الموضوع: تركيب لمبة الشنطة في سبارك (بالصور)

===أولا اود أن اشكر صديقي ومعلمي في الإلكترونيات المهندس عمرو عاشور===

الأدوات المطلوبة:
- لمبة شنطة لانوس (من التوكيل)
- سلك 2 مم (هات 10 متر ودا طبعا بزيادة)
- كليبسات دكر
- شريط لحام، مكرونة heat shrink
- سوستة (لتمرير السلك)
- لزق أمير وبودرة تيل فرامل
- طقم عدة كهربا (مفكات وكدا)

طبعا انتم عارفين إن سبارك بتنزل مصر من غير لمبة شنطة..بس الظريف إن مكانها موجود..مجرد حتة فبرة بنفس مساحة اللمبة لما تشيلها تلاقي فتحة لتركيب اللمبة..يعني مش محتاج تقطع في الفبر الأصلي للعربية

دي صورة مكان اللمبة


ودي صور اللمبة الاصلية (وش وضهر) وخلفها الفبرة إللي مغطية مكان اللمبة بعد مافكيتها..ويظهر في الصورة part number...راجع موضوع http://www.nilemotors.net/Nile/194303-a.html



الخطوة التانية فهم دائرة كهرباء لمبة الشنطة الأصلية..ويتضح من الصورة (النالية) إن الفردة الحية +12V الخاصة بلمبة الشنطة واصلة من لمبة الصالون إلى لمبة الشنطة..وواضح إن السويتش (مفتاح) لمبة الشنطة واصل على الطرف الأرضي (زي ابواب السيارة)


بناء الدائرة:
أولا البحث عن ضفيرة!!!
الحقيقة الضفيرة مش موجودة..يعني مافيش سلك (احمر في ابيض) واصل من الـPIN رقم 6 في الكونكتور 201 (فوق رجل السواق الشمال) لحد الشنطة..ودا معناه إننا لازم نمد السك بنفسنا تحت باكتات الابواب لحد مكان لمبة الشنطة..

ثانيا عمل السويتش :
كان امامي حلين للسويتش..إما إني اجيب مفتاح باب واخرم في جسم الشنطة علشان اركبة..او اركب السويتش على اللاتش LATCH بتاع قفل الشنطة..وانا قررات اعمل الحل التاني علشان دا شغل الفابريقة الأصلي..وغلشان تفهموني اكتر بصوا على صورة اللاتش من الداخل (الصورة منقولة)


شايفين البلاسيتكة البيضاء في اللاتش..البلاستيكة دي راكبة على سوستة وبتطلع لفوق لما تقفل الشنطة وبتنزل لتحت لما تفتح الشنطة..لو لزقنا على البلاسيتكية البيضاء دي كليبسة دكر هانلاقي الكليبسة دي بتلمس في جسم اللاتش لما الشنطة تتفتح..عند قفل الشنطة هانلاقي الكليبسة دي اترفعت عن جسم اللاتش وبكدا تكون فتحت الدائرة (فصلت يعني)

دي صورة البلاستيكة بعد ما فكيتها من اللاتش علشان الزق عليها الكليبس


ودي صورتها بعد مالزقتها بأمير وبودرة تيل فرامل


ثالثا توصيل السلك الأرضي
دي بقى اسخف حاجة في الموضوع كله وذلك لصعوبة تمرير السوستة (السلك) عبر منحنيات الشنطة والرفرف..وكله كوم وتمرير السلك من الدكت الكاوتش إللي مابين الشنطة والرفرف كوم تاني (الصورة الثانية لاحظ السلكة الزرقا التقيلة إللي ممرت بيها السلك من الكاوتشة)..بس االحمد لله مررت السلك بعد عناء..أنا وصلت بعد كدا الطرف الأرضي الواصل للمبة الشنطة إلى سويتش الباب (خلف السواق) والهدف من ذلك إن لمبة الصالون ولمبة تحذير الأبواب تنوران مع فتح الشنطة..وبالتالي عند تركيب الإنذار تكون الشنطة مربوطة مع الأبواب



رابعا توصيل الفردة الحية او الطرف الموجب
احذر ثم احذر التعامل بدون حرص مع الفردة الحية والافضل فصل البطارية قبل العمل..انا وصلت الطرف الموجب من سوكت لمبة الصالون علشان ما اقطعش في سلك الفابريقة..طبعا بدأت في مد السلك بالعكس..يعني من اول الشنطة وتحت باكتيات الأبواب ثم باكتيات القائم الشمال ثم السقف ثم إلى لمبة الصالون..وتأكد أن طرفي السلك الممدود معزولين تماما..بعد مد السلك ركب طرف اللمبة ثم الطرف الثاني في سوكيت لمبة الصالون...ملحوظة: لو وصلت الطرف دا على مفتاح لمبة الصالون ساعتها لو مفتاح لمبة الصالون مقفول لمبة الشنطة مش هاتنور ودي فكرة ظريفة تخلليك تتحكم في لمبة الشنطة عن طريق لمبة الصالون..الفكرة جت في دماغي بعد ما ركبت الدايرة!!!!!!
صورة السلك الواصل بسوكت لمبة الصالون


بص على صورة اللمبة في اعلى الموضوع هاتلاقي اللمبة لها طرفين..احدهما قصير والآخر طويل..يفضل تركيب الطرف الموجب على الطرف القصير

الله يبارك فيك..والزينون نور برضة :-)))))