ريحة شياط ؟!

**BLOODY_STONE** · 21-01-2011 02:33 PM

العربية بعد ال 120 طلعت ريحة شياط ...
دي يمكن كانت تاني مرة اجيب بيها 120 بالعربية ... ماشية 7000 كم .. صاحبي بيقولي عادي عشان انت عربيتك موتورها عايز يتفتح او حاجة زي كده .. حد فاهم حاجة ؟

**ahmed2y** · 21-01-2011 02:48 PM

الى قالولك كدة هما الى مش فاهمين حاجة مع ان التفتيح الى سمعنا عنو مفيهوش حاجة بس محدش قال انة بيبوظ حاجة شوف التوكيل وقولهم احسن يكون فى حاجة وعربيتك جديدة وفى الضمان خسارة يبوظ فيها حاجة

**smsm_nabawy** · 21-01-2011 10:54 PM

بص ،، سؤال ،، يليه تعقيب ...

اولاً.السؤال ... العربية بتشم فيها ريحة شياط ... بعد ال 120 ،، ولا لما بتشد بيها ،، و تحرق عليها ،، بمعنى تاني ،، عربيتك لما بتجيب ال120 ،، بتكون معاك على الجير الكام ،، و أر بي ام كام ،، و هل بتحرق ولا

ثانياُ . التعقيب.. و هو عن تفتيح الموتور

تفتيح الموتور بيكون انك تحرق كتير على الموتور ،، عشان يطبع أحسن ،، و يستجيب معاك في الجري أحسن ،، كأنك عندك حصان ،، بتعوده على الجري،، بأنك تصقي عليه شوية شوية ،تدريجياً طبعاً، ، بعد كده ،، لما تيجي تطلب منه تسارع ،، بتلاقيه جمع بسهولة ،، كذلك الموتور لما بتفتحه

بالنسبة لطريقة التفيتح ،، سيبك منها ،، خليك ماشي عادي أحسن...

و أؤيد رأي الأخ أحمد ،، أسال في التوكيل لو شاكك ...

**smsm_nabawy** · 21-01-2011 11:40 PM

المشاركة الأصلية كتبت بواسطة spiderxp

طبعا التوكيل لا محالة مادام 7 الاف كيلو حرام توديها لـ اي ميكانيكي , التوكيل اولى بيها

7000 كيلو !!

يخرب بيت الحوولان :))
دنا شفتها 70,000
ههههههههههههه

لا لو كدا يبقى توكيل على طول :))

و كمان انت المفروض بتلين على كده ،، صاحبك ليه قلك تفتح موتور !!

لينه الاول ،، و أوعى تفتري على الموتور و انت بتلينه ،، عشان يعيش معاك عمر أطول ،، إلا لو أنت غاوي شد و جري و عايز العربية تبقى مفتوحة معاك بعد كده على طول ،،

بس حتندم بعد كده ،، لأنك حتقلل عمر موتورك الأفتراضي بمعدل كبير ... و ربنا معاك

**smsm_nabawy** · 22-01-2011 01:34 AM

بص لو رحت للتوكيل عشان العربية لسه في الضمان ،، حيقولولك انت تلاقيك قرصت عليها ،، لأنهم لو فيها عيب مش حيصلحوه ،،

و لكن الأأمن أنك تشوف الوقت اللي فاضي فيه ،، و روح بالعربية و قللهم على اللي حصل

من وجهة نظري حتلاقيك عشان سحبت بالعربية مرة واحدة و هي لسة في فترة التليين ،، بس الله أعلم ،، ممكن يكون فيها عيب ولا حاجة .. روح و اطمن