الموضوع: ايهما افضل العبور ام الشروق

المشاركة الأصلية كتبت بواسطة محمد محمد

تصحيح
الشروق مداخلها من طريق السويس وطريق الأسماعيلية
العبور مداخلها من طريق الأسماعيلية وطريق بلبيس.

تمام كدة خطا مطبعي مني . واقصد ان العبور عن طريق الاسماعيلية بس

المشاركة الأصلية كتبت بواسطة m.nasr

هى المشكلة فى العبور حاليا هو طريقها مافيش غير طريق الاسماعيلية ومليان مشاكل للاسف

هو دة

المشاركة الأصلية كتبت بواسطة sharky

هو علشان شغال فيها يا محمد يبقى تبقى احسن :)

بصراحة انا بعدى على الإتنين و شايف ان الشروق اجمل و طريق الوصول اليها احسن

هههههه
ما هو طالما اشتغلت في العبور وسكنت فيها يبقي ده اكيد احسن من انك تشتغل في العبور وتسكن في الشروق ...اذن العبور افضلك.

المشاركة الأصلية كتبت بواسطة yoko

إحنا لما جينا نشتري جبنا في العبور (عشان الوالده غرتاحت لها نفسيا)
فشوف هترتاح لانهي من الأخر

يعني المفروض اننا نبقي جيران ولا ايه

المشاركة الأصلية كتبت بواسطة al_manara

تمام كدة خطا مطبعي مني . واقصد ان العبور عن طريق الاسماعيلية بس



هو دة

كده العبور ليها كذا مدخل مش مدخل واحد مدخلين(او طريقين) من طريق بلبيس ومدخل من طريق اسماعيلية.

المشاركة الأصلية كتبت بواسطة eng:mohamed

أدلي بدلوك يا حاج
:)

هعمل نفسي مش واخد بالى.

السلام عليكم ,

حضرتك أنا ساكن فى الشروق من 2008 و بروح العبور كتير عشان زمايلى ساكنين هناك , كل واحدة فيهم ليها مميزات و عيوب و حضرتك اللى تقرر ايه اللى يمشى معاك من الاتنين.

بالنسبة للشروق هى ليها مدخلين الاول من طريق الاسماعيلية و المدخل التانى من طريق السويس و دى ميزة مهمة جدا بالذات فى الفترة من الساعة 3.5 العصر لحد الساعة 7 تقريبا اللى هى فترة الذروة لخروج المصانع , الشروق مدينة سكنية فقط يعنى مفيش فيها منطقة صناعية و دة خلى الى حد ما المجتمع ليه مستوى كويس , من 2008 من ساعة ما سكنت فى الشروق حركة العمران بتزيد عشان مدينتى و أعتقد ان بعد ما كارفور يفتح على مدخل المدينة الحركة هتزيد أكتر , العيب فى الشروق هو عدم وجود أماكن ترفيهية لان كل المولات هناك لسة فى مرحلة البناء

بالنسبة للعبور ليها مدخلها الاساسى من طريق الاسماعيلية و المدخل التانى من طريق بلبيس بس المشكلة ان كل دة بردة فى الاخر بتنزل فى نفس المكان عند مدينة السلام و منها بقى الى الطريق الدائرى او تكمل فى اتجاة جسر السويس او شارع جوزيف تيتو و كل المناطق دى زحمة جدا جدا جدا فى الفترة من 3.5 لحد 7 , العبور فيها خدمات ترفيهية أكتر من الشروق فى منطقة المطاعم اللى عند مدخل طريق الاسماعيلية , فيها مطاعم و كارفور و كافيهات , العبور لان فيها منطقة صناعية فدة عامل كثافة سكانية عالية بالنسبة لمدينة الشروق (بس مش زحمة) و حركة العمران فى العبور اسرع من الشروق عشان المنطقة الصناعية , العيب الاساسى فى الشروق بالنسبة لتقديرى المتواضع هو موضوع طريق الاسماعيلية و لازم يكون فى حل بحيث ان يكون فى طريق مباشر تنزل منه على الدائرى مباشرة بدون الدخول فى طريق الاسماعيلية او طريق بلبيس

دة مقارنة بسيطة جدا بين الشروق و العبور و كلها رأى شخصى و الفصل فى موضوع الاختيار ان حضرتك تنزل الاتنين تلف فيهم و تشوف الاسعار و الخدمات المتوفرة و الجيران المحيطين بيك و مستواهم و الاهم الراحة النفسية للمكان

و ربنا يوفقك لحسن الاختيار