استفسار عن قطع غيار اللازمه لطقم الشنبر والعمره

**michohat** · 26-01-2011 05:41 PM

عندي استفسار بالنسبه لقطع الغيار الواجب استخدامها فى طقم الشنبر او العمره هل يمكن الاكتفاء بالشراء من محل كبير مثل الكيلاني ولا يجب ان ابحث عن ماركات معينه و محدده واذا كان ذلك ما هي القطع التي يشملها طقم الشنبر والعمره وما هي الماركات والانواع الموصي بها
وهل ينفع ان اذهب الي محل الكيلاني مثلا واقول له اريد تسعير لقطع الغيار اللازمه لعمل طقم شنبر لعربية كذا موتور كذا وذلك من باب الالمام بالاسعار ومعرفه متوسط اسعار السوق لاني لا اعرف ما سوف يتم تغييرة فى طقم الشنبر او العمره

**romieh** · 26-01-2011 06:47 PM

أولا الميكانيكى هو اللى بيحدد اذا كان الموتور محتاج طقم شنبر ولا عمرة كاملة وده بعد لما بيفتح الموتور ويشوف ايه اللى محتاج يتغير

لو طقم شنبر فدى غالبا الحاجات اللى هتحتاج تغيير

طقم الشنبر + طقم جوانات + جوان وش سلندر + جوان تاكيهات وطبعا الزيت والفلتر

أما لو عمرة كاملة فالحاجة بتروح للخراط وهو هايقولك ايه الزيادة ولكن فى الغالب هتكون:

طقم بساتم + طقم صبابات وشوية حاجات تانية انا مش فاكرها صراحة

وبيشوف اذا كان باقى الحاجات فى الموتور تنفع ولا لازم تتغير

على سبيل المثال لا الحصر ( عمود الكرنك + وش السلندر .......)

فطبعا كل الحاجات دى بتتعرف بعد لما الموتور يتفتح وتشوف ايه الكويس وايه الوحش

اما من قبل الموتور مايتفتح فصعب ان الواحد يخمن ايه اللى محتاج يتغير

**michohat** · 26-01-2011 08:27 PM

طب بخصوص الماركات والانواع هل افضل الانواع الاقيها عند المحلات المشهورة مثل الكيلاني او فيات 2000
ولا في بعض الاجزاء مش موجوده عند المحلات دى
وكمان لو دخلت على اى محل هل لو قولت ليهم على نوع الماتور ومواصفاته هيقول لى تكلفه قطع الغيار كام لاني عاوز اثمن قطع الغيار قبل ما اشتري واعرف فين احسن جوده و سعر

**romieh** · 26-01-2011 09:57 PM

ما هى المشكلة انك مش عارف الحاجات اللى انت محتاجها دلوقتى

عموما انا لما كنت بعمل العمرة الراجل كان بيقولى الحاجة دى فى منها نوع كذا بكذا ونوع كذا بكذا وانا اختار

وطبعا بتفاصل وتنزل السعر معاه (يعنى مش تاخد الكلام مسلم)

من رائى انك تستنى لما تشوف الحاجات المطلوبة وتحطها فى لستة وتشوف عند كذا محل الاسعار بتاعة الحاجات المطلوبة واشترى من الارخص والاحسن

موضوع الانواع دى مش هاقدر افيدك باسمائها

بس هو الراجل كان بيقولى مثلا ان القطعة دى فى منها الايطالى وفيه التركى وفيه المصرى وانا اختار

وربنا يكون فى عونك

**MEDO84EG** · 15-03-2011 11:39 AM

انا نفس الحكايه معايا بيجو 305 و بعمل عمره كامله و عاوز اجيب طقم بساتم
لقيت طقم تركي بستم+شيميز+شنبر 825
مش عارف التركي ده حلو و لا ايه
يا ريت تفيدونا