لية بنركب علايات فى المساعدين !!

**Silenty** · 23-01-2011 01:37 PM

اولا السلام عليكم ورحمة الله وبركاتة

ثانيا انا مركب مساعدين((خلفى )) مش الاصلى بتوع العربية عشان دووخت عليهم مش لاقيهم فوفقتلها مساعدين غازعلى زيت بتوع الاكسيل صناعة امريكى

المهم المساعدين عندى اما بكون محمل بالعربية اكتر من شخصين ورا العربية بتبقى ناااااااعمة حرير على الارض ومش بحس بأى نوع من المطبات ولا حفر ولا الكلام دة خااااااااالص
بس اما ببقى راكب لوحدى او معايا واحد بس بحس بأقل طوبة او حفرة فى الارض بتسمع جوة عندى فى العربية وبحس انى مش مركب مساعدين خاااااااالص ....

فالمشكلة هنا اما سئلت الميكانيكى قالى الاول لازم يتلينو فروحتلو تانى بعد فترة ولسة زى ماهما فقالى احنا لازم نطول مشوار المساعد!!
طب ازاى حنطول مشوارة قالى بنركب علايات للمساعد ؟؟!!!
عشان المساعد مفتوح على اخرة عشان كدة بيدبدب واما بتحمل علية بيتقفل شوية فبيشتغل وظيفتة الطبيعية ...

المهم ركبت علايات 2.5 سم والاداء اتحسن بنسبة 40 فى المية بس برضو العربية مش مريحة زى الاول اما كان المساعدين الاصلى بتوعها فيها..

فالسؤال هنا اركب علايات تانى فوق اللى ركبتهم ممكن يحسن الاداء اكتر ولا العلايات دى غلط عموما والمفروض المساعد استاندارد لية مشوار معين لا يطول ولا يقصر عشان ميأثرش فى اداءة ؟؟!!

وانا بشوف عربيات كتيير بيبقى معلى العربية اوى من ورا خصوصا البيجو وال 132 واحيانا الشايهن ؟؟! فهل سبب التعلية دة بينعم المساعدين بتوع العربية برضو ولا عشان مايحكش فى المطبات ؟؟!!
انا عن نفسى ماحبش العربيةتبقى عالية عن الارض كدة عشان الثبات بس اعمل اية ((المضطر يركب علايات))

**saadelden** · 23-01-2011 04:03 PM

الي بيعلي العربيه عشان بيشيل فيها حاجات كتير
زي التاكسي مثلا بيبقى شايل ناس كتير ف عشان العربيه ماتحكش ف المطبات بيحط علايات عاليه اوي
بس طبعا بتقلل ثبات العربيه جدا جدا

العلايه الي عندك حلوه اوي كدا و خلي بالك المساعدين غاز علي زيت يعني انشف من العادي كدا كدا
و لو الكاوتش ناشف بردو هتحس اكتر بالطريق ف يفضل تجيب كاوتش طري مع المساعدين الغاز

**تامر.محمد** · 23-01-2011 04:06 PM

بلاش تعلي العربية اوي

**A7MED_PHARMA** · 24-01-2011 02:42 AM

التعليو كويسة جوه المدن
لكن ع لاسفلت
صباح التعويم
..............................
دهطبعا بخلاف إنها بتخلي شكل العربية زي الززززززززززززززفت

**smsm_nabawy** · 25-01-2011 12:43 AM

بص أخي في الله ،، انا اللي أعرفه أن في حاجة أسمها صدادات ،، دي بتتحط تحت الياي ،، زي متقول كده ،، بتزود مشوار اياي نفسه ..

لكن معرش عن حاجة أسمها علايات للمساعد ، انت قلت كلمة صح مية المية ... المساعد مشواره ثابت و شم بيتغير ،، أقصى ازاحة ليه للداخل او الخارج ثابته ،، مش بتتغير إلا بتغير مواصفات المصنع نفسه ....بمعنى أقصى أضغاط ليه بيكون ثابت ،، و كذلك أقصى أنبساط .. و طريقة تحمله للمطبات بتعتمد على حالته ....

لو لسة جديد ،، بيتلين فعلاً. ،، لو مش جديد ،، يبقىا ممكن يكون جاب زيت

في أخ هنا قال مشاركة ،، عن العلايات دي ،، أنها بتتحط عشان العربية لما تحمل ،، متوطاش أوي ....
ده الفايدة الوحيد اللي أعرفها عن العلايات

أنا عندي رأي و الله أعلم هل حيكون صح ولا .. بس انا شاكك في اليايات اللي ورا نفسها ...

و تقريباً ده منها

بص تعالى كده نبصلها براحة ...
المساعد ملوهش دعوة في حمل على العربية ولا .... المفروض أن لو المساعد بايظ ... تحس بالمطبات ،، لما تكون محمل ،، أكتر من لما تكون لوحدك ... لأن المساعد بالسوست .. بيمصوا الصدمات
ده المفروض ...

لما المساعد بيبوظ ،، بيبقى بينزل و بيطلع على الفاضي ،، من غير مقاومة ... و الحمل كله بيكون على اليايات .. عشان كده مش بتقدر تستحمل وزن تقيل في المطبات ،، و رد فعلها في مص الدمة بيكون وحش ... و مبقدرش تمص الصدمة كويس

ده لو المساعد بايظ ...

عايز أقولك حاجة مهمة قبل مقول الي جي ده ..

السوست بيكون ليها عامل كبير ،، في أمتصاص الصدمات ،، على السرعات البطيئة و في المطبات الخفيفة ،، كبير أوي ...

تقريباً المطبات الخفيفة ،، على السرعات البطيئة ،، اليايات هي اللي بتمصها كلها ...

في السرعات .. و في المطبات الجامدة .. بيبان أثر المساعد مع اليايات مع بعض ..

من الواضح أن اليايات عند حضرتك فقدت وظيفتها ،،... لأنها مش بتساعد في أمتصاص الصدمات ..حتى الخفيفة منها،، و التحميل كله على المساعد "اللي هو أصلاً زيت و غاز ،، و هو بالطبيعة و حسب معرفتي ،، خشن عن الزيت بس...."

فبالتالي الحمل كله على المساعد ،، و حضرتك لما ركبت الصدادات دي ... ساعدت في تحسن أداء اليايات شوية ،، عشان ضغطتهم أكتر سنة ... و بالتالي ،، هي أصلاً عاملة أجهاد عليهم ،، لو العيايات فقدت معامل مرونتهم شوية ،، نتيجة التحميل الزايد عليها ،،

فمرونتها بتقل ،، و مع الصدمات بتتأثر بسرعة ،، و مش بترجع زي الأول ... و بالتالي مقوامتها للأنضغاط بتقل .. و لما حضرتك حطيت الصدادة دي ،، أثرت عليها بأجهاد ممكن يكون خلاها تستجيب بانفعال يقوام أي أنضغاط زيادة يحصل فيها ... و اللي في الحالة دي بيتمثل في المطبات
و لكن طبعاً ،، ده مش حيكون بنفس كفائة السبيكة بتاعت الياي ،، لما كان لسه بخيرة ،، و محتفظ بمرونته ،، و مقاومته للأجهادات ...

معلش أنا طولت ،، و لكني عايز أفهمك و جهة نظري،، بس برده مش عارف .. لأني دارس الحاجات دي في الكلية ... بس مش عارف أقولك المصطلحات بالأنجليزي و مش عارف أجيب معناها الحرفي بالعربي ،، عشان حضرتك و باقي الأعضاء يفهموا...
ده غير أني مش حعرف الم بتفاصيل الموضوع في مشاركة ... واحدة ده محتاج موضوع في حد ذاته

**smsm_nabawy** · 25-01-2011 01:38 PM

المشاركة الأصلية كتبت بواسطة silenty

مشكووور جدا اخى الفاضل سمسم على الاهتمام والرد الطويل المفصل دة
بس اعتقد العيب مش من اليايات عشان لما كان المساعدين الاصلى بتوع العربية راكبين كانت العربية ناعمة الى حد ما عن دلووقتى
عشان المساعدين الاصلى طوااااال اوى ومش لاقى مساعدين مقاسهم لحد دلوقتى فبيتهيئلى فرق الطول فى المساعد دة هو اللى مسبب المشكلة دى
بس لو طلع العيب من اليايات ممكن اغيرهم عادى ؟؟!
قصدى يعنى حلاقى اليايات بتاعت عربيتى ولا دى بتتباع بمقاسات مالهاش دعوة بنوع العربية ؟؟!
وبتبقى غالية ولا فى الحنين

يا أخي عفواً والله :)) ده حضرتك تأمر ....هو الواحد يقدر يتأخر بمعلومة عن الناس المحترمة اللي زيك و زي كتير هنا من المنتدى!!!

بس أنا معرفش عربية حضرتك نوعها أيه،، و هي بتتباع بالعربية

عشان بتفرق من عربية لعربية في عدد لفات الياي و قطره

**smsm_nabawy** · 25-01-2011 03:30 PM

المشاركة الأصلية كتبت بواسطة silenty

عشان المساعدين الاصلى طوااااال اوى ومش لاقى مساعدين مقاسهم لحد دلوقتى فبيتهيئلى فرق الطول فى المساعد دة هو اللى مسبب المشكلة دى

أنا مكنتش واخد بالي أن في فرق في طول المساعد .. بس ده أكيد بيأثر ،، على ثبات العربية و على المطبات

بس في الثبات أكتر ...
حتلاقي العربية ماشية من ورا عمالة تطلع و تنزل للوحدها ...!!! مع اققققققل مطب في الطريق لفوق او لتحت ،، و طبعاً مصر المحروسة مهماً كانت جودة السفلته فيها مش بتبقى مستوية .. و بيبقى الطريق في عالي و واطي ،، فده حيخلي العربية ماشية من ورا شبه عربية الملاهي ،، بتطلع و بتنزل و مش حتمسك نفسها ...

بصراحة .. حركة خطر .. طيب هيا عربيتك أيه .. ممكن أسألك واحد معرفة بيحبني اوي,... ليه أبوه صاحب محل قطع غيار سيارات ،، و ليه معارفه كتييييير.. ممكن أسألك عنده أن شالله حتى مستعمل ،، قللي بس عربيتك ايه و موديلها كام ...

-

الموضوع: لية بنركب علايات فى المساعدين !!

LinkBack

أدوات الموضوع

عرض

-

-

-

-

-

-

المواضيع المتشابهه

هو احنا في مصر بنركب الفايبركاربون غلط؟ (فيديو منقول)

سؤال لمن رفع الانوس من الخلف او وضع علايات

حد جرب علايات للمساعدين فى المازدا 3

تركيب علايات للنوبيرا

سيارات بتطير وإحنا لسه بنركب 128

الكلمات الدلالية لهذا الموضوع

المفضلات

المفضلات

ضوابط المشاركة