الموضوع: اسئلة عابرة

ازيكم يا شباب
اخباركم ايه؟

= تمام الحمد لله بخير وانت اخبارك بخير

كنت عايز اعرف ايه العلامات اللي عندها اغير تيل الفرامل ؟!

= لما بتحس وانت بتضرب فرامل انها مش بتمسك زي مانت عاوز يعني مثلا بتحسها ضعفت في المسكة ازاي يعني وانت ماشي سريع وحبيت توقف لو دست دوسة خفيفة ولقيتها بتستجاب معاك تمام يبقى التيل لسه بخيره اما لو دست دوسة خفيفة ولقيت ولا حاجه ولازم تدووووووس جامد يبقى التيل جاب اخره وتغيره

يعني الاشارات اللي تقول ان التيل خلاص انتهى ومحتاج تغيير ؟!

=لا طبعا لا اشارات ولا غيره دا مش بنزين

وكمان عايز اعرف امتى الكوبلن يحتاج تغيير ؟!

= دا مقدرشي افيدك فيه

ايه علاماته برده؟!

= نفس الي فوق

والدبرياج امتى كذلك؟!

= هوا الدبرياج بيتغير ؟؟ و لو بيتغير يبقى لما اتلاقيه تقل في رجلك وانت بدوس عليه يبقى غيره , انا استغربت لما سألت انه بيتغير على اساس ان من اول لما جبت العربية مغيرتوش لانه خفيف الحمد لله وكله تمام

وهل التيل لما يتغير يتغيرامامي وخلفي مع بعض واللا حسب حالته ؟!

= حسب حالته بس المفترض الي بيحتاج تغيير على طول الامامي

وفرامل اليد هل التيل بتاعها منفصل واللا مع التيل الخلفي واللا ايه نظامه بالظبط؟!

= اعتقد منفرد

الكلام على فيرنا 2010

= عندي فيرنا 2005 وبطبق عليها نفس الي قلته لك

انا حابب اعرف اشارات بداية انتهاء كل حاجة عشان العربية متجيش تقف مني مرة واحدة وكمان عشان الفرامل متعملش حاجة مع الواحد مش ناقصين مصايب في الطريق

= لو عاوز تعرف ايه الحاجات الي ممكن تغيرها عشان تبقى في السليم
1- امتى اغير الفلاتر ؟
> فلتر الزيت : بتغيره كل ماتغير زيت ودا افضل يعني
> فلتر الهواء : بتغيره لما بتلاقيه اتملى ترااب جدا بس ممكن تنفضه بس لما تلاقيه جاب اخره غيره
> فلتر البنزين : هوا عموما بيتواجد تحت الكنب بص عليه مثلا كل 10 الاف كيلو شوفه اسود خالص ولا لسه بخيره ولو لسه بخيره سيبه والعكس صحيح
> امتى انضف الحساسات : تنضفها لما اتلاقي الشكمان بجيب معاك دخانة سوداء ساعتها هتشيل الفيش وتجيب سبراي التنضيف وتنضف الفيش دي
> امتى اغير البوجيهات : لو لقيت العربية الصبح وانت بتسخنها مش بدور معاك من اول مرة او من مرتين ساعتها اعرف ان في بوجيه عاوز يتغير
> سير الكاتينة : المفروض بيتغير كل 20 الف كيلو
> اممم اتمنى مكنشي نسيت حاجه ولو نسيت حاجه ممكن تكتبها وانا تحت امرك

وسؤال كمان
بالنسبة للصيانة بتاعة التوكيل هي المفروض كل 5000 كم

برضه الي اعرفه المفروض 1000 كيلو بعدها 10000 كيلو

لو انا هعملها كل 10000 كم هل فيها مشاكل بالنسبة للعربية؟!

لا عادي خالص كل الي هيعملوه لك انهم هيغيروا الفلاتر ويشوفوا تيل الفرامل ويقولك مع السلامة

يعني قصدي هل فيه حاجة تستدعي صيانة كل 5000 كم في العربية انها تكون ضرورية اوي؟!

لو انت غيرت زيت وحالة العربية تمام ومفيش اي حاجه من الي كتبتها لك فوق يبقى كله تمام