ضوابط المشاركة