رينو ساندرو او بروتون ساجا ؟

**mido1001** · 22-01-2011 06:21 PM

ممكن مساعده ؟ اشتري اى عربيه فيهم؟

**Youssef.Awad** · 22-01-2011 08:24 PM

رينو توكيلها اكثر احتراما من عز العرب اللى سايب البروتون تبيع لوحدها عشان سعرها بدون خدمات ما بعد البيع
انما رينو مهما كانت توكيلها مهتم بيها بالرغم من انه يملك كيا
انا شايفها اكثر عملية وصفقة رابحة من جميع الجوانب

**sayed911** · 22-01-2011 10:20 PM

!!!!!!!!!!!!!!!!!!!!!!!! وعجبي فعلا والله .. العربية مش بينزل دعاية ليها وهذا احدى الوقائع المؤسفة لطريقة تسويق عز العرب ... ولكن دعني اختلف معك يا استاذ يوسف ...
البروتون ساجا يا اخي في سطور لا يمكن ان توجز العربية ممتازة تكيف روعة مرتفعة عن الأرض اداء مرضي للغاااااااااااااااااااية من محرك 1300 ولا يمكن ان تصدق انه 1300 حيث انه يولد 96 حصانا وده بعد وضعه في السيارة وليس مثل اغلب طرق القياس الموجودة في العالم .. السيارة حائزة على 4 نجوم من اصل 5 في اختبارات الأمان الأروبوبية وتحتوي على قضبان فولاذية لتدعيم وتأمين السائق داخل السيارة بشكل كامل !!! ولكن كما قلت جزئا من مميزاتها ولكن ينبغي ان اقول العيوب التي تتواجد عند البعض ولكنها ولله الحمد ليست عقبات لدي او لدى الأغلبية ... استهلاك البنزين لدى البعض بيشتكوا منه انه عالي بالنسبة لسيارة 1300 ولكن ده محرك كامبرو وهو الجيل الجديد من شركة لوتس الإنجليزية الذي يمنحه تجميع وتسارع رهيبين !!! يعني ضريبة الأداء الفائق هو البنزين اللي البعض شايف انه زيادة شوية !! + قطع الغيار انا اضمن لحرضتك في خلال 6 شهور ها تلاقيها موجودة مع نزول موديل 2011 زي ما حصل معالجين 2 والبيرسونا العربية ما زالت في الطور الأول عشان كده ممكن تلاقي نقص قليل في قطع الغيار ولكنها موجودة ولله الحمد حضرتك بتشتري عربية زيرو عمرك ما ها تفكر تجيب قطع غيار مش قبل 5 سنين !!! نسيت اضيف لحضرتك الفتيس الأوتوماتيك فيها هوة نفسه فتيس لانسر كريستاله 99 وهو فتيس روعة بيجمع بسرعة والكيك داون بتاعه تجميعه تحفة !!!!! واعتقد حضرتك ممكن تزور اقرب فرع لعز العرب وتشوف لو حتى عرفت تاخد موديل 2011 قبل اسبوعين انا معرفش حاجة العربية عليها اقبال كبير جدا وانا وحتى الآن والله امتلك السيارة منذ يوم 6 اوكتوبر وقد استوقفني ما يزيد عن 7 اشخاص دوما سائلين عن السيارة وروعتها وامكانياتها .... صدقني العربية صفقة ممتازة بالسعر ده !!!!!!!!

**mido1001** · 23-01-2011 11:36 AM

بس انا سمعت ان السعر رفع ٣٠٠٠ جنيه فى مديل ٢٠١١ كمان قلقان من الوكيل قوي محدش شكر فيه ابدا.

**sayed911** · 23-01-2011 03:29 PM

السعر اترفع ارتفاع طبيعي لزيادة الجمرك + صدقني زور قسم بروتون ها تعرف انه التوكيل الحمد لله في تحسن دائم ومستمر وليه افرع اكثر من الأول يعني مش بيتهرب من الشئ واكثر من عضو يتم تغير اشياء ليهم تابعة في الضمان بدون ايييييي شئ وبدون اي جدال كفانا الله واياك اياه زي ما توكيلات تانية كتير بتعمل ....

**mido1001** · 24-01-2011 09:59 AM

المهم حد ساق العربيات دي يدينا الراي

**mememsaid** · 24-01-2011 11:43 AM

انا اقدر اللخص الامان في الساجا علي انها فيل ماشي علي الارض برشاقه الغزال
عربيه ممتازه الا انها يعيبها بكل امانه
استهلاك النزين (وده ابتدي يظبط معايا)
قطع الغيار الغاليه (وده طبيعي لاي عربيه جديده)
التوكيل (وكل التوكيلات زفت)