تويوتا كورولا - شكرا لكي أنتي فعلا من الكبار و تستحقي أفضل من ذلك

**Samir Elshahawy** · 24-01-2011 10:22 PM

الاخوة الكرام ...

أسعد الله مسائكم بكل الخير ووقانا ووقاكم من كل شر و سوء و من شرور أعمالنا ..

كما تحدثت معكم من قبل و ذكرت أنه بحوذتي حاليا سيارة كورولا MMT موديل 2008 منذ اكثر من شهر و أنا أختبرها بعناية و أركز مع كل شاردة وواردة منها و كنت قد ذكرت لكم أيضا أني سأكتب لكم نتائج كل ذلك أن شاء الله في تقرير نهائي وافي

المهم أني تعرضت اليوم لموقف كاد أن يكون حادثا عندما أضطرتني الظروف أن أمر من بين سيارتين أحداهما اوكتافيا أخذت غرزة ضيقة جدا من أمامي و كادت أن تصطدم بي ثم بدأت في الدوران حول نفسها جهة اليسار فأضطررت أن أتجه بقوة و أندفاع مع الضغط علي الفرامل جهة اليمين لأفلت و أمر بأعجوبة من خرم أبرة مابين الاوكتافيا التي أصبح مقدمها في جانبي الايسر و مابين سيارة أخري ربع نقل علي يميني و كدت أن أصطدم أنا الاخر بالسور اليمين للكوبري لولا العناية الالهية التي جعلتني أستدير مرة أخري لليسار ليرتطم الاطار الخلفي اليمين و بشدة بالرصيف

كل هذا حدث بينما كانت سرعة سيارتي علي مطلع كوبري الجيش بسرعة حوالي 100 كم/ساعة نزلت بعد ذلك أثناء تلك المناورة و بعد الارتطام بالرصيف الي 60 كم/ساعة

طبعا لم أتمالك أعصابي كي أتوقف و لكني أكملت حتي المكتب بألماظة بينما شاهدت الاوكتافيا في المرية الشمال و هي تصطدم بالسور و تكاد تسقط و لكنها توقفت علي الرصيف بالظبط

طبعا عندما وصلت المكتب فحصت السيارة جيدا و الحمد لله لم أجد بها أي أصابات أو بالاطار او بالجنط

الغريب بعد ذلك أني ذهبت ألي مشوار أخر في مدينة نصر و عدت و لم أشعر بأي شئ غير طبيعي بالسيارة من أهتزازات أو غربلة أو غيره

و لكن قبل أنصرافي من المكتب بنصف ساعة وجدت أحد أفراد الامن يبلغني بأن الاطار اليمين الخلفي فاضي تماما و العجلة نايمة علي الارض

طبعا قمنا بتغييرها و تركيب الاحتياطي و ذهبت علي الفور لفحص الاطار و الجنط و لم أجد أي انبعاج أو أثر للصدمة بالجنط حتي الاطار نفسه لم تحدث به تشوهات و قصصت ماحدث لصاحب محل الكاوتش فطلب من الفني تركيب الاطار مرة اخري بالجنط و ملئه بالهواء و اختباره و لم نجد أي تسريب و أخبرني انه أحتمال أن يكون قد حدث أن خرجت شفة الاطار من الجنط قليلا فحدث تسريب للهواء ببطء

ده موقف حصل النهاردة مع الكورورلا الجنوب أفريقي ظهرت فيه مميزات كل من :
- التوجيه علي سرعة عالية
- الفرامل و ال abs مع السرعة و الانحراف بشدة مرة لليمين و اخري لليسار
- الثبات بينما مرت الاوكتافيا بنفس الظروف و مالت علي جانبها لولا الرصيف عدلها تاني
- القوة و المتانة التي تحملت أرتطام الاطار الخلفي بالرصيف بهذه السرعة العالية

الحمد لله علي كل شئ و أحمدك ربي و أتوب أليك أنت اللطيف بعبادك و أنت ارحم الراحمين

مع خالص تحياتي و تمنياتي لكم بالسلامة
م/ سمير الشهاوي

**Unendlich** · 24-01-2011 11:50 PM

حمد الله على سلامتك
طبعا دلوقتي يخش الناس اياهم يقولك أصل الرصيف ده كان بلاستيك عشان كده ماحصلكش حاجة والاوكتفيا كان بيتمنظر مش بيعوم
ربنا يباركلك فيها و يستر طريقك و متقلقش على ملاك العربية عشان اعتقد اللي منهم فعلا تعامل مع العربية عرف قيمتها

**medociv** · 25-01-2011 01:02 AM

حمدا لله على سلامتك
ربنا سترها معاك

**Samir Elshahawy** · 25-01-2011 01:16 AM

المشاركة الأصلية كتبت بواسطة unendlich

حمد الله على سلامتك
طبعا دلوقتي يخش الناس اياهم يقولك أصل الرصيف ده كان بلاستيك عشان كده ماحصلكش حاجة والاوكتفيا كان بيتمنظر مش بيعوم :10d5c8w1107:
ربنا يباركلك فيها و يستر طريقك و متقلقش على ملاك العربية عشان اعتقد اللي منهم فعلا تعامل مع العربية عرف قيمتها

سيدي الفاضل ..

شكرا لك علي ردك , المشكلة مش في الرصيف و لا العربية نوعها أيه
المشكلة في اللي عايزين يجروا و خلاص و مش قادرين ينتظروا لما الطريق يفضي خاصة أن المنطقة دي بتكون عادة واقفة بعد نهاية الكوبري اللي بينتهي بمنحني أنت مش شايف أيه اللي في أخره

و أكثر من مرة اتكلمت عن الطريق ده و عيوبه و لسه من يومين بالظبط حادثة برضه كانت فيه بسبب السرعات الزائدة و بغباء

صدقني ... ربنا هو الستار و بيسبب الاسباب لكن أرجع أقول ... ياريت الناس تتعظ و تتعلم

مع خالص تحياتي
م/ سمير الشهاوي

**KHALED AYMAN** · 25-01-2011 01:23 AM

الحمد لله على سلامه حضرتك ...
واحب اضيف ..ان خبره حضرتك فى القياده ساعدتك بشكل كبير فى التصرف لان غيرك بيتخض و يسيب العربيه تتصرف ويمكن ده الى حصل لبتاع الاوكتافيا (ربنا يتولاه)..وطبعا كله باراده ربنا ..

**Samir Elshahawy** · 25-01-2011 01:36 AM

المشاركة الأصلية كتبت بواسطة khaled ayman

الحمد لله على سلامه حضرتك ...
واحب اضيف ..ان خبره حضرتك فى القياده ساعدتك بشكل كبير فى التصرف لان غيرك بيتخض و يسيب العربيه تتصرف ويمكن ده الى حصل لبتاع الاوكتافيا (ربنا يتولاه)..وطبعا كله باراده ربنا ..

الله يسلمك من كل سوء و شكرا علي مجاملتك , صدقني هو ربنا اللي بيلهم الواحد ساعتها

و عايز أقولك برضه حاجة ...
ساعات التوقع بيمنع المفاجأة و ده اللي حصل لما لمحت البيه جاي من يميني و مصمم يعدي , في الحالات دي دايما بهدي و احاول اوسع له علشان يغور و ده اللي نفعني بصراحة انيلما هديت شوية كان عندي مساحة الحق أتصرف فيها رغم ان العربية اللي قدامي علي اليمين هي كمان هدت بس من الخضة فأصبح عندي فرصة أني أقرص علي الثالث و أطلع منه و أكسر عليه يمين

بالرغم من معرفتي بالطريق و أني بأحاول ألتزم بالسرعات المقررة و أسيب مسافة و اتوقع خطأ الغير ألا أن كل ده مش كفاية برضه لازم معاهم ستر ربنا

**KHALED AYMAN** · 25-01-2011 01:47 AM

المشاركة الأصلية كتبت بواسطة se_coralsea

الله يسلمك من كل سوء و شكرا علي مجاملتك , صدقني هو ربنا اللي بيلهم الواحد ساعتها

و عايز أقولك برضه حاجة ...
ساعات التوقع بيمنع المفاجأة و ده اللي حصل لما لمحت البيه جاي من يميني و مصمم يعدي , في الحالات دي دايما بهدي و احاول اوسع له علشان يغور و ده اللي نفعني بصراحة انيلما هديت شوية كان عندي مساحة الحق أتصرف فيها رغم ان العربية اللي قدامي علي اليمين هي كمان هدت بس من الخضة فأصبح عندي فرصة أني أقرص علي الثالث و أطلع منه و أكسر عليه يمين

بالرغم من معرفتي بالطريق و أني بأحاول ألتزم بالسرعات المقررة و أسيب مسافة و اتوقع خطأ الغير ألا أن كل ده مش كفاية برضه لازم معاهم ستر ربنا

مش مجامله والله يا باشا ده واضح من سردك للاحداث
فعلا ربنا بيلهم الواحد ..ولو فكرت بعدها اتصرفت ازاى مش هتعرف توصل ليه مثلا حودت يمين او شمال ..مش هتقدر توصل حضرتك فكرت ازاى وقتها ...
هو طبعا بفضل ربنا ..لما بيكون الى سايق عنده خبره كافيه بيقدر يمسك اعصابه لحد ما الموقف يعدى ..
الحمد لله ان حضرتك بخير دى اهم حاجه :)

**moosaleh** · 25-01-2011 04:57 AM

حمد الله على السلامه يا بشمهندس ولزياده افاده الاخوه الاعضاء يرجى مراجعه تجربتى مع فرامل سيارتى 2009 فى الموضوع
http://www.nilemotors.net/Nile/143390-a.html

**OilMan** · 26-01-2011 09:17 AM

حمد الله على سلامتك يا هندسة وربنا يكفيك شر الطريق واخطاء الغير وانا متفق معك فعلا فى اخر الكوبرى بتبقى انت مش شايف حاجه ادامك وبتقابل منزل مفاجئ وبتهدى وتلاقى اللى وراك بيزمرلك او عاوز يعدى منك وخلاص مع انه مش شايف برده بس اهو رعونة واستهتار وخلاص علشان كده انا دايما فى نص الكوبرى ابدا اهدى وادى انتظار علشان الناس تفهم حاجه ابدا بس مش معنى كده انى حبطل ادى انتظار يمكن حد يفهم
حمد الله على سلامتك مرة اخرى يا هندسة